السلام عليكم ورحمة الله وبركاته النهارده 24 شعبان❗ الوقت ضيق، وكلنا بقى عندنا شغل كتير معظم اليوم، وفي نفس الوقت، كلنا عايزين يكون لينا نصيب من نوافل الطاعات.. معادلة صعبة، ولكن ليها حل بإذن الله.. 💡وحلها في استغلال الأوقات البينية: ◼️أوقات الانتظار في أي مكان. ◼️وقت المواصلات. ◼️وانت بتلبس الصبح ونازل شغلك. ◼️وانتي في المطبخ بتطبخي. اسمعوا دروس، اسمعوا قرآن، اسمعوا كتاب مقروء، اذكروا الله على أد ما تقدروا، سمَّعوا حفظكم من القرآن.. حاجات كتير ممكن نعملها في الوقت ده لو قررنا بجد نستغله صح، واستعنا بالله. رمضان بيقرب، وده الوقت اللي محتاجين نتدرب فيه على استغلال كل لحظة صح!