تسلیت! ستا په اننګو کې د حمزه د وینو سره دي ته شوې د پښتو غزله ځوان؛ زه دې بابا کړمه! نن د حضرت حمزه بابا رحمه الله یو دېرشم تلین دی، هغه چې د خیبر له درې يې د پښتو شاعرۍ د نازک صنف - غزل- نوی رنګ او بېله لار را منځته کړه. حضرت حمزه بابا رحمه الله نه یوازې په پښتو شاعرۍ په تېره غزل کې د نوي خوند او دم سا پو کړه، بلکې پښتو نثر کې يې هم د سفرنامې او داستان تر څنګ په تصوف کې د پام وړ متني پانګه پرېښوده. «غونچک»، «انسان او خدای» او همدارنګه «مکتوبات حمزه» د حضرت حمزه بابا رحمه الله له هغو اثارو ګڼلی شو، چې د نوموړی تصوفي لید، ژورتیا، پوخ استدلال او صوفیانه ځراکت پکې په ډاګه ښکاري. قندانۍ؛ د پښتو ادب د دې ممتاز سرخېل د تلین په مناسبت ورته د دعا لاسونه لپه کوي او له فرهنګي کهوله يې د اثارو د لوست، خپراوي او پرې بحث توقع لري. الله عزوجل دې يې وبښي. درنښت