#𝗕𝘂𝗿𝘂𝗻𝗱𝗶 @CankuzoProvince, 𝗖𝗼𝗺𝗺𝘂𝗻𝗲 𝗚𝗶𝘀𝗮𝗴𝗮𝗿𝗮. 𝗔𝗯𝗮𝗻𝘆𝗮𝗴𝗶𝗵𝘂𝗴𝘂 𝗯𝗮𝘀𝗮𝗯𝗮 𝘂𝗯𝘂𝘁𝘂𝗻𝗴𝗮𝗻𝗲 𝗸𝘂𝗿𝗶 𝗺𝘂𝗴𝗲𝗻𝘇𝗶 𝘄𝗮𝗯𝗼 𝗮𝗵𝗲𝗿𝘂𝗸𝗮 𝗸𝘂𝗴𝗮𝗻𝗱𝗮𝗴𝘂𝗿𝘄𝗮 𝗯𝘂𝗻𝘆𝗮𝗺𝗮𝘀𝘄𝗮. 𝗞𝘂𝗯𝗲𝗿'𝗶𝗸𝗶 𝗮𝗯𝗮𝗺𝘂𝗴𝗮𝗻𝗱𝘂𝘆𝗲 𝗯𝗮𝘁𝗮𝗿𝗶𝗴𝗲𝗿𝗮 𝗯𝗮𝗳𝗮𝘁𝘄𝗮? Tubanze tumenyeshe ko uwo munyagihugu aherutse kugandagurwa bunyamaswa yitwa NSHIMIRIMANA Léonard w'imyaka 28, yavuka ku mutumba Munyinya,Commune Gisuru mu ntara ya Rugigi. Ariko hari haciye igihe kinini yimutse. Ubu yaba ku mutumba Bumba, Zone Camazi, Commune Gisagara, intara ya Cankuzo ari naho yagandaguriwe. Yari yubatse, yasize umukenyezi umwe n'abana 2. 🔶 𝗨𝗿𝘂𝗽𝗳𝘂 𝗿𝘄𝗮 𝗡𝗦𝗛𝗜𝗠𝗜𝗥𝗜𝗠𝗔𝗡𝗔 𝗟𝗲́𝗼𝗻𝗮𝗿𝗱. Hari kw'igenekerezo rya 01/02/2025 igihe uwo mugabo yafatwa n'abatware bo kur'uwo mutumba barikumwe n'imbonerakure, bamukuye ku muhana iwe mu masaha y'agatondo ka kare, hagati ya 6h na 7h. Abo batware bamufashe ni NDAYIRAGIJE Ferdinand asanzwe ari icegera c'umukuru w'uwo mutumba Bumba, NAYIGIHUGU Fabien asanzwe ari umunyamabanga w'umugambwe @CnddFdd kur'uwo mutumba, NZIRUBUSA Samson atwara inama nshingiro y'umugambwe CNDD-FDD mu gacimbiri kur'uwo mutumba na NDUWAYO Edouard asanzwe ari umuganga w'ibitungwa kur'uwo mutumba. Imbonerakure zarikumwe n'abo batware nazo ni NTAKIMUSUZUMA Casimir ari nayo irongoye imbonerakure kur'uwo mutumba, BIZIMANA Déo batazira Bambara. Abo bose mugufata NSHIMIRIMANA Léonard bamwagiriza ko ari we yoba yari yasahuye amafranga ibihumbi mirongo itatu vy'amashilingi y'ama Tanzaniya(30.000Tsh) y'abanyagihugu b'abarundi baheruka kuva mu gihugu kibanyi ca Tanzaniya, bari bamburiwe mu nzira bariko bataha. Bakimufata, uwo munyagihugu Léonard yarisiguye ko ataco abiziko kandi ko atazi abasahuye abo banyagihugu bari bavuye muri Tanzaniya. Uwo musi nyene ni ho abo batware na za mbonerakure baca batwara NSHIMIRIMANA Léonard mw'ishamba riri hafi y'uwo mutumba (rihana urubibe n'igihugu kibanyi ca Tanzaniya), baca batangura kumukubita buyoka. Baciye bamukatagura amagara yiwe, bamuca amaboko, baca bagirwako bamusogota ibibugita vyo mu mutima, Léonard aba aracikanye. Inyuma yo gucikana baciye bamuta mu kinogo kinini kiri mur'iryo shamba cahoze cimbwamwo inzahabu, baca barigira. Inyuma y'aho, hamaze kumenyekana ivy'urwo rupfu, inyamiramabi zaciye zifata za mbonerakure 2 bazitwara kuzipfunga, ariko ba batware ntibigeze bakomwakomwa. Abanyagihugu bararindiye ko abo batwawe bohagarikwa kugira babazwe ivy'urwo rupfu, ariko vyaranse. Abanyagihugu babona ko gupfunga izo mbonerakure 2 kwabaye kugira babahume amaso kuko n'abo batware bategerezwa gufatwa kur'urwo rupfu rubabaje. Mu mubabaro mwinshi, abo banyagihugu basaba bashimitse ko inzego z'umutekano zofasha kugira abo batware bakoze iryo bara bahagarikwe haheze haboneke ubutungane nyakuri ku muhisi NSHIMIRIMANA Léonard. @GeneralNeva, @NtareHouse, @CNIDH_Bdi, @MiniJustice_BDI, @nshingamateka, @Burundi_senat, @LigueIteka, @FOCODE_, @fidh_fr, @AfricaDefenders, @DefendDefenders, @FIACAT_org, @omctorg, @hrw, @hrw_fr, @UN, @ONU_fr, @CCPR_Centre, @TournonsLaPage, @CIVICUSfrancais, @CIVICUSalliance, @Acatbdi, @NiyongereArmel, @SOSTORTUREBDI, @hrdburundi. King Umurundi Freedom, Le 22/02/2025 https://x.com/KUF_Asbl/status/1893203916566737123?s=19