Turahojeje umuryango w'umusirikare Joachim Niyonkuru, aherutse guhitanwa n'intambara ziri muri RDC. Niyonkuru Joachim ni umusoda avuka mu ntara ya Bururi. Yari mu murwi w'ibisongerezi vy'intwazangabo (sous officier), akaba n'umuganga mu gisirikare. Benshi baramuzi mu gihe yakorera kuri Hôpital Militaire, mu gisata ca chirurgie. Niyonkuru Joachim yaheruka kuva muri Somalia, aca arungikwa ubutarariye muri RDC. Aho niho aherutse guhitanwa n'intambara, bivugwa ko yoba yatewe ibombe. Abiwe barabimenyrshejwe ku wagatandatu uheze, arikov ntibabwiwe itariki yapfiriyeko. Urugo rwa Joachim Niyonkuru ruri ku murwa mukuru w'intara ya Makamba. Asize umukenyezi n'utwana tubiri tw'uduhasa, dufise umwaka n'igice. Turahojeje umuryango w'umuhisi Joachim Niyonkuru, mu bihe bitoroshe urimwo. Ese Imana yowuba hafi, ikawuha inguvu.