*#حرمة~حامد~《04》* *#بقلم~نسمة~عبد الله~🌼* *★★★ـہہہـ٨ـــ٨ـہہـ٨ـــہہہـ٨ـــ٨ــــ٨ـ♡★★★* ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​ رجعت دخلت امي استلمتني ليك و قالت لي ...ح يعقدو اااسسسي دي ...قلت ليها ...امي م تهظري هظار بايخ زي دا ... قالت لي ي بت انتي مجنونة ...الراجل جرجرنا و قلنا ليهو يجي و لمن يكون عايز يعقد تقولي لا ...قلت ليها ... للصراحة انا خاااايفة ...قالت لي ...براك قلتي موافقة...قلت ليها و انا بعضعض اصابعي بخوف... تتوقعي لو قلت ل ابوي م موافقة ح يلغي اي حاجة ...ضحكت ب شماتة و قالت ... و كلام انا مسؤولة من قراراتي و الحنك الفاضي دا شنو ... قلت ليها ...الزمن داك كنت بفكر في رشيدة و ح نجيب ليها قروش من وين ...قالت لي ...و اسي لمن لقيتي الدفع القروش و اتخارجتي من هم رشيدة قررتي ترفضي ... هزيت ليها راسي بمعنى ايي ...خبطتني في كتفي و قالت لي ...و الراجل لو طالب ب قروشو ح تمشي وين ...و بعدين ابوك زاتو لو سمعك ح يدقك و يعرسو ليك غصب عشان انتي قايلة الكلام دا لعب ... قلت ليها ...م قلت ليك يا أمي كنت ب هم و اسي ب هم ... قالت لي م غرضي التعملو ب ايدك يغلب اجاويدك ...أديت ضهري ليها وانا خايفة لانو شكلي وقعت في مصيبة م يعلم بيها الا ربنا ... شويات و سمعت ابوي جاي علينا ...عاينت ليهو بترقب و انا حارسة يديني خبر سمح مثلا حامد غير رايو ...بس طلعت غلطانة جا قال لي عقدو ...فرح ساي م فرحت ...أمي زغردت و علي صوتها جو كم نفر من الجيران يسالو الحاصل شنو ...و أمي فرحانة شايلة صحن كبير غسلت فيهو البلح و توزع للناس... تقول عرسو لي زي عرسة البنات ... كررر ي سارة كررر لو عرفو انك متزوج راجل مرة ..راجل مرة قصدك راجل نسوان ....ح يقولو عليك شلابة و كان م شلابة بتاعت قروش و الراجل عينو زايغة ...كرررر ي سارة ...النسوان يجو يباركو ساي و عيسى ب همو و موسى ب همو ...بعد طلعوا الجارتين تلاتة الجونا ديل ...سمعت صوت بوري ... دا كان اللوري ...في الحظة دي اترددت كيف يعني يرحلما في بيتو ..حسيت نفسنا قلال بس بعدين قلت هو قال ل ابوي اعتبرو دين ..كنت بطمن نفسي .... ابوي جا خاشي و قال لينا لمو عفشكم ...لملمنا العندنا و جوا اولاد رفعوا العفش و زي الخيال خيال طلعنا من بيت رشيدة سبب المصيبة الأنا فيها حاليا دي ... كنت بفكر في شنو وقت مشيت واجهت ابوي بالكلام الفارغ دا ...وصلنا و كان البيت احسن بكتير اوضتين و مطبخ و عريشة و حمامات .. و نهائي م شفت الاسمو راجلي ... يعني يوم اعرس اعرس واحد منقسم لتلاتة غيري ...تاني يوم الدقش عيوني م فتحتها امي هجمتني و صحتني لمن اتخلعت و قلت ليها ...يمة في شنو ...قالت لي ...القروش الشلتيها من رشيدة وين ...قلت ليها دايرة بيها شنو ...قالت لي كيف يعني دايرة بيها شنو و الليلة جايبين شيلتك ...قلت ليها ...شيلة !!! شيلة شنو و متين هو الكلام دا ...قالت لي من امبارح ... قلت ليها ب هظار وانا م مصدقة كلامها ...و العرس بعد اسبوعين ولا شنو ...قالت لي...امبارح ابوك قال ليك شنو مش اسبوعين تلاتة ح نعمل دعوة صغيرة و تتخارجي مع راجلك ...قلت ليها ...قايلة بهظر ...قالت لي...ودا كلام هظار ...قومي اديني القروش...قلت ليها عايزة تعملي بيها شنو ...قالت لي ...اجيب الضيافة للناس الجاية مع الشيلة ...قلت ليها...امس م ادا ابوي اي قروش ...قالت ب شهقة ...وبعلي من شدة م انشغلت بالبيت الجديد نسيت اسأل ابوك ...قلت ليها ...من متين وانتي بتنسي القروش ...قامت من جنبي و قالت ...قومي رتبي مع اخواتك البيت و استحمي البسي ليك توب نضيف و اقعدي جوا ...قلت ليها ..و انتي خليتي فيها قعاد بعد دا ...قالت لي اتحركي ي بت ...قمت و انا زي السكرانة ...اول امس كنت بفكر اجيب قروش بكرة من وين و الليلة بفكر بكرة ح اعيش مع ضرات كيفن ....رتبنا البيت و استحميت لبست توبي و قعدت متحيرة أمي جاتني صارة وشها قلت ليها ...خير ...قالت لي ابوك قال اداهو ٧٠٠ الف منو تجيبي عدتك و منو حق الدعوة و قال لو فضلت قروش ح يفتح محل طعمية يترزق منو ...قلت ليها ...اصلا كان م عايزة اديك القروش عشان اديها لابوي يفتح مشروع صغير يترزق منو ....قالت لي و هدا قرر ..اديني يلا اجيب حاجات الضيافة ...قسمت ال١٠٠ الف للنص أديتها ٢٥ و أديت ابوي خمسين و الباقي خليتو معاي سمعت كركبة الباب بس قلت دا حامد اكيد بس طلعت أمي جاية من الدكان فرحانة و الحلة عاجباها ...جات قالت لي البسي شرابات و جونتات عشان م يشوفوك .... لبستهم بعد صليت الضهر و رقدت كدا شالتني نومة ...صحيت على يد سحر و هي بتقول ... قومي ي سارة اهل العريس وصلوا ...اتنفضت من السرير مخلوعة...قلت ليها ...متييين الساعة كم ...قالت لي روقي ...هديل نزلو العفش تعالي شوفي ...وقفت ورا الباب وانا بعاين ...كانو زي سبعة مرا و ستة بنات متوزعين بين الكراسي و السراير و خاتين العفش في النص و شفت عماتي اتنين و بناتهم ...سحر بقت توصف لي ...دي امو دي اختو ..وقفت في وحدة خدرة خدار ناعم طويلة قوامها حلو شعرها اسود طويل و عيون مسحوبة و حواجب موزونة و جمال كدا م طبيعي قالت لي دي مرتو التانية ...عاينت ل سحر ب خلعة ة عاينت لمرتو و قلت ليها ...دي مرا يدبلو فيها ...قالت لي ...و ديك مرتو الاولى ...عاينت ليها بصدمة و قلت ليها ....حرررررم الراجل دا م نصيح... ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#♡♡عبد الباقي أحمد محمدزين♡♡*