🤍🌀 رواياتي حلقات 🌀🤍
2.0K subscribers
About 🤍🌀 رواياتي حلقات 🌀🤍
قناه تابعه لشبكه رواياتي الوسام الادبيه متخصصه في الروايات قيد الكتابه 💎رابط القناه https://whatsapp.com/channel/0029Vah1XZH7NoZxhwyOzo3Y
Similar Channels
دورات خـياطه واشـغال فـنيه تطريز تصميم ازياء موديلات فساتين اناقه
طريقك للجنه ｢🕋｣ 📿
plrticino
Parroquias Blanca Paloma y Candelaria
Storyku🌈
عـالم الـحزن 🖤💔あ غريب الأطوار I 📓 اقتباسات حزن اكتئاب فيديوهات حزينه كبرياء انثى ملصقات بنات شباب 🖤💔
قناه فخامه القائد ابو جبريل
آية وحديث
تعليم اللغة الإنجليزية للمبتدئين من الصفر
Ganlaxmi Investors®️
كل مفيد لحفظ القرآن
قناة المنتجات والمكملات الغذائيه الطبيعيه DXN غذائك دواءك/مع عبدالله مهيوب
Tina Nandy
لا تحزن إن ﷲ معنا🥺 قرآن بينات حديث علم عبارات نصائح إقتباسات دينيه الجزيره المغرب 🇾🇪Sh
بيارق النبوة والأبوة
Swipe to see more
Posts
#حرمة_حامد2 {9} #بقلمي_نسمة_عبدالله 🌼 ربا قالت ليها ...انتي من البداية ظالمة سارة ...فرح قالت ليها ...كيف يعني...ربا رفعت كتفها و قالت ...يعني اخوك م اخد خطوة جادة هي تستنى على ياتو اساس ...فرح قالت ...م عارفة بس حاسة انها مذنبة ...ربا قالت ليها ...ب العكس زي م اخوك ضحية هي ضحية .. زايد انتي كيف تصدقي رشيدة ولا منو دي...اصلا المرا دي كذابة و كانت رفيقة حامد في كذبتو ...فرح قالت...م قلت ليك م عرفت الا اسي ...ربا قالت ليها ..يلا عشان م اتأخر...اسي حامد يتصل علي ...فرح قالت ليها ...لا انتي امشي ...انا عندي موضوع تاني...ربا ودعتها و مشت ...وصلت البيت قالت تدخل بيت يمة و تشوف اذا سجود موجودة ولا لا ...دخلت سلمت عليهم و قعدت قالت ل رماز ...امسكي لي جسور دا ادخل الحمام و اجي ...سجود كانت نايمة و مدياهم ضهرها ....دخلت الحمام فتحت السبت و بقت تقلب الهدوم ...م لقت هدوم زي الفي الفيديو...طلعت عاينت لاوضة يمة و عاينت للضهر تور و قالت لو اسحبت ماف زول ح يشوفني ...و فعلا دخلت جوا و فضلت تقلب لحد م لقت شنطة سجود ....فتحتها و م لقت شي ...قالت مع نفسها ي ربي تكون رمتها و قالت م ح نعرفها. .ولا دي تكون بسمة ...كانت ح تطلع بس قالت تشوف تحت المراتب ...اول م رفعت المرتبة ..لقت العباية مطبقة مختوتة رفعتها بصدمة و قالت ...يخسي عليك ي سجود م اتوقعت انك حقودة لدرجة تحاولي تأذي طفلة ...ربطت العباية في كيس و قالت لحد م حامد يجي ...لمن طلعت رجعت هناك و ختت الكيس برا في محل م متشاف...رماز قالت ليها ...ماشين ل سارة بعد شوية قبيل اتصلت عليك و م رديتي ...ربا قالت ليها ...والله كنت خاتة التلفون صامت م سمعتو. .قالت ليها ...طيب انتي امشي اجهزي ...ربا قامت و شالت الكيس معاها و قالت م دام ماشين هناك خلي الحقيقة تتكشف ل سارة برضو ...خلي اتصل على فرح برضو ...رجعت اتصلت على فرح و كلمتها ب الحاصل و قالت تلحقها بهناك ..عشان الفيديو معاها و برضو تشوف الح يحصل...لبست و طلعت حتى سجود مشت معاهم ل قدرها ....لمن وصلوا كان الزمن قريب المغرب..قعدو و ربا كانت حارسة فرح عشان تجي ....الباب دقا و فتحت سحر و كانت فرح ...سلمت عليهم و قعدت ...ربا نادت حامد من برا و قالت ليهو في حاجة مهمة لازم تعرفها ...لمن دخلو قالت ل سجود ...انتي ي سجود م ناوية ترجعي بلدك ولا شنو ...حامد حمر ل ربا ...ربا لوت خشمها و سكتت سجود قالت ليها.. لا م ناوية قريبات ...لسه عندي حاجات اعملها. .ربا قالت ليها ..ناوية تخطفي ياسمين تاني ولا شنو ...سجود قالت ليها ...اخطفها تاني؟؟؟ و القال ليك انا خطفتها منو....حامد قال ل ربا ...ربا بالله عليك اقصري الشر انا تعبت من المشاكل دي و عايز اعيش مرتاح...ربا قالت ليهو ...انت كنت مرتاح براك جبت الشقاوة ل نفسك ...شفت المرا دي. ..و أشرت على سجود...لو مرقت من حياتنا نرتاح والله ....سجود قالت ليها ...انتوا لشنو مقاصدني في حياتي قدر دا ....اتنهدت ربا و شالت التلفون من فرح و ورتهم الفيديو و قالت ....دي المرا الخطفت ياسمين...سجود خطفت التلفون و قالت...هي وشها م ظاهر ...على ياتو اساس متهماني انا ...سارة شالت التلفون و بقت تعاين فيهو و قالت ل ربا ...بس ملامح وشها م باينة ...ربا جابت الكيس و فتحتو طلعت العباية ...و عاينت ل سجود المصدومة و قالت ليهم ...دي ياها العباية ولا م ياها ...سجود قالت ليها ...دي م عبايتي ...رماز قالت ...دي عبايتي انا ...ربا قالت ليها...بس انتي كنتي معانا ...سجود قالت ليهم ...م تتهمو فيني ساي ...فرح قالت ليها ...م بعيد تكوني اخدتي احطياتك و لبستي عباية رماز عشان لو عرفو ب الكاميرات و قلتي م يكشوفوك لو لقو المقطع...حتى رماز في نفس طولك سجود قالت ليها...انتي بتتكلمي معاي ي صفتك منو ...حامد قال....كفاية ...م عباية وحدة معمولة في الكون دا ب اللون دا...ربا قالت ليهو ..بس يطلع في نسخة من نفس العباية في بيتكم ....حامد قال ليها ...انا تعبت والله تعبت ...سارة قالت ليهو ...انت م تعبت انت بس م عايز تفتش العمل كدا...و مروق دمك ولا كأنو حصل شي ل بتك ...قال ليها ...نتكلم بعدين ...سارة عاينت ل سجود و قالت ....م عارفة اقول ليك شنو بس لو انتي السبب ربنا ينتقم منك ...وادتها ضهرها ...حامد كان طالع لمن الباب اتفتح الباب بقوة و مصطفى بقول...بابا أمجد ضربتو عربية ....سارة رفعت رأسها بخلعة و سجود دي وقعت وقتي ....حامد طلع برا و الباقين يحاولو يصحو سجود ....سارة بقت تبكي و تقول. ..لا لا يارب ...أنا م قصدي كدا. ..م عايزة انتقم منها ..يارب م تحصل ليهو حاجة ...انا م كنت قاصدة ادعي عليها زي دا ...يارب فراق الولد حار يارب لا يا رب .... طلعو كلهم بعد سجود صحصحت و م فضل غير سارة و امها و أخواتها و فرح ...سارة كانت قاعدة على نار حارسة اي خبر ..فرح رجعت بيتهم ...و الليل كلو ماف خبر ..في المستشفى سجود كانت لافة قدام غرفة الطوارئ مرة تبكي و تقعد في الواطة و مرة تلف ...عاينت ل حامد القاعد ساكت قالت ليهو ...كلو بسبب مرتك العينها حارة دي ....هي م غيرها دعت على الولد ...رماز قالت ليها ...م انتي لو ليك علاقة ف دي دعوتها انو ربنا ينتقم منك...معناته اكيد انتي خطفتي البت ...حامد قال ليهم ب نهرة ...اسكتي انتي و هي م عايز اسمع صوتكم نهائي ...دا وقت مشاكلكم ؟؟....سحود قالت ليهو . .قبضتو الضربو ولا خليتو شرد ...العمل كدا في ولدي ان شاءالله م يتهنى ...كلهم سكتو الا سجود تبكي و تداعي ...يمة قالت ل حامد ...احكي لي ي ولدي الحادث حصل كيف ...حامد مسح وشو و قال ...واحد بتاع بكسي مستعحل لاحق شنو م عرفت و ضربو ل امجد .....يمة حوقلت و قالت ...رينا يشوفو ...طلعو امجد ودهو الانعاش و ختو تحت الملاحظة ...كسر في الرجل و ضربة قوية في الراس ...و اتضررت وحدة من الرئتين ...الليل كلو م نامو ...حامد رجع الحريم البيت عشان الاولاد و رجع يمة و رماز م فضل غيرو هو و سجود ....تاني يوم بعد الصلاة وصلهم خبر وفاتو ....سجود وقعت تاني ...اول م صحت مسكت في حامد و قالت ليهو ...دي سارة مرتك عينها حارة على ولدي ...سمعتها براك وقت دعت عليهو قالت الله ينتقم منك ...و هدا ولدي راح ..ولدي الوحيد راااح ....انت السبب ي حامد انت السبب و مرتك السحارة معاك ...انا لو غلطانة ولو شوية هي مجرمة دعت علينا و ولدي ماااات ...اخخخ ي امجد ي ولدي ي صغير ااااه....حامد طلع مكسور ...كيف و دا ولدو البكر اول فرحتو...ختى راسو جنب سرير ولدو و الدموع غلبها تنزل ...كان في حالة م بيعرف بيها الا ربنا ..و كلام سجود برن في راسو ..اتغسل و اتكفن و اندفن و كلو سارة م ليها خبر ...بعد الدفن اتحرك حامد على بيت سارة الكانت مسنتية على جمر ماف زول برد عليها ولا ادوها خبر الولد بقى كيف الليل كلو تقول ...يارب فراق الولد حار يارب م تحصل ليهوحاجة...وصل حامد و عيونو زي الدم ...من جوا بغلي غليان ..و ماف في راسو غير كلمة ...مرتك سحارة....دخل جوا ...سارة قالت ليهو ب لهفة ...اها الولد بقى كيف ...امس الليل كلو اتصل ماف زول برفع ...حامد عاين ليها شديد و قال ...سارة انتي طالق...سارة قالت ...نعممم ....عاين ليها بحقد كدا و قال ...انتي السبب انتي عينك حارة و دعيتي عليهو ...دعيتي عليهو و مات ...اهااا ارتحتي..شهقت سارة و دموعها نزلو و قالت ...ماااات...قال ليها بسببك انتي دي ...م قلتي ل سجود الله ينتقم منك ...هدا ولدنا مات بسببك ...أشرت سارة على نفسها بصدمة و قالت ...بسببي انا...انااااا ....يتبع
#حرمة_حامد2 {11} #بقلمي_نسمة_عبدالله 🌼 بألمسا كدا سارة و ابوها و امها قاعدين ...سارة قالت لي ابوها ...ابوي م ماش ل حامد ولا شنو ...ابوها قال ليها...خلي يومين كدا قلت يمكن اسي مع العزا و الجوطة دي يكون م مركز ...سارة قالت ..لا مركز و شديد عشان كدا جا طلقني ...امها قالت ليهو ...المثل بقول دق الحديد و هو حامي ...مش طلاق و طلق تاني ماف شي ...قلت ليهو ...ولا انت عايزني ارجع ليهو ...هزا راسو ب لا و قال ...هو لو م راعا ل ظرفك و انك والدة جديد ...نحن م نبقى زيو و نراعي ل ظروفو ...و انو مكسور على ولدو ....سارة قعدت في السرير بعد م كانت متسطحة و قالت ....اموت و اعرف سجود جابت البت التانية من وين ...معقولة تكون خطفتها من ام تانية ...و نحن م سألنا عليها نهائي و قلنا دي بت منو....امها قالت ليها ...و اسي دا الشاغل بالك ...نحن بقينا جاريين من مكان ل مكان و القروش في يدنا عدمت ..اها و نويتي نرحل كمان. ..والله ي بتي انا البقول ليك كفاية بعد دا خلينا نستقر باقي عمرنا دا ...م صدقت عملت جارات و صحبات نقوم نرحل تاني ...و حامد دا خليك قدام عيونو و اوجعي و اصلا م بيقدر يعمل شي لا ليك لا ل أولادك...ابوها قال بتأييد...كلام امك صح ...حتى شغلنا هنا مستقر اسي لو رحلنا نمشي وين و نشتغل شنو ...سارة ربعت يدها و قالت ...انا ناوية ابيع واحد من البيوت و افتح سوبر ماركت...امها قالت ليها ..وين ...سارة قالت ليها ...وين لسه م قررت و بعتقد الحاجة دي بتكلف كتير ...مبدئيا نحن ح نأجر مكان كويس ...و لو طلع سعر الاشترى رخيص نشتري ...أما لو طلع غالي لحد م نظبط أمورنا نشتري ...فرح قالت لي عندها اخوها عارف السوق دا زقاق زقاق ...البضاعة نجيبها من برا ....بس حاسة انو العدة و الملابس سوقهم احسن ...ابوها قال ليها ...طيب انتي عندك فكرة عن مساحة الدكان و لا لسه م لقيتو اساسا ...قالت ليهو لسه اول نعرض البيت للبيع و نشوف السعر كيف و بعدها نشوف المكان و البضاعة العايزين نعرضها ...امها قالت ليها ...بس انتي لسه تعبانة ...سارة قالت ليها ح اخلي ابوي يتصرف لحد م اقوم ...طبطب عليها و طلع ...اول م طلع امها قالت ليها ...انتي ي سارة مش كنتي م دايرة قروشو اسي الجدا شنو...سارة قالت ليها ...كنت عويرة ساي ...اسي دا حقي و حق أولادي...اسي بكرة نطلع من بيت الإيجار دا و نرجع بيتنا و البيت الجمب رشيدة نعرضو للبيع ..امها هزت راسها و قالت ليها ...عين العقل ي بتي ...تاني يوم رحلو البيت العملو فيهو عرس سارة رتبت أمورهم و قعدو ... يمة و رماز كانو بتكلمو في موضوع حامد لمن رماز قالت ...والله سارة بقيت اتصل عليها م ترفع لي نهائي ...يمة قالت ليها ...حقها ي بتي ...حامد تقول جاهل م يعرف الصح من الغلط ...بركة الطلقها ...ضحكت رماز و قالت ...انتي بتقولي كدا ي امي ...يمة قالت ليها ...عاد نقول شنو ...ب اضاني دي سمعت سجود و امها ينضمو وقت كانو بستفو شنطهم...امها قالت ليها...انت بالجد عندك علاقة ب اختفى بت سارة....قالت ليها ...اي انا الخطفتها و اتمنيتها تموت ...و اموت امها حسرة عليها ...بالله قربت أقع من الصدمة ...رماز قالت ليها ...هو اصلا نحن من البداية متأكدين...قالت ليها ...امها دي بركت في الأرض و اتمحنت...قالت ليها ...بدل م تموت سارة حسرة على بتها ...هدا انتي الاتحسرتي على ولدك...سجود بكت و قالت ليها ...انا ندمانة والله ...امها قالت ليها ...بعد دا الندم م بفيد ...امشي اعترفي ب غلطك و توبي...سجود قالت ليها ...م بتقدر تواجه حامد يمكن يموتها و م يشفى ...رماز قالت ليها بصدمة ...سجمي ي يمة م ح تكلمي حامد ....يمة قالت ليها ...بري م ح اكلمو اسي ...رماز قالت ليها ...و متين ح تكلمي ...يمة قالت ليها ...لمن الطلاق بينو و بين سارة يتم و تكمل عدتها و تشوف حياتها ...رماز قالت ليها ...أمي دا ولدك ...قالت ليها ..الما برضى ليك انتي دي م برضى لي بنات الناس ...رماز قالت ...بس الحقيقة واضحة حامد دا م شايفها ...قالت ليها ...دي استغلت زعلو و ملت قلبو ب كلام يبرر ليهو الحصل و م لقى غير سارة المسكينة يفض فيها زعلو ....رماز قالت ...مسكينة سارة ...يمة قالت ...حامد اتغير و بقى اناني ...هو من البداية لو م جاب سجود م كان حصل الحصل ..و شوفي بسمة عرسها كيف و بسبب طريقتو الغلط دي حصل شنو و هدا مهمل عيالو و سمية كتر خيرها مراعية ليهم ..رماز قالت...ربنا يهدي نقول شنو ...يمة قالت ...اي والله نقول شنو غير كدا الله يهدي ..حامد كان قاعد بيسمع فيهم بهناك و طلع بدون صوت زي م جا ...بالمسا سارة كانت محمومة شديد و تستفرغ استفراغ شديد ...امها قالت ليها ...لا لا ي سارة الكلام دا م بجي ...قوم ي ابو سارة شوف لينا عربية نودي البت دي المستشفى م تموت في يدنا ...سارة قالت ليها ...أمي دي حمة خفيفة و اسي بتروح ...قالت ليها ..انتي مولعة نار تقولي لي خفيفة...لا لا سارة قالت ليها...طيب العيال اخليهم مع منو ..قالت ليها ...م مشكلة نشيلهم معانا...قالت ليها و سحر و سمر ...قالت ليها يقعدو مع غادة جارتنا دي تاني في شي ....خمسة دقايق لبستها عباية و طلعو المستشفى....طلع ضغطها مرتفع و إهمال في التغذية ...و قال ليها عادي بحصل بعد الولادة ...و ح تفضل الليلة في المستشفى...بهناك حامد طلع على بيت سارة و لقى البيت مقفول ...صاحب البيت كان ساكن في النص التاني ف حامد دقا عليهو البيت ..بعد السلام حامد قال ليهو..حاج محمد الكان في النمرة دي رحل وين ...قال ليهو ...رجعو بيتهم القديم زاتو. ..حامد استغرب و شكرو و مشى البيت هناك و برضو طلع مقفول ...بس الانوار مضوية...دقا الباب كم مرة لحد م فتح الباب الجنبهم و طلع راجل سلم عليهو و قال ليهو ...والله ناس حاج محمد ديل مافيشين بتهم تعبت و نقلوها المستشفى ... حامد قال ليهو ...متين الكلام دا ...قالو ليهو قبل ساعة ولا ساعة و نص كدا ....حامد شكرو و طلع على المستشفى...كانت سارة بتلعب في ياسمين و ياسين نايم و ابوها مشى يشوف العلاجات ...دخل حامد و باين عليه قلقان ...قال بقلق...سااارة انتي كويسة ..حصل شنو ....سارة عاينت ليهو ب صدمة و قالت ب انفعال ...انت كيف تدخل ب الطريقة دي...و جاي تعمل شنو هنا ....قال ليها ...قالو لي تعبتي خير الحاصل...سارة قالت ليهو ...عفوا ..انت بتسأل ل شنو اصلا ...انت ناسي انك طلقتني...ابتسم و قال ...انتي مرجوعة ....يتبععععع
#حرمة_حامد2 {10} #بقلمي_نسمة_عبدالله 🌼 أشرت سارة على نفسها بصدمة و قالت ...بسببي اناااا ...انا دي. ..حامد م ردا عليها و أداها ضهرو عايز يمشي ...سارة قالت ليهو بقهر ...والله تندم ي حامد و تسف التراب و انا بقولها ليك ...على كل امي ح تجي تلم عفشي و زي م دخلنا ب المعروف نطلع ب المعروف ...امشي كلم ابوي و قول ليهو بتك انا طلقتها ...و رجع لي قسيمتي ....م ردا عليها طلع....سارة مسكت قلبها و بقت تبكي بدون صوت لحد م العيال قلقو و بكوا وراها ...امها كانت واقفة في الباب تعاين ليها ب حسرة ...جات طبطبت عليها و قالت ليها ...قسمة و انتهت ولا تزعلي نفسك ...هزت راسها ب لا و قالت ...أنا م زعلانة عشان طلقني...لا انا زعلانة على الغباء الكنت فيهو ...كنت ح ارجع ليهو بس شوفي هو عمل شنو ...من البداية كان مستني الفرصة ...و لمن جاتو م اتردد ثانية وحدة ..خلي يعرسها ل سجود كان تنفعو ...امها عارفة انو سارة بتكذب وهي زعلانة و شديد كمان ...اتنهدت و قالت ليها ب حسرة ...حاسة انا السبب في دا كلو لو م قلت ليك عنو م كان عرستي و م كان دا حالنا ..سارة قالت ليها ....دي قسمتي اعمل شنو ..نحن ي امي نرحل عديل نخلي الحلة دي أمور الطلاق دي قبل أتم الأربعين عايزاها تنتهي عشان بكرة م يجي يقول لي مرجوعة بعد يندم ...امها قالت ليها ...نمشي وين طيب ...سارة مسحت دموعها و قالت ...م عارفة اشوف حل ...امها قالت ليها ...و القروش نجيبها من وين ...و قروش الإيجار...سارة دموعها نزلو و قالت مقهورة..ي الله انا اعمل شنو ....طلعت امها تخليها تفض الجواها عاينت لابو سارة و قالت ...حسبي الله ونعم الوكيل...ابو سارة قال ...خليها تستحمل نتيجة كلامها ...م قالت ي ابوي انا مسوؤلة عن نفسي و بقيت كبير ...امها قالت ليهو ي رجل دا م وقتو البت براها مهمومة تسمعك تزعل زيادة ...قال ليها...خلي تزعل عشان تعرف غلطها ...سارة كانت سامعة كلامهم و تبكي محروقة ...اليوم دا م فهمت فيهو حاجة ...هي تبكي و العيال يبكو...ليلها بقى ليلين و م نامتو ..... في بيت حامد ...كان قاعد بودع الجو من البلد عشان العزا و دخل بيت امو ...اتصل عليهو اخوهو احمد و عزاه و اتكلمو شوية و فصلو ....دخلت يمة زعلانة شديد و قالت ل حامد ...انت طلقت سارة ...كان راقد و خاتي يدو في وشو ...م اتحرك من مكانو و قال ...اي طلقتها ...يمة قالت ليهو ...انت مجنون...البت غلطت في شنو ...حامد قعد في السرير و قال ...دعت على ولدي و مات ...قالت ليهو ...هي قالت الله يموت أمجد؟؟...الغلطان منو م سجود ...م هي الخطفت بتك و جات تعمل مسكينة ...و كمان نكرت ...انا المخليني مقعداها في بيتي للان انو هي مكسورة على ولدها ...لكن غير كدا اول م التلاتة ايام تخلص تطلع من بيتي وحدة م عندها ضمير م بتقعد معاي في بيتي ...حامد مسح وشه و قال ...يمة دا م وقتو ...هزت يمة راسها ب رفض و قالت...لا وقته الا انت م داير تسمع ...و سارة بت رجال و انت خسرتها ...حامد عصب زيادة و قال ...و هي اتصلت ليك و شكتني مش ...يمة قالت ليهو ...شكت شنو ...اسي امها و ابوها جابو لوري لقطو عفشها و خلو ليك عفشك ...نسألهم في شنو يقول لي ...ولدكم طلق بتنا و العفو و العافية ....حامد قال نعم ..عشان تشوفي اني م غلطان هي كانت حارسة أطلقها و م صدقت جات رفعت العفش...يمة قعدت و هي خاتة يدها في راسها و قالت ...انت ي حامد سجود دي رجعت عملت ليك حاجة ولا شنو ....شايف الفيل و تطعن في ضلو...رماز جات داخلة و قالت....يمة قومي خلي في حالو ...م ح يعمل حاجة غير يرفع ضغطك...يمة قامت معاها و هي بتقول ....حسبي الله في الكان السبب....بس بكره م تجي تقول ندمت ...عيالك ي دوب عندهم ٨ يوم و انت طلقت امهم حامد قال ليها ...عيالي بشيلهم منها تقوم تسحرهم يموتو ساي ...يمة عاينت ليهو و قالت بصدمة ...حااااامد..انت داير تخش في حق ربنا بعد دا ...والله سجود دي عاملة ليك حاجة ...قسمت بالله تشيل من سارة العيال لا ولدي لا بعرفك ....م كفاية اولاد بسمة ...لا قادر تعتني بيهم ولا فاضي ليهم ...انت تعرس و تجيب اولاد و تطلق على كيفك ...انت بس اهبشهم عشان تشوف براك ...م ردا عليها ...طلعت برا و هي بتتحسبن ...يوم كرامة التالتة زي بعد الضهر كانو يمة و سجود و امها و رماز و ريتال و ربا و سمية قاعدين لمن يمة قالت ...انا شايفة ي ام سجود البت ترجع البلد احسن ...يمكن نفسيتها تتصلح..سجود عاينت ل يمة بطرف عينها ب ضيق و قالت ...اصلا راجعة م بقعد مع ناس في بيتهم سحارة ...ربا قالت ليها ...سحارة انتي دي ...من قبل اتشفعو ولدين لي بسببك و اسي لمن غلطي و نتيجة غلطك استحملها ولدك جاية تطلعي الناس سحاحير زيك ...انا زاتي م يشرفني اقعد في محل انتي قاعدة فيهو ...طوالي قامت طلعت...ام سجود عاينت ليها ب حسرة و قالت ...صحي م ربيت ...قومي لمي عفشك ي بتي ..ح تسافري اهل جدك في الشمالية يكون احسن لينا كلنا ...سجود م اتكلمت و لمت شنطتها و طلعوا ...رماز قالت ..يومين بتصل على سارة و م بترد و م قدرت اطلع امشي ليها...يمة هزت راسها ب زعل و قالت ...كنت قايلة حامد اوعى من كدا بس طلع عوير ...قومي ي بتي شوفي لينا عربية نمشي ليها لانو الكلام دا م بجي...رماز قالت ليها ...لا خلي يومين شوية الأمور تهدى و الضيوف لسه قاعدين ...يمة قالت ...اي والله يمكن سارة تهدى ... عند سارة كانت قاعدة مع امها و ابوها و فرح و معاهم محامية ...المحامية قالت ليها ...طيب الأوراق ناقصها توقيع حامد بس بما انك وقعتي ....شالهم ابوها و قال ...بعدين ح امشي ليهو يوقع عليهم و يكون موضوعهم انتهى ...سارة قالت ليها ...طيب ي أستاذة فاطمة هو مسجل نمرتين ب اسمي ...هل ح يكون في مشاكل اذا اتصرفت فيهم ...هزت راسها و قالت ...لا ابدا هو اتنازل ب كامل وعيو و بقت ب اسمك خلاص ...ح تاخدي النفقة الشرعية حقت الاولاد و خلاص...هزت سارة رأسها و قالت ...طيب الجلسة ضرورية ...هزت راسها وقالت ...ايواضرورية عشان القاضي يقرر مقدار النفقة و الحاجات الصغيرة دي ...هزت سارة رأسها وسرحت تفكر ...طلعو كلهم عدا امها ووفرح....امها قالت ليها ...ناوية على شنو ي بتي...سارة قالت ليها ....على خير ي امي ...انا اكتفيت لحد هنا ذل و اهانة ...موش البيوت ب اسمي ح اتصرف فيهن و دا حقي و النفقة حق أولادي ولا ح ازعل نفسي على راجل شكاك و م عندو هيبة و يسمع كلام نسوان ...كل مرة بتغابى و اشقي روحي و اشقيكم معاي بس ل هنا و كفى .....يتببعع
#حرمة_حامد2 {8} #بقلمي_نسمة_عبدالله 🌼 قدام المستشفى الولدت فيها سارة وقفت فرح و جنبها ربا ...ربا و هي شايلة جسور ...عارفة ي بت ي فرح الناس ديل م ح يخلونا نشوف الكاميرات ...و اصلا الكاميرات بتكون منظر ساي و اسي تلقيهم م شغالات ...فرح قالت ليها ...و انا جايباك لشنو م عشان لو م خلونا نشوف ...نشوف غصب عنهم ...قالت ليها ...و انتي ليك خبرة ب الكاميرات لمن واثقة زي دا ...فرح ضحكت و طلعت تلفونها و قالت ...خبرة ساي ..اخوي شغال في مجال الأمن...و انا شلت من خبرتو شوية . و بعدين انا قارية كورسات بتاعت حاسوب ...ولو م اشتغلو بشغلهم انا...ربا قالت ليها ...الله يستر ...فرح جرتها من يدها و قالت ...يلا يلا ...ربا قالت ليها ...ذكريني بتعملي كدا لشنو ...فرح قالت ليها ...م قلت ليك عشان انا صحبتها ..ربا قالت ليها ...ي راجلة انتي قبل اسابيع كنتي ح تاكليها ...ضحكت و قالت ليها ...يخ والله كنت حاساها شلابة و بتاعت قروش ...ربا قالت ليها ...و انتي عرفتي من وين انها متزوجة حامد و تعرفي حامد دا من وين ...فرح قالت ليها ...انا بعرف ب علاقة ماجد و رماز و من جاي ل جاي عرفت اخوانها و عرفت حامد و اصلا هو زول معروف في السوق يعني ...و عرفت انو متزوج اكتر من مرا ...قالت ليها ...و دا عرفتي كيف ...فرح سكتت شوية وقالت..م مهم المهم عرفت ...ربا حست الموضوع فيهو كلام تحت و م صدقتها..ربا قالت ليها ..فرررح ...فرح قالت ليها ...لو ممكن نأجل الموضوع دا ل بعدين...هزت راسها و مشت معاها ..ربا قالت ليها ...انا م عارفة كيف مبارية شافعة صغيرة ...فرح اتلفتت عليها و قالت ...منو الشافعة دي انا عندي ٢١ سنة ي بت ...ربا قالت ليها ..برضو شافعة ...فرح مشت على مبنى بعيد مسور في آخر المستشفى و كان في واحد قاعد قدام الباب ...فرح خلت ربا بعيد و مشت بتتكلم معاهو ...و حسب الشافتو ربا انو م وافق لانو كانو بتشاكلو ...ربا مشت عليهم بسرعة و قالت ...ي اخ ي اخ ..الراجل خلا فرح و اتلفت على ربا و قال ليها ...خير ...قالت ليهو في ولد خطف شنطتي و جاري بهناك و انا شايلة الولد م قادرة الحقو ...رجاء تعال معاي م لقيت زول غيرك ...اتلفت عشان يكمل كلامو مع فرح لقاها اختفت استسلم لامرو و مشى مع ربا و هو بقول ليها ...م ح نلقى ح يكون جرى ...ربا قالت ليهو ...كيف الحرامية يدخلو المستشفى زي دا اسي انا اعمل شنو و كل فحوصات ولدي في الشنطة ...قال ليها ...والله م اعشمك لكن زي الوقت دا يكون شرد و اصلا الايام دي الحرامية كترو ...قالت ليهو ...طيب انا اسي اعمل شنو ...قال ليها ..ح يكون م طلع من المستشفى لسه ح اكلم ليك حراس البوابة يشوفو الحاصل شنو .... من ناحية تانية ...فرح دخلت جوا لقت نفرين بس قاعدين ...كانو بتونسوا دقت الباب و قالت ..استاذ محمد قال لي اقابل سعد ...منو فيكم سعد (لقت ورقة معلقة في الباب فيها اسماء الموظفين و كل واحد مسؤول عن شنو) واحد قال ليها ...انا سعد ..قالت ليهو ...عايزة تسجيلات الكاميرات حقت الأسبوع الفات ب التحديد يوم الاربع...و قبل م تستفسر في الموضوع كتير ...الموضوع أمني لانو انخطفت بت اختي و المفروض ينفتح تحقيق في الموضوع دا بس م انفتح و اسي قررنا نفتحو ...م اتناقش معاها كتير و فتح الكاميرات قال ليها ...على الساعة كم كدا ...قالت ليهو بعد العصر كدا ...قعدت و بقو يشوفو الكاميرات لحد م ظهرت وحدة لابسة عباية زيتية و كمامة ...كانت طويلة كدا ختت البت و دخلت شالت بت سارة و طلعت و بس كدا...فرح قالت ب زهج ...ي الله..عاين ليها سعد و قال ...للأسف وشها م باين ...قالت ليهو ..طيب عايزة اللقطة دي عشان لو اتعرفت عليها نستخدمه ك دليل ضدها ...هزا راسو و وصل تلفون فرح في الكومبيوتر و حكاية خمسة دقايق وصل المقطع اتشكرتوا و طلعت ...اتصلت على ربا و كلمتها انها جنب البوابة...مشت لقت ربا و الراجل واقف بتكلم مع البواب ...أشرت ليها ب عيونها ..و طلعت ...ربا وقفت و قالت ..لا كدا الكلام دا م بنفع ...انا ح أبلغ و الشرطة تجي تشوف الكاميرات و يحاولو يقبضو و ربنا يعوضني ...الراجل رفع كتفو و قال ...خيار كويس برضو ربا طلعت و قالت ل فرح...اها ان شاء الله لقيتي حاجة ...فرح قالت ليها ...للأسف وشها م باين بس المهم عرفنا انها مرا ...ورت الفيديو لي ربا ...ربا قالت ...انا ممكن القى طريقة افتش ملابس سجود ...بس لو طلعت م هي ح نعرف كيف ...فرح ربعت يدها و قالت ...يمكن الاسمها بسمة دي ليها علاقة ب الموضوع ..ربا قالت ليها ...لا تعالي انا عندي معاك اسئلة كتيرة و دايرة ليها اجوبة ...فرح اتنهدت و قالت ليها ...طيب بس الكلام بيناتنا ..ربا قالت ليها ...اكيد ...دخلو واحد من المطاعم ...ربا قالت ليها ...يلا احكي لي اي حاجة من البداية .... سارة كانت البت العايزها اخوي ...عقدت ربا حواجبها و قالت ...لحظة انتي عندك كم اخو و ياتو اخو فيهم ...اتنهدت فرح و قالت ..اخوي الشغال فرع الأمن و دا اخوي بعد الإمام طوالي اسمو زيد...شافها ل سارة في السوق ...كانت بتشتري عفش في محل اخوي بركب فيهو كاميرات ...و شافها ل سارة قاعدة تلم عفش وقع منها و اخد ليها صورة ...كان انبهار بتاع اول مرة و اتحول ل إعجاب اول م اتكلمت معاهو ...ياهو شاكلتو و م اتحركت لحد م مسح الصورة قدام عيونها...الكلام دا قبل سنتين ...بس هي م كانت بتعرف انو في حاجة اسمها سله محذوفات اعتقد ...ف اخوي احتفظ ب الصورة و اتكررت زيارتو للسوق على أمل انها ترجع و فعلا رجعت ....كنت ملاحظة اخوي متغيرة و على طول مزاجو عالي و بما انو علاقتنا حلوة سالتو و بكل فرحة كلمني عنها ...حتى انا اتحمست اني اشوفها يعني واحد شايفها مرتين ولا تلاتة دا شنو التعلق دا ...ف كلمني انو لحقها و عرف بيتها بس م قادر يصارحها...في مرة ساقني معاهو وراني بيتهم و شفتها ...و م اكذب سارة عندها ضحكة تخطف القلب طبيعي يعني واحد زي اخوي يتخطف من شوفتها ل مرة ...قلت ليهو ...طيب اخد خطوة جادة و عرسها ...قال لي ...انا م عايز اشيلها من شقى ل شقى وقتها وضعنا المالي م على قدر كدا و بسبب ظروفنا اطريت اخلي الجامعة لحد م تتحسن اوضاعنا و بعد سنتين دخلت ...المهم خلاصة الكلام انو عايز يجهز نفسو و يتزوجها ...م خطر ابدا على بالنا انو سارة تتزوج ...فجاءة القى اخوي مكسور اسالو مالك في شنو يقول لي سارة اتزوجت ...حتى انا انصدمت ...ب ورا كدا مشيت براي حلتها و سألت وحدة اسمها رشيدة حسب م اتذكر و قالت لي اتزوجت عشان القروش راجل عندو تلاتة حريم...حتى انو نقلهم بيت احسن و جاي جاي لقيت عنوانها الجديدة و مشيت شفت البيت و بما انو البيت كبير و مبني بنى حلو قدرت استنتج انها وحدة مادية ...و زي م قلت ليك حامد زول معروف في السوق ف اتعرفت عليهو بسرعة ...و دا إثبات تاني على انها مادية ...و للمفاجاة اجي اكتشف انها معاي في نفس الدفعة...كرهتها زيادة لانو بعدها اخوي كره حياتو و بقى زول بتاع شغل بس ...حسيت انو عايز يعمل قروش و يلقى وحدة بتحبوا لله كدا م عشان قروشو ...و سبحان الله وضعنا اتحسن في الفترة ديك و نزلت الجامعة و جيت لقيتها في وشي لا و حامل كمان ...لحد اليوم الجبنا فيهو حاجات الخطوبة حقت ماجد اجي انصدم تاني و اكتشف انو حامد اخو رماز ..كيف و وين خفت زيد يرجع يشوفها و ينتكس تاني ...يومها اتشاكلنا انا و سارة و حصل بينا موقف في الجامعة اعتقد حكتو ليكم ...المهم كنت بكرها لحد م يوم جات بت حامد لحد عندنا و حامد حكى لينا القصة الماساوية حقت الخطف دي ...المهم بما انو طلع في صلة قرابة قدرت اتواصل مع رماز و حكت لي قصة سارة من البداية بما انهم صحبات و سارة بتحكي ليها اي شيى...اكتشفت انو سارة كانت مجبورة نظرا للظرف الختاها فيها حامد ...و كرهت حامد في اللحظة ديك ...و قررت احسن علاقتي مع سارة لانو انا ظلمتها بدون م احس ... معليش كان عندنا عرس ولد عمتي 😅 و كنت م فاضية😂❤️
حرمة_حامد2 {12} #بقلمي_نسمة_عبدالله 🌼 قال ليها ...انتي مرجوعة ...سارة فكت الضحكة لمن اتشرقت و عيونها دمعو ....بقت تحاول تاخد نفس و تضحك ..قالت ليهو ...لا مؤاخذة م سمعتك ...دي منو المرجوعة دي ....انت قايلها لعبة تطلق على كيفك و ترجع على كيفك ...ضحكت تاني و قالت ...ي بيب انا زمان عملت أوراق الطلاق عشان يكون بينا رسمي و م كدا و بس بكرة ب الكتير يصلك استدعاء عشان تحضر الجلسة ...عقد.حواجبه ...ألفاظك...قالت ليهو ...و انت م ركزت غير في الفاظي ...ربع يدو وقال ليها ..نعم ..وانتي في حالتك دي طلعتي ...قلت ليهو...طلعت مركز مع حالتي م شاء الله...م شفتني وقت طلقتني ولا شنو ...اسمع هنا ي حامد انا اقسم بالله عوارة كتيرة معاك نهائي م دايرة ...وانت ك راجل م تقبل ل نفسك انك تعيش مع وحدة نافرة منك و قاعدة معاك غصب ...وانا والله هدا بقولها اسي و في وشك ..أنا دي م عايزاك نهائي... تعرف نهائي ...يعني ي حامد من الليلة و لي فوق البينا الاولاد بس ...عايز تصرف عليهم اهلا و سهلا م عايز كمان م محتاجة ليك ...و دا كل العندي ...و م تفكر انك قلت لي مرجوعة ح استف شنطي و ابقى زي العويرة ارجع بيتك ...شفت نجوم السما دي ي حامد أقرب ليك مني انا ...انت اذا عايز تطلق بدون مشاكل ...الورق جاهز تعال بيتنا وقعو و الجلسة ح تكون بعدم كم يوم تشوف نفسك قادر تتدفع قدر شنو و انتهينا و البينا عامرة ...حامد عاين ليها و قال ...خلصتي ...ضحكت سارة ضحكة خفيفة و قالت ...لا م خلصت ...هو انا لو بديت احكي احكي شنو ولا احكي شنو ...اسي بدور أسألك انت على ياتو اساس طلقتني ...ختت يدها في خدها ب تفكير وقالت ...اهااااا اتذكرت ...انا كتلت ولدك ...موش؟؟؟عاينت ليهو جوا عينو ...قالت ليهو ..موش ولا م موش...اسي الحصل شنو يعني انت غفرت لي ذنبي العظيم دا ...م ترد ...سكتت شوية و هي بتعاين ليهو ...تاني قالت ....في خيار تاني ...مثلا ربنا شال امانتو مثلا يعني ...مثلا الموت حق و نحن كلنا ح نموت مثلا يعني ...رفعت كتفها و قالت ...اسي مثلا لو بتي الله يطول عمرها اتوفت يومها ح تتهم منو مثلا ...دا زاتو شرك بالله ...عليك الله لو فضل لي حبة عز جواك طلقني و ريحني ...انا حاسة نفسي عايشة في جهنم.....و اقول ليك شي ...انت بني آدم اناني لا مؤاخذة يعني ...م مهم الناس دي عايشة حياتها كيف المهم انت عايش حياتك زي م عايز ...اسي شايف الحصل بسبب العملتو مع بسمة زمان أولادك اتشردو و انت مهملهم...بكرة او بعدو ح يحصل معاي و عيالي برضو ح نقعد نتشاكل و نبقى في صراع و في النهاية تطلقني و تقلع الاولاد غصب و عيالي يتهملو و بعد الطلاق نبقى في صراع تاني و كيف اشيل أولادي... _انتي طالق... سارة قطعت كلامها و عاينت ليهو بصدمة ابتسمت و قالت...شايف الموضوع ساهل كيف ...و شكرا ...طبع بوسة على راسها و راس العيال و قال ...و بعتذر منك ..و طلع بدون كلمة ....سارة بقت تضحك امها جات لقتها تضحك قالت ليها...جنيتي ولا الحمى راكبة راسك ...قالت ليها ...أطلقت الطلقة التانية ...حكت لي امها الحاصل و قالت ...عفيت منك ...ابتسمت سارة و قالت ...حاسة ب راحة ضمير ...طبطبت امها عليها و قالت ليها...اسرع رجوع و طلاق شفتهم في حياتي ...ضحكت سارة وقالت ...إرادة ربنا ...يومين اتعملت الجلسة و تما الموضوع ب سلاسة ... في بيت فرح ...فرح كانت قاعدة و فجاءة مرا على بالها ...لي م عايزة تكلمي زيد انو سارة أطلقت...هل ممكن يتزوجها و يرجع زيد الزمان ...عاينت لأمها و قالت ...أمي رايك شنو في وحدة ب أولادها ...امها قالت ليها ..كيف يعني ...قالت ليها ل زيد اخوي ...عاينت ليها امها و قالت ....بري زيد ولدي ناقصو شنو عشان يعرس وحدة ب عيالها ...و يربي ولد م ولدو ....يعرس بنية قدرو تعزو و تجيب لي وليدات ...فرح قالت مع نفسها ...كنت عارفة ...بس كلام امي صح خلي زيد يشوف حياتو و يشوف بت تانية و بنات حوا كتااار ...جا زيد داخل في اللحظة ديك سلم عليهم و قعد فتح اللابتوب و بقى شغال ...امو قالت ليهو ...انت ي ولدي شغلك دا م بنتهي ....قال ليها ...الشغل كتير عشان كدا ...قالت ليهو ...الشغل م بنتهي اسي بكرة لو انا مت تقول ي حليل امي م قعدت اتونست و شبعت منها...قفل اللابتوب و قال ...لي بتقولي كدا ي امي....الله يطول في عمرك ...انا بس عشان بادي شغل جديد...لمن يكبر ح ادخل موظفين و الشغل يخف ...قالت ليهو ...الشغل بستنى بس العمر لا ...انت م تعرس و تشوف عيال ينفعوك ...عمرك ٣٠ و العمر جاري ...قال ليها الموضوع متين اتحول و بقى عرس ...فرح قالت ليهو ...عندي صحبتي في حلتنا دي ...قال ليها ب نهرة ...فررررح ...انتي وانا عارفين الحكاية ماف داعي للكلام دا ...قالت ليهو ...قبل اسيوعين ولدت جابت تؤام ...انت خليك قاعد و مضيع عمرك ...امها قالت ليها ...دي منو ...وقف وقال ...م قادر اتخطاها انتي عارفة يعني شنو ...قالت ليهو ...م اخر بت في الدنيا دي ...قال ليها ...اسي لو ماجد اتزوج و جاب عيال و طلق ولا مرتو ماتت تقبلي بيهو ولا لا ...قالت ليهو بصدمة ..ززززييييييد...قال ليها ...تقبلي ولا لا ...امو قالت ليهو...علاقة فرح ب ماجد شنو ...انتو بتتكلمي عن شنو ..شكلي اخر من يعلم قال ليها ...فرح بتحب ماجد بس شوف عينك ماجد خطب و بتك م قادرة تتجاوزو ....و هي اسي جاية تقول لي ببساطة اتخطى البت البتحبها ...م ح أتجاوز و حارسها تتم العدة عشان امشي اطلبها ...فرح قالت ليهو بصدمة ...انت كيف تتكلم ب الطريقة يط ..قال ليها ...دي م طريقتك ذاتها م عجبتك ....ربعت يدها و ادتو ضهرها ...قعد في السرير و مسح وشو و قال ...اسف ...هزت راسها و هي بتمسح دموعها و قالت ...انا اسفة ...امو قالت ...روقتوو؟؟؟اسي فهموني و دي منو الاطلقت دي ...فرح قالت ليها ...البت العايزها ولدك...قالت ليهو ....انت عيبك شنو تتزوج مطلقة ...فرح قالت و ب عيالها ...زيد عاين ليها ب ضيق ..ختت اصبعها قدام خشمها و قالت ...سكت ..عاين ل امو و قال ...انا عايزها تاني في شنو ...امو صلحت قعدتها و قالت ...لا كيف يعني ..من قلة البنات يعني ...فرح قالت ليهو ...لحظة انت كيف عرفت انها أطلقت....ضحك و قال ...المهم عارف ..امهم قالت بنهرة ...انتو ح تقعدو تتكلمو م تفهموني شي ...فرح حكت ليها عن سارة ب اختصار...امو قالت..دا كلام شنو ي زيد انت الناقصك شنو تعرس وحدة زي دي ...لا يعني لا سارة دي اخر من تتزوجها ...زيد قال ليها ...ي هي ي لا ...قالت ليهو...انت بتعصيني كدا ...قال ليها دي حياتي ي امي و انا الح اعيش معاها ...اي غلط انا ح اتحمل مسؤليتو براي..امو قالت ليهو ..زييييد ...وقف و قال ...أمي انتي بتشوفي الموضوع من ياتو زاوية ..صرت وشها و قالت انت لو عايز رضاي م تعرسها...قال ليها ...عايز اقول ليك انو رضا الوالدين م ليهو اي علاقة ب الزواج ...و البت دي عايزين م عايزين بعرسها ...امو قالت ليهو ...انا عايزة مصلحتك...قال ليها مصلحتي دي انا شايفها فيها هي و بس ...اتنهدت و هي صارة وشها و قالت ....طيب تعرس البت الأنا عايزاها ليك و بعدين لو عايز تعرس تاني عرس ...فرح فكت الضحكة و قالت ...حرررررم لو عرست انت دا تنسى سارة ..لانو هي طلعت من راجل مرا و تتزوج راجل مرا...امها قالت ....سجمي و متزوجة راجل متزوج كمان ....يتبببببع