*#حرمة~حامد~《06》* *#بقلم~نسمة~عبد الله~🌼* *★★★ـہہہـ٨ـــ٨ـہہـ٨ـــہہہـ٨ـــ٨ــــ٨ـ♡★★★* ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏ كنت بعاين ليهم بخلعة شديدة الصراحة ...جا ادا الولد الشايلو لمرتو الأولى و جات مرتو التالتة سلمت علي وقعدت هي كمان ...كلهن لابسين احسن دهب و احسن توب ...بعد ضيفتها قال لي ...اقعدي ي سارة ...قعدت ولسه الصدمة م راحت مني ...عاين للأولاد و قال ليهم اقعدو...ولا حتى كررها ولا نهرهم ولا ولا ولا قعدو ب ادب ..قال لي وهو باشر علي سمية..سمية زوجتي الأولى..ابتسمت ابتسامة صفرا وانا بقول ..اهلا ...قال لي ولدي البكر مصطفى ..و بعدو مجتبى و بعدو مرتضى و اخيرا معتصم ..جو سلمو علي واحد واحد ...عاين لمرتو التانية بابتسامة وقال ..زوجتي التانية ربا ...هزت لي راسها وانا بدوري هزيت ليها راسي بابتسامة ...قال لي ..أولادي محمد و محمود توأم بعدهم أحمد و الاخير أسر..جو هم برضو سلموا علي حتي العمرو ٣ سنة...قبل لمرتو التالتة و قال اعرفك بسمة....زوجتي التالتة ...قالت لي ..اتشرفنا ...ابتسمت وقلت ليها ...الشرف لي..قال لي أولادي عصام ...و توأم عصمت و عاصم ...ضحكت وقلت ليهو ..ما شاء الله يتربوا في عزك ...هزا راسو وقال ...سمية ربا بسمة ..اعرفكم ب سارة زوجتي الرابعة ...هزيت راسي وانا بضحك بهبالة ...و كمان قاعد يعرفني عليهم ... بسمة قالت لي ...معليش م جيت لمن ودو الشيلة عشان أولادي لسه صغار ...قلت ليها ..لا ولا يهمك ..قلت مع نفسي بتعتذري على شنو حبيبة ...شكلو حامد دا ممشيكم مسطرة ...عاينت ليهو ..قاعد متربع في السرير و شايل واحد من التوأم بلعب فيهو...قلت راجل عندو ١١ جنا ماشاء الله تبارك الرحمن عيني باردة و كلهم اولاد ....و ال ١٢ جاي تاني عايز شنو ...فجاءة قلت ..لا ي سارة يمكن عايز نسلو يمتد لأجيال ...تاني قلت ...اصلا الرجال عينهم م بتتملي الا بالتراب ...و من نظراتو ل الاسمها ربا شكلو بحبها ..و انتي مركزة في نظراتهم مالك ...اوعى تكوني غيرانة...لا لا م كدا بس انا مرتو ...مرتو قلتي لي مش اسي كنتي م مقتنعة ...م خلاص دا امر واقع لازم نرضى بي ولا شنو ...هي ي بت م تعلقي روحك م قلتي عايزة تتطلقي ...م سمعتي قال شنو قال طلاق ماف...ايوااا خلاص ابقي قادرة و اكسبي الراجل ل صفك ...يعني شنو ...يعني النظرة الكانت ل ربا خليها تبقى ليك ...ضحكت وانا م حاسة لقيتهم بعاينو لي ...ابتسمت وقلت ...حبيبي ماشة اجهز الفطور ..حصلت صنة كدا في المكان و النسوان التلاتة بعاينو لي بصدمة م طبيعية حتي هو عاين لي بخلعة ...قمت انسحبت جوا المطبخ و جواي احساس بالانتصار ..هييي بدينا شغل مغارز ...ضحكت وانا بطلع الصحانة وقلت ...دام هي قسمة و تقسيمة انا م برضى غير بنصيب الأسد...هيهيهييي...كنت عاملة بطاطس محمرة و سلطة اسود سلطة زبادي عصيدة بالنعيمية و سلطة جرجير فتحت العمود حق سمية لقيتها جايبة خدرة فرك و كسرة و رز و لحمة محمرة ...قلت مع نفسي ..خدرة؟؟؟ جهزت الصواني ..عملتهم اتنين شلت الأولى ناديت الاولاد غسلت ليهم يدهم و قعدتهم......جبت الصينية التانية و الموية...قعدنا و كان معظم كلامو مع مرتو الأولى..لقيتو م بياكل غير من أكلها ..و يدو ابدا م هبشت الاكل بتاعي بس الرز و الخدرة.. رفعت عيوني لقيتها بتعاين لي بابتسامة كدا حقت مغارز ...يعني م اكل من اكلك...وقفت اللقمة في يدي و عاينت ليها ابتسمت بدلال وهي بتاكل...عاينت ل حامد لقيتو ما فاضي ماسك واحد من التوم باكلو رز و بياكل هو ...شلت من العصيدة في يدي و قلت ليهو وانا بلين صوتي ...شايفاك م اكلت منها م عجبتك ولا شنو عاين لي وقال ...م كدا. ..قاطعتو سمية وقالت ...م متعود ياكل اي اكل اي اكل اكل نضيف بس و كررت الكلمة مرتين...و ابتسمت...و هو م اتكلم معاها رجع ياكل كانو م احرجتني قدامهم لقيت ربا و بسمة متابعين الحوار و كانو عاجبهم الحاصل معاي دا ...ايوااا بدينا كدا ارجو الراجيكم ...طوالي نزلت اللقمة من يدي ..و قمت عاين لي ب استغراب و قال لي ...متين قلنا بسم الله...عاينت ليهو و عيوني مدمعة و قلت ...انت بتقرف مني صح ..لقيتو عقد حواجبه ب استغراب وقال لي...بتقولي في شنو انتي..قلت ليهو ...م يعني نحن ناس بسيطين نبقى وسخانين و خمجانين في اكلنا بالعكس نحن بنهتم بالنضافة اكتر من غيرنا ...مسحت دموعي وقلت ...طالما م عايز تاكل اكلي ف انا م عايزة ...قال لي...دا كلام شنو البتقولي فيو دا ...قلت ليهو وانا ببكي ...دا الأنا شفتو بعيني و سمعتو...ادا التوم لامو وقال ...تعالي اقعدي ي سارة ...اتلفت وقلت مع نفسي ...وبعلللللللي شكلو ح يجي ياكلك اها اعمل شنو اقعد ولا اركب راس و امشي ...عاينت ليهو بحسرة كدا و ركبت راس و مشيت غسلت يدي ..و دخلت المطبخ ...و بديت اعد ...١ ..٢..٣...و طق جا داخل ابتسمت بانتصار و سرعة بدلت ملامحي للزعل و قعدت اجهز كبابي العصير وانا بعمل دور الزهجانة ...نزلت الصينية و ختيتها بزعلة كدا و قبلت انزل الكبابي مسك يدي بقوة كدا عاينت ليهو بتحدي و سحبت يدي بقوة ...قال لي ...قلت ليك امبارح انا حركات سويت ليها و سوت لي م بنفع معاي ...قلت ليهو م قلت كدا بس انت سمعتها قالت شنو قالت اكل نضيف يعني انا وسخانة صح ...تلقاها هي رسلت لينا العشا امبارح عشان كدا اكلت ..و حتى الشاي م بتخلص الكباية تاخد شفة و تعمل رايح دا اسمو شنو دا ...قال لي ...م كدا بس انا م متعود اكل من اي يدين ...قلت ليهو ...هدا كلامها ب اسلوب لكن ..و بعدين انا مرتك ..قولها في وشي عادي م ح ازعل ...قبلت اديتو ضهري وانا مبتسمة ...قال لي ...متين جيتي لمن بدينا مشاكل ...اتلفت عليهو وانا بربع يدي و قلت ...يعني انا بتاعت مشاكل لاحظ انو الحوار دا بديتو انت ...قال لي ..اسي انتي مكبرة الموضوع لي شنو ...قلت ليهو ..في نظرك انا مكبرة الموضوع ..انا طول عمري ماف زول أهان الاكل حقي زي م عملت انت ...قال لي بحدة ...ألفاظك..قبلت و قلت ليهو ..م كان في داعي تملى المطبخ دام انت م ح تاكل ...قال لي ..و انتي ...قلت لي ..عايزة اموت من الجوع و ارتاح ...شلت صينية الكبابي و طلعت خليتو ...رجعت قابلتهم بابتسامة واسعة و انا بخت صينية الكبابي بشيل صينية الفطور...قابلني وانا طالعة م عبرتو مشيت و جيت ضيفتهم العصير و ختيت ليهو وحدة كبيرة مليانة و بقيت قاعدة قصادو احمر ليهو الليلة م يشربا ...شوية كدا يتكلمو في مواضيع مختلفة قمت لميت عدة الجبنة لقيتو قسم العصير للشفع..قلت مع نفسي اصبر لي بس...يعني انت معرس اتنين قبالي و م بتاكل من يدهم كلام بالعقل كدا م بجي دي امور شفع م اكتر و بكرا تشوف ...ختيت عدة الجبنة قامت سمية و قالت لي ...لا انا الليلة ح اشرب الجبنة مع يمة...مرتو التالتة قالت ..انا برضو قلت اودي ليها العيال الفترة الفاتت دي م قعدت معاهم ..شكلهم بتكلمو عن ام حامد ...قلت ليهو ...طيب دام كدا نشرب الجبنة عندها ...لقيت حامد بعاين لي بادلتو النظرة بابتسامة...قامت سمية و حمحمت و قالت ...احم طيب ارح ...قلت ليهم بلم المكان و بلحقكم ...طلعوا كلهم الا حامد ...اول م طلعو قلبت وشي و لملمت الحتة و هو قاعد يعاين لي ...قال لي ...اسي م كنتي بتتبسمي قالبة خلقتك مالك ...قلت ليهو ...صح انا زعلانة بس م بقلل قيمتك قدام الناس فما بالك ب نسوانك ....قال لي ...اسمهم حريمك ....رفعت كتفي و مشيت ...قال لي ...طيب ارح في شنو ...شلت غيار من الدولاب و قلت ليهو ...عايزة استحم ريحتي اكل ...قال لي ...ماشة وين انتي ...قلت لي ...بيت نسيبتي اقلاهو تعرف اني نضيفة جوا و برا و اكلي برضو نضيف ...قال لي ...نحن م قفلنا السيرة دي ...قلت ليهو لا م اتقفلت لانو دي حاجة بتمسني و اذتني من جوا و دخلت الحمام و قفلت الباب ...ابتسمت وقلت ...م سارة الهينة الهدية الرضية الحق حق وانا حقي بعرف كيف اجيبوا .... ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#♡♡عبد الباقي أحمد محمدزين♡♡*