*#حرمة~حامد~《07》* *#بقلم~نسمة~عبد الله~🌼* *★★★ـہہہـ٨ـــ٨ـہہـ٨ـــہہہـ٨ـــ٨ــــ٨ـ♡★★★*‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​ طلعت من الحمام لقيتو قاااعد..غيرت اتمسحت...جيت قلت ليهو ...جاهزة ...عاين لي وقال ..م بدري..قلت ليهو ...عروس و كدا ...قام مشي قدامي قفلت الأبواب و لحقتو..اول م طلعنا تلفونو رنة وقف اتكلم شوية و مدا لي التلفون قال لي ...دي الوالدة...شلت التلفون وقلت..الو..امي قالت لي..شنو من اول يوم بعتينا ...قلت ليها ..هو انا عرفت اول يوم من تاني يوم ...قالت لي...خير نبرتك م مريحاني...قلت ليها...اتخيلي...سكت وانا بعاين ل حامد قلت احتمال يسمعني ...بقيت امشي براحة و وطيت صوتي وقلت ليها...اتخيلي انا و نسوانو بدينا مغارز ...كنت متوقعة انو امي م ح تسمعني بس سمعتني ...قالت لي ...مع ياتو وحدة فيهم ...قلت ليها ...الاولي...قالت لي ...لا الا الاولي ...قلت ليها ...ل شنو...قالت لي ...ي هبلة دي مرتو الأولى يعني كل الاحترام و الحب ليها ...و طالما هي في صفك انت في السليم...قلت ليها ..انتي عارفة سبب المشكلة شنو ...قالت لي ..شنو...قلت ليها ...حامد قال م بياكل من يدين غير يدين سمية ...قالت لي ...سمية منو...قلت ليها..مرتو الأولى ياخ ...قالت لي ..و انتي عملتي شنو.....حكيت ليها الحصل كلو ...قالت لي ...ي هبلة م كان المفروض تتصرفي كدا قدامهم...قلت ليها و المفروض اعمل شنو ...قالت لي ..اول حاجة اعتذري من حامد ..قلت ليها ...ليي...قالت لي عشان تكبري في عينو...قلت ليها...بس هو الغلطان...قالت لي ..م انتي م المفروض تواجهي بالغلط ...مفروض تحسسي بغلطو.....رفعت راسي وصلنا البيت اصلا البيت بورانا...قلت ليها ...بتصل ليك بعدين ...قفلت الخط و مديت ليهو التلفون ..شالو وقال لي ...م عايز تصرف زي حق قبل شوية دا يتعاد ...كنت عايزة ارد ليهو بس اتذكرت كلام امي وقلت ليهو ...اسفة و دخلت طوالي ...اتلفت عليهو لقيتو مبتسم ...قبلت و انا بضحك ...وبعلللللللي نصايح امي خطيرة ...لقيت أصغر حمواتي في وشي...اسمها رماز ..عاينت لي و عاينت ل حامد ...ابتسمت و مديت ليها يدي لقيتها حضنتني و طبطبت علي و سلمت علي سلام حلو ...ضحكت وقلت ليها ..حاساك بتعرفيني من سنين ...هزت راسها و قالت ...ابدا بس لقيتك في عمري و اخيرا ح القى زول يونسني...قلت ليها ...بكرة تعالي نشرب الجبنة سوا ...ضربت كفها بكفي و قالت ظابط ...ضحكت شديد .لقيتها سحبتني من يدي دخلنا " ضهر تور" عالي و معلقة فيهو ستاير و مفروش رملة و مبخر ...جا حامد بأس راس امو و يدها ..طبطبت على كتفو ...أشر ليها علي ..بالله لمن عاينت لي لمن خفت شكلها مرا صارمة كدا ..جيت براحة سلمت عليها قالت لي ..تراك حلوى..ابتسمت و قلت ليها...تسلمي حلوة عيونك ...ضحكت وقالت لي...ولدي دايما زوقو عالي ...ابتسمت و قلت مع نفسي ...بدل تخلي يقتنع بوحدة داعمة بالطريقه دي ...قعدت و جات قعدت جنبي رماز قالت لي انتي عمرك ٢١ صح قلت ليها ...لا ٢٢ ...ابتسمت وقالت فرق سنة بيني و بينك ...ابتسمت ليها و سكت ..كانت بتونسني عن عرس اخواتها ..هم اصلا رماز و رهام و ريتال ...و الاولاد حامد و احمد ...احمد دا متزوج و مغترب ب مرتو في قطر ..و أخواتها الاتنين متزوجات و فضلت هي..قلت ليها ...عشان نتم الونسة لمي عدة الجبنة ...ابتسمت وقالت لي... جدا ..خمسة دقايق لمتها..قعدت جات قعدت جنبي قالت لي...انتي عارفة اخوي اتزوجك و اتزوج القبلك لي شنو...هنا مسكني الفضول و خليت الفي يدي و قلت ليها ..لي شنو ...و قبل تتكلم نادتها امها ...شايفاها نهرتها بصوت واطي ...قلت الموضوع فيو انة ...عملت الجبنة وانا ساكتة بتابع الحوار بيناتم و رماز بتونس فيني ...مرة اركز معاها و مرة اركز مع حامد و ربا ...شكلو بحبها شديد اكتر من باقيهم ...اخدين زاوية طرف و هاك يالضحك ...عاينت ل سمية لقيتها مرة مرة تعاين ليهم شكلها الموضوع حرقها . ..ابتسمت وقلت ايووااا عرفت البحرقك شنو ...قمت ضيفتهم الجبنة الا حامد م ختيت ليهو فنجان ....لمن رجعت قعدت ...لقيتو عاين لي بصرة كدا ...ابتسمت وقلت ليهو...قطعت حبي ...الا القى امو اتشرقت و بقت تقح لمن عيونا دمعو ...قالت لي بصوت مقروش ... ي بت اخجلي...قلت ليها ...راجلي ..قالت لي ...راجلك في بيتك م قدام الناس...هنا حسيت انو دي فرصتي عشان اكبر في نظر حامد ....قلت ليها طالما هو حلالي كلو مسموح..ولي شنو في بيتي ..راجلي في في اي محل برفع راسي بيهو ...دا راجلي وانا بدلعو ...ضحكت رماز و قالت ... سامعة العبارة دي في محل..غيتو خليتها مخلوعة و قلت لي حامد ..تعال جاي اشرب الجبنة ..م عارفة لي شنو حاسة انو ح يكسفني ...بس جا قعد ...عاينت لي سمية لقيتها بتعاين ل حامد و هو بشرب الجبنة ..كنت حابة امغرزا بس على قول امي لازم اكسبها في صفي بس اعرف مكانة اي وحدة عند حامد شنو ... بعد الجبنة أصرت ام حامد نتغدا عندها ...كنت باكل وانا سرحانة...قلت ليها ...الاكل عملو منو ...قالت لي انا ...قلت ليها ..نكهتو غريبة بس حلوة ...بعد الغدا رجعت البيت اتسطحت نمت صحيت قريب المغرب حاسة بخنقة في حلقي لقيت نفسي بعطش و بشدة قمت غسلت وشي يمكن العطشة تروح بس زادت ..قعدت في السرير و حلقي مخنوق ..رفعت عيوني شفت حامد جاي علي ...قال لي ..شميتي حاجة ولا شنو ...قلت ليهو...م عارفة والله ...قال لي ...قولي بسم الله وشك قلب احمر ..قلت ليهو ...... اتنفخ ...حسيت نفسي بقى أضعف قعدت وانا بهدي نفسي ...قال لي...لا لا قومي شكلك م طبيعي م مريحني..عاينت ليهو وانا شايفة طشاش ..قلت ليهو..انت منو ...جاب عباية و قال ..لا انت شاربة شنو ...م سمعت بعدها حاجة ..فتحت عيوني لقيت نفسي في المستشفى...عاينت ليدي كانت متورمة من أماكن مختلفة و محمرة ..اول حاجة جات مارة في بالي هي ...سمنة..اتنهدت وانا بقول ...و كمان اكلت و انا بقول ليها الأكل حلو ...الباب اتفتح جا حامد و معاهو دكتورة ...ابتسمت و قالت لي ...الف سلامه عليك...قلت ليها و تقريبا صوتي راح ...الله يسلمك ...قالت لي ...حساسية مفرطة ...واصلت انا و قلت ليها ...من السمنة...حامد قال لي..و طالما انتي عارفة نفسك يتتحسسي منها اكلتيها لي شنو ...قلت ليهو ...عشان انا م متعودة على طعمها اكلت وانا م عارفة ... ابتسمت الدكتورة و قالت ..المرة الجاية خلي بالك لانو زي م شايفة الجرعة خفيفة اثرت معاك شديد قلت ليها..تمام ...طلعنا و حاسة وشي منفوخ...قلت ليهو...وشي منفوخ ...قال لي ...و انتي شايفة شنو ...قلت ليهو الشايفو انت ....ضحك وقال ...انتي ردك على طول طرف لسانك ...قلت ليهو...حبيبي انا م برضى في نفسي ...قال لي ...و شنو حبي و حبيبي دي ...قلت ليهو ...م عاجبك ...قال لي ...لا مصدوم بس من طريقتك ... قلت ليهو ...اتعود ي بيب ...قال لي ...بتت..ضحكت و قلت ليهو ...عليك الله صوتي رايح و حيل للنقاش م عندي ...قال لي ...و انتي خليتي فيها حيل ...لمن رجعنا كان الوقت بعد العشا...جات رماز و كانت ملهوفة كدا ...قالت لي ...الف سلامة عليك عرفتو من شنو ...قال ليها...السمنة ..قالت لي..والله م كنت عارفة ...قلت ليها ولا يهمك ..سمية قالت ...معقولة م حسيتي بنكهتها و انتي بتاكلي ...في زول عارف نفسو بتحسس من حاجة و يأكلها ولا عايز يلفت انتباه...عاينت ليها بضيق ...امي تقول لي اكسبيها في صفك ودي عايزة معاي مشاكل ...ردت رماز و قالت ...لا م انا بعمل بعمل بهارات عشان طعم السمنة م يظهر ...عاينت ل حامد بضيق و دخلت جوا ..شكلو سمية عايزة المشاكل و انا ح اديها ليها.... ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#♡♡عبد الباقي أحمد محمدزين♡♡*