🤍🌀 رواياتي حلقات 🌀🤍
February 6, 2025 at 07:04 PM
#حرمة_حامد
[9]
#بقلمي_نسمة_عبدالله 🌼
انا شن لماني ب الراجل العراس دا..قلت ليها ...و اسي بت عمو دي وين ...هزت راسها و قالت ...م انا لو حكيت ليك ح تخرب المفاجأة.. ربعت يدي بحيرة ..قالت لي ..م تسرحي كتير و تفكري في الموضوع كدا كدا ح تعرفي ...نفضت الموضوع من راسي و قلت ليها ...و كيف يعني م بحب حركات الشباب ...انا شابة و عايزة اعيش شبابي ...ابتسمت وقالت لي ...كان ببساطة م تعرسيهو ...تعرسي قدرك و تعيشو شبابكم سوا ...قلت ليها ..يعني لا فسح لا طلعات ...في فسح و طلعات لكن مع الأسرة...اتنهدت و قلت ليها ...انتي باينة صغيرة ..هزت راسها و قالت اي عندي ٢٧ سنه حاليا ...شهقت و قلت ليها ..بدور أسألك لي عرستي حامد ...ضحكت و قالت لي ..ابوي عرسني ليهو و لقيت نفسي مختوتة قدام الأمر الواقع ف رضيت ...قلت ليها ...لا فسري لي اكتر ...قالت لي ..فضوليه انتي ...اتحرجت منها و لميت خشمي ...في داعي اسي للشلاقة بتاعتي دي ...قعدت شوية و رجعت البيت و بقيت في دوامة افكار م بعلم بيها الا ربنا العصر اذن صليت جيت قلت اخد لي نومة الباب دقا ...قمت بكسل فتحت الباب لقيتها رماز ابتسمت و سلمت عليها دخلت ضيفتها قالت لي ..كنتي وين انتي جيت جبيل دقيت عليك الباب و م فتحتي ...قلت ليها ..الملل كتلني مشيت اتعرفت على جارتي بالحيطة ...ضحكت و قالت لي ..قصدك بسمة ...هزيت راسي ..قالت لي بسمة دي عسل خلاص خفيفة على القلب ...قلت ليها فعلا ..قمت لميت عدة الجبنة و عملناها ...وناسة شديد ضحكتني ...سألتها و قلت ليها...اها م قلتي لي حامد عرسني و عرس القبلي ل شنو ...ابتسمت و قالت ...كان نفسي اكلمك بس خلي حامد يكلمك ...ربعت يدي و قلت ليها ...هو اي سؤال بسألو تقولو لي خلي حامد يكلمك ...ضحكت و قالت..سالتي شنو ...اترددت اني اقول ليها فقلت ليها ...ولا شي ...كأني اتذكرت فجأة وقلت ليها ..صحي حامد م بياكل الا من يد سمية ليي يعني ...هزت كتفها و قالت ..علمي علمك م بياكل غير اكلنا و أكلها بتذكر لمن اتزوج ربا جديد جات شكت لي امي و قالت ليها حامد دا م بياكل من يدي و قالت ليها دا موضوع نفسي و احسن م تتشددي فيهو و قفلت السيرة على كدا ..قلت ليها ب يعيف يعني ...رفعت كتفها و قالت ...احتمال ...سكت منها وانا بقول مع نفسي ...كان م خليتو ياكل من اكلي م ابقى سارة طقطقت اصابعها قدام وشي و قالت لي ...سرحتي وين ..هزيت راسي ب لا ...قالت لي بحماس...قريبات ح نسافر لأبوي...قلت ليها...فعلا م شفتو ...قالت لي ...ابوي حاليا في البلد عند حبوبتي الكبيرة و شغالين زراعة عشان الصيف على الأبواب..قلت ليها ح تمشي انتي و منو ...قالت لي كلللللنا ...أشرت على نفسي و قلت ليها ..حتى انا ...هزت راسها وقالت حامد م كلمك ولا شنو ...هزيت راسي وقلت ...ابدا...قالت لي معناته الليلة ح يكلمك ...قلت ليها ..ح نقعد هناك قدر شنو كدا ...رفعت كتفها و قالت ح نصوم رمضان كلو هناك و نعيد كمان ...قلت ليها ..مطولين يعني ...قالت لي ..البلد هناك سمحة و جوها سمح ...قلت مع نفسي ...شكلو دا شهر العسل الاتكلمت عنو بسمة ..انا لازم اتكلم مع امي ..قلت ليها ..رماز الليلة حامد ح يتغدى معاكم ...قالت لي ..اصلا هو بياكل مع سمية في الأيام حقتها بس و باقي الايام معانا ...قلت ليها ...طيب رسلي لي عمود عايزة ياكل هنا في البيت ...ابتسمت ابتسامة وسيعة و قالت ...طبعا انتي اول وحدة تقولي كدا ...ضحكت و قلت ليها ...م أنا سارة عشان كدا ...غمزت لي وقالت ..ثقة ضمان ...ضحكت و قلت ليها ...لازم و عايزة اتعلم طريقة طبخك ب الحرف ...هزت راسها و قالت ..لا شكلك انتي ناوية على حامد دا ب المقلوب ...هزيت راسي و قلت ليها ...انا قلت ليهو لو م شفت اكلي في خشمو م برتاح ..وقفت عدلت توبها و قالت ...طيب المغرب ح يأذن و حامد زمنو لسه و كدا كدا بعد يمر يسلم عليكم كلكن ح يرجع عشان ياكل و انتي اقبضيهو ...قلت ليها ...اول مرة اشوف عريس ينزل شغل من تاني يوم ...ضحكت شديد و قالت لي...حبة حبة تاخدي عليهو انسان عملي لأبعد درجة ...ضحكت و قلت ليها .. فعلا لازم اخلي اي حاجة لوقتها ...هزت راسها و ودعتني و طلعت ...قمت صليت لميت البيت فرشت الحوش اخدت حمام ...لبست فستان ظريف كدا الباب دقا ...قلت اكيد دي رماز ...فتحت الباب لقيتو حامد ...ابتسمت ابتسامة وسيعة و قلت ... ي هلا و ي مرحب ...دخل قال لي ...مزاجك رايق ..قلت لي شديد اتفضل اتفضل ...قال لي ..لا لا جيت اسلم عليك و ماش لأمي...قلت ليهو ..لا ح تتغدا عندي ب جاي...عقد حواجبه و قال ..م قفلنا السيرة دي نحن ..قلت ليهو ...رماز ح تجيب الغدا هنا عايزة اتغدا معاك ...لمحت طيف ابتسامة على وشو ابتسمت و انا برفع ليهو غيار من السرير و قلت ...سخنت ليك الموية لغايت تستحم الغدا جاهز شالو و باس يدي و مشى وقفت اعاين ليهو لمن دخل ...اتلفت على ضهري بابتسامة وانا ماسكة يدي و قلت ...اول خطوة تمت .. الباب دقا مشيت سرعة فتحتو...قالت لي ...معليش اتاخرت ...ضحكت و قلت ليها ...ولا يهمك ..عاينت لي و ادتها غمزة و قالت ...انا قلت ب المرة اجي اتغدا معاكم ...ضحكت و قلت ليها ... مرة تانية اكيد بس م المرة دي ...ضحكت و قالت لي بتطردو فيني ..هزيت راسي و قلت ليها..عرسان و كدا حبيبة ...ضحكت و مشت ..دخلت رتبت الاكل ..طلع و قعدنا مع بعض قعدة حلوة ..قلت ليهو ...حامد قال لي ...هممم .قلت ليهو ..عايزة تلفون ...قعد في السرير و طلع من جيبو علبة..قال لي ...قلت افاجئك ...شلتو و قمت حضنتو بفرحة و قلت ليهو ..شكرا شكرا شكرا..ابتسم و قال لي ..تستاهلي ..ابتسمت و قعدت جمبو قلت ليهو ..شغلو لي ..فتحو و قال لي ..جبيل ركبت الشريحة و سجلت رقم الحاج و الوالدة و رقمي ..قلت ليهو ..اشتقت ليهم شدييييد ..قال لي ..اصلا بكرة ح نمشي ليهم قلت ليهو ...جد ...هزا راسو ابتسمت ب اتساع و قلت مع نفسي ..الشمار وش ل وش احسن من اضان ل اضان ...
يتبع
❤️
2