🤍🌀 رواياتي حلقات 🌀🤍
February 6, 2025 at 07:06 PM
#حرمة_حامد
[13]
#بقلمي_نسمة_عبدالله 🌼
في قعدتنا دي جا واحد من اولاد حامد و قال ابوي قال ليكم العشا ...قامت رماز و قمت معاها لانو لازم احكي ليها موضوع العمل دا... اتلفت لقيت سجود بتحمر لي ..لويت ليها خشمي و مشيت ...أثناء م رماز بتكب الاكل قلت ليها ...رماز عايزة اقول ليك شي ...قالت لي ..احكي ...قلت ليها حامد دا معمول ليهو عمل ...ختت الصحن من يدها و قالت لي ...كيف يعني...قلت ليها ...يوم عملت زيارة لي امي ...جات مرا اسمها بدور و قالت لأمي انها بتعرف حامد دا ...و م كانت قايلاهو راجلي ..و قالت ليها انو لقت مرتين في البلد هنا عند واحد دجال و عملو عمل لي حامد دا ولا ل منو م معروف المهم قالت اسم خامد دا مذكور ل جدو و العمل مدفون ...شهقت و قالت ...طيب حامد م هدا كويس. ..قلت ليها ..العمل عشان م ياكل من يد ربا و بسمة ...قالت لي ...وانت شن خلاك متأكدة...قلت ليها ...طول الأسابيع الفاتت و الأكل الشلتو منك م اكلتو ل حامد ...اكلتو اكلي انا و هدا الراجل نصيح ...قعدت في مكانها و قالت ...لكن نحن جبنا شيوخ من قبل و قالو م عندو حاجة ...قلت ليها ..دي بالذات م بعرف ليها ..ي الشيوخ م عرفو ي اما .. عاينت لي و قالت ..ي اما شنو ...قلت ليها ...الشيوخ الجابهم منو بالضبط ..قالت لي ...م عارفة ..أمي جابتهم ...هزيت راسي و قلت ...لا الموضوع معقد ...ختت الغدا و قالت لي...طيب م دام مدفون ح يكون مدفون وين .. هنا ولا هناك ..رفعت كتفي و قلت ..علمي علمك ..بعد الغدا طلعو النساوين صلينا العشا و رقدنا ...قلت ليها ...رماز ...قالت لي هممم قلت ليها ...فضل كم يوم لرمضان...قالت اسبوعين ...قلت ليها ... أنا لي يومين هنا حياتي اتجهجهت م عارفة ح اقعد شهر و نص كيف...قالت لي ...لا اطمني ربك كريم ..غمضت عيوني و فجاءة اتنفضت لمن رماز اتخلعت ...قالت لي ...بسم الله الرحمن الرحيم مالك ...قلت ليها ...نحن هبل ي رماز ...قالت لي ..في شنو...قلت ليها ..اكيد العمل فيني كدا عارف اني م ح ارجع القطية و احتمال يكون عملوكدا عشات يدفن العمل ...قمت سرعة من السرير لبست توبي و طلعت ...رماز لحقتني و قالت ...طيب و يدفنو في القطية ل شنو...قلت ليها ...لانو ببساطة غرفتي انا و حامد و احتمال دفن الباقية في غرف بسمة و ربا ...و عشان حامد م ياكل من يدي ...و قبل اصل لقيت الباب اتفتح و بما انو المكان ضلام م كنت شايفة وش الزول بس لقيت نفسي جريت وراهو و هو جرا و رماز وراي ...بدا يلف بينا القطاطي و فجاءة اختفى ...وقفت و شلت نفس قلت لي رماز اختفى م لقيتو...اكيد خشى وحدة من القطيتين ديل بس ياتا ...ديل قطاطي منو ...قلت لي ..وحدة حقت سمية وحدة حقت ربا ...قربت اصرخ وقلت ..دخلت ربا في الموضوع كمان ...رماز قالت لي ..وانتي متأكدة انها ربا لشنو ...قلت ليها ..م متأكدة في الأول كنت شاكة في سمية و سجود و اسي بقت معاها ربا و الموضوع بدا يبقى محير زيادة ..قالت لي ...والله ي سارة كنت م مصدقاك و بعد الشفتو مصدقة ..م مصدقة انو في انسان ممكن يعمل كدا و ليييه اصلا ...عاينت ليها وكأني اتذكرت ي دوب ...على سيرت العمل اكيد اسي دفنو ارح نشوف وين ..رجعنا جري للقطية بتاعتي دخلت ولعت اللمبة لقيت شبطي ملان طين عاينت ل عتبة الباب لقيتها مبلطة ...و الابريق و المكنسة واقعين قدام الباب لانو الشافنا اتخلع و رماهم ...عايزة أمد يدي احفر ..رماز قبضتني و قالت لي اتحصني..قلت ليها ..متحصنة ..قالت لي ..برضو تاني الضمان امان ..اتحصنت و جبت عود قلت ..بسم الله حفرت الحتة و كانت حفرة غريقة ..قلت لي رماز ..معناته الزول دا جاي من بدري ...عاينت ل رماز لقيتها مصدومة ...قلت مع نفسي..حقو تنصدمي لانو في زول مقاصد اخوك. ..طيب انا اقول عن نفسي شنو ...عروس نازلة جري و مصارعة ..اخيرا العود ضرب بشي ..اترددت و عاينت ل رماز و قلت ليها ..عادي امسكو بيدي ..عاينت لي و عاينت ليها قلت ليها ...بررررري ي يمة يدي م تهبشو ...قالت لي ..انادي حامد ...قلت ليها ناديهو ...و هدا الدليل قدامنا ..وقفت جنب الباب و هي مشت خمسة دقايق و جات هي و حامد و قالت ليهو ...شوف ب عينك انا لو م شفت م كان صدقت .....يتتتبع
التاني بعدين بإذن الله ❤️
❤️
3