#حرمة_حامد [14] #بقلمي_نسمة_عبدالله 🌼 خمسة دقايق و جات هي و حامد و قالت ليهو ...شوف ب عينك انا لو م شفت م كان صدقت ....حامد جا قعد و دخل يدو طلعو ...و عاين لينا ...جرت رماز نادت يمة ..و بقينا قاعدين نعاين للشي دا ...يمة قالت ..انا بفتحو ...اتحصنت و قرت في موية و رشتو ...كان جلد مربط ب خيوط فرتكتو براحة ..فتحت الجلد و هنا كانت الصدمة ...صورة لي و صورة ل حامد و ورقة مكتوب فيها كلام و في دم و وعضم اعتقد و بواقي وسخ ولا شنو م فهمت ..بس كلمة أكل دي مكتوبة كبيررررررة في الورقة...يمة قالت ..حسبي الله ونعم الوكيل...قلت ليها ..والله ي يمة انا اصلا كنت شاكة ...و بعد دا اتأكدت ..قالت لي ...و المرا الاسمها بدور م شافت النساوين ديل ...هزيت راسي ب لا ...حامد قال ...معناته نشوف غرفة ربا و بسمة ...يمة وقفت وقالت ولا نستنى ل بكرة...قمنا من قطيتي دخلنا قطية بسمة صحيناها و قلبنا القطية و برضو لقينا في العتبة ...بسمة عاينت لي ب صدمة و قالت ..معقول ...حامد كان مضايق لأبعد درجة ..مشينا غرفة ربا و في نفس المكان لقينا....بس حقهم لمن معفن و ريحتو م بتنطاق...بعد رقو في موية و كشحوهم وقتي حرقوهم ...لمن قلبي اتقبض..رجعنا قعدنا مع يمة في قطيتها و كل زول خاتي يدو في راسو مهموم ...عاين ل ربا و قال ليها ...جيبي لي حاجة من تحت يدك اشوف ...رماز قالت ليها..لا م تجرب ..البعرفو انو العمل بتجدد يمكن جددو ...قال ليها ..لا لا م اعتقد كدي جيبي ...قامت جابت ليهو كباية لبن و باقي شعرية كانت عاملاها للشفع ..اكل و قعدنا في الليل دا حارسين اليحصل ..ربا قالت ..عمري م كنت بتوقع كلام زي دا حتى الشيوخ ال جبناهم أكدو انو ماف اي كلام زي دا ...يمة قالت ...اي والله ..قاطعتهم و قلت ...انتو سالتوهم اذا كان حامد دا معمول ليهو عمل ولا لا صح ...هزو راسهم ..قلت ليهم ..بس م سالتو اذا عاملين ل ربا ولا بسمة عمل ...كلهم عاينو لي و ربا قالت ...فعلا م سألنا ولا مرة ...كيف جهلنا للنقطة دي ...قلت ليها الكلام اسي هو السوى العمل منو ...و هنا كل زول سكت يفكر في الزول دا منو ...عاينت ل حامد و قلت ليهو ...اقول ليك شي بس م تزعل مني ..قال لي ..احكي ...قلت ليهو انا شاكة في سجود و سمية ..يمة قالت لي ... انا كان قلتي سجود بقول ممكن بس سمية مستحيل تعمل كدا ...قلت ليها و لي مستحيل ..قالت لي ..سمية دي طيبة و على نياتها ..حامد قال ..فعلا ..نار الغيرة شبت فيني بس عملت رايحة و قلت ...طيب اشمعنا بتقدر تاكل من أكلها هي بس...قال لي ..ببساطة السوى العمل عايزني أطلقها...رماز قالت و ماف غير زول واحد عايز الحاجة دي ...قلت ليهم ...سجود...هزو راسهم كلهم ...حامد قال ..ماش اجيب سمية ..لازم تعرف الحاصل دا ...كنت ح اقول ليهو بس هي لسه مشكوك فيها ...بس م قدرت اخاف ثقتو فيني تتهزا فضلت السكات ...مشى جابها اول م دخلت و لقتنا ملمومين زي دا الكلام اتأكد ليها تقريبا بدون كذب دي اول مرة اسمع فيها صوت سمية ب وضوح دايما صوتها واطي...قالت ...حسبي الله ونعم الوكيل في الكان السبب...قعدت جنبي و دي اول مرة برضو...قلت ليها ..انا لو م المرا الاسمها بدور دي شافت حامد و حكت لي امي م كان عرفت ...قالت لي ...طيب م كان توصف لينا مكان الدجال دا يقبضو و يعرفو العمل كدا منو...ربا قالت ..صح كلامك ..يمة قالت ...لا لا لا يقوم يعمل لينا شي لا لا ...حامد قال ...طيب للضمان نفتش القطية حقتك ...قلت ليها ..اي قومي ارح ...مشينا حفرنا مكان العتبة م لقينا شي ...قلت ليهم ...طيب لو م اندفن هنا يمكن في حتة تانية في القطية ...حامد قال ..اسي العيال نايمين بكرا اطلع العفش و اقلب الأرض كلها ...عاينت ل سمية و شايفة عيونها رقرقو طبطبت عليها و قلت ليها..ربنا كريم ..قالت لي ... اسي كلكم بتكونو شاكين فيني صح ...قلت ليها ..ابدا ...قاطعتني و قالت ..انا عارفة بس والله انا م عملت كدا والله العظيم ...قلت ليها ..طالما واثقة من نفسك م تبرري ..رجعنا تاني قعدنا في غرفة يمة حامد وقف و قال ...انا ماش اتكلم مع ابوي ..اول م عتب الباب اذان الفجر الأول اذن ...عاينا ل بعض و قلنا صدق الحق و زهق الباطل ...فضلنا ساكتين نفكر ..فجاءة قلت ليها...انتي ي سمية ..قالت لي ...نعم ..قلت ليها ...م بتشكي في سجود ...قالت لي ...ابدا والله سجود مستحيل تعمل كدا ...انا بعرفها زول تخاف ربنا شديد ...يمة قالت ...قوموا كدي صلو الصبح و الصباح رباح ...قمنا اي زول مشى في اتجاه...للحظة حسيت انو سمية دي م ليها علاقة نهائيا ب الموضوع دا ...بعد صليت وانا قاعدة في السجادة مسكت ضهري لانو لسه حاسة بوجع وقفت ارفع السجادة حسيت بطني مسكتني وجع كدا م طبيعي..قعدت في الأرض وانا ماسكة بطني و قلت ...يا ربي دا شنو ...رقدت على جنبتي شوية و حسيت الوجع خفى قمت رفعت السجادة طلعت لقيت الواطة صبحت شوية ...دخلت المطبخ لقيت ربا معاها سمية بعملو الشاي ...قلت ليهم ...صباح الخير ..ردو لي و سكتو ...قلت ليها ..معليش ي سمية لوفي حرجل هنا ممكن تديني افورو...ربا قالت لي مالك ..قلت ليها والله م بعرف جاتني لواية حارة في بطني قلت يمكن من الوقعة اشرب حرجل يخففو لي ...الاتنين في وقت واحد قالو لي ...لا يمكن حامل ... ضحكت و قلت ليهم ...طيب يمكن من الضربة ..سمية قالت لي ..دي ايام الشهرية حقتك قلت ليها ...لا ..سكت شوية و قلت ليها ..عدا اسبوعين على وقتها ...ابتسمت و قالت ..في مركز صحي موعيد نمشي نفحص و نطمن و لو من الوقعة برضو نطمن ...ضحكت وقلت ليهم.. مع انو م اعتقد بس م مشكلة ..طلعت وانا ماشة على قطية رماز و قلت معقول اكون حامل ...يتببببع