🤍🌀 رواياتي حلقات 🌀🤍
February 6, 2025 at 07:07 PM
#حرمة_حامد
[15]
#بقلمي_نسمة_عبدالله 🌼
بعد الشاي قررنا نحن الحريم على قول حامد نطلع نشوف البلد ....و بهناك نغشى المركز الصحي و نكشف ..رماز قالت لي ...البسي احسسسسن توب عندك ...طلعت واحد من تياب الشيلة م لبستو نهائي بالبنفسجي كدا قررت اقشر ...وهاك ي الدهب و الشبط ...طلعت و هن زاتهم جاهزات ...العيال زاتو م شلناهم غير التوم عشان لسه صغار ...طلعنا و بما انو سمية اكتر زول يعرف البلد هي بتعرفنا عليها لفينا الحلة و مشينا مكان الزراعة حقت ناس حامد ..مشينا الترعة .. الجناين ..قعدنا هناك فطرنا و شربنا حبنة و صلينا الضهر و طلعنا على المركز الصحي ...عملت فحص دم و طلع ماف اي حمل ...ضحكت و قلت ليهم ...م قلت ليكم انتو اتحمستو ساي ...بعدها مشينا بيت اهل سمية و م شاء الله أهلها ناس ظريفين شديد ...اتغدينا عندهم صلينا العصر و رجعنا...دي كانت أول مرة اطلع مع ضراتي ...و كان يوم رهيب ... رجعنا البيت و أثناء م بنتونس جبنا سيرة الحصل امبارح ...و لمن رجعنا لقينا حامد قلب القطية حقت سمية و م لقى شي ...بسمة قالت ..انا اعتقد انو سجود عملت العمل ل سبب واحد. ..قلت ليها شنو هو ...قالت لي..عملت كدا عشان انتي تطلقي ي سمية ...شهقت سمية و قالت ...كيف يعني...قالت ليها ..عملت العمل لينا كلنا عداك انتي عشان شنو ..عشان اول زول ح يشكو فيهو انتي و دا الشي العاوزاهو هي ... و حسب م اتوقع انها مخططة انو لمن يعرفو عن العمل ..ح يطلقك حامد مباشرة لانو ببساطة ماف في قطيتك معناته انت عامله...سمية ختت يدها في خشمها و قالت ...كلامك منطقي ..بسمة قالت لي ... حتى انا سجود م ارتحت ليها ...لمن جينا المرة الفاتت لحد م رجعنا كل م اشوفها تديني نظرة كدا أعوذ بالله ...ربا قالت ..حسبي الله في الكان السبب ..قلت ليهم ..اقطعوا السيرة دي ي جماعة رافعة ضغطي ..ربا قالت لي ...عايزة تعرفي لي شنو كنا متحمسين تكوني حامل ....قلت ليهم لشنو ...ابتسمت و قالت ..لانو بنتمنى انك تجيبي بت ...حامد منية حياتو يجيب بنية و بسم الله م شاء الله ابو الاولاد هو ...ضحكت و قلت ليها ...طيب كان يصبر احتمال ربنا يديهو ...ضحكت سمية و قالت ...لا حامد بحب التعدد اساسا و بعد اتزوجنا كان صريح معاي في الحتة ...بسمة ضحكت و قالت ...اعتقد دا عيبو الوحيد ..قلت ليها ..اي فعلا ...ربا قالت لمن مشينا نشوف جنس الجنين...عرفنا انو ولد ..قلت ليها..م بدري على جنس الجنين البعرفو انو بشوفو في الرابع تقريبا ...ضحكت وقالت ..م هو انا في الرابع حاليا ...قلت ليها سبحان الله..م شاء الله م باين ...ابتسمت و قالت ...كل مرة بكون مبسوط ولا حصل شفتو زعل لمن بيعرف انو الجاي ولد ..ابتيمت و قلت ..و دا البميزو ل حامد ..قلبو طيب شديد ..كلهن قالو ..فعلا ..ضحكنا كلنا ...اخدت صنة و انا بفكر في كلام بسمة ..هل معقول تكون سجود ...بعد المغرب كالعادة جونا ضيوف و كانت سجود وحدة منهم ...جيت قلت ليها ...سجود أمجد واقف جنب اوضة عمي ( ابو حامد) و قال ليك تعالي...وقفت مشت و بدون م زول يحس مشيت وراها ..وقفتها و م كان في زول شايفنا ربعت يدي و قلت ليها ..أمجد لا ناداك لا شي ..انا عايزة اتكلم معاك ..صرت وشها و قالت لي ...خير ...قلت ليها لا خير لا شي ...انتي كيف تنسي العشرة البينك و بين حامد و تمشي تشركي ب ربنا و تعمل ليهو عمل ...شهقت بخلعة و قالت ..أعوذ بالله حد الله بيني و بين الحرام ...مالي يختي مجنونة ...عشان خاطر زول اضيع آخرتي...و انت عندك دليل يثبت كدا جاية بتسالي فيني و واثقة من كلامك ..انا صح مقهورة للان بس ابدا م اصل لمرحلة قذرة زي دي ...قلت ليها بكذب ...طيب وحدة جارتنا في حلتنا قالت شافتك بعينها دي عند الشيخ انتي و امك و عملتو العمل لي حامد ...شهقت و قالت ...دي منو دي جيبيها قدامي هنا تخت عينها في عيني و تحلف انها شافتني ...انا لي شنو اعمل عمل لي حامد من الأساس و بعدين عندي معاهو شنو ...قلت ليها ...عشان يطلق سمية زي م عرسها و طلقك يطلقها هي كمان و كدا يرتاح قلبك ..مش كنتو انتي وهي اعز صحبات...شالت نفس و حسيتها انقهرت و قالت و العبرة خانقاها ...صح كنا أصحاب وهي غدرت بي ...بس انا بحترمها ...و حامد م طلقني بسببها انا طلبت الطلاق بنفسي ...انا بقناعة نفسي طلبتو ...لانو م قدرت اتقبل الحاجة دي ...و للمرة التانية القال ليك الكلام دا كذب عليك ...قلت ليها ... تعرفي وحدة اسمها بدور في الحلة دي هزت راسها و قالت لي ...كتاااار ...قلت ليها عندك تلفون كبير...هزت راسها قلت ليها ...طيب وين مكان الشبكه الكويسة...عايزة ارسل ليك صورة ليها و توريني اييي حاجة عنها ...قالت لي ..م عندك مشكلة و أهم شي تثبت ليك اني م لي علاقة ب الكلام دا ...هزيت راسي و كنت عايزة امشي ..مسكت يدي و قالت لي بتوتر ..طيب العمل حق شنو ...ممكن توريني...رجعت و قلت ليها ..اي اكل تطبخو وحدة غير سمية يمرضو و يتعبو ...شهقت و قالت ...طيب و الحصل شنو ...الحصل ي ستهم امبارح لقينا واحد دفنو جديييد في قطيتي و نفس الشي عند ربا و بسمة...سرحت شوية و قالت لي ......
يتبع
في وحدة اسمها وتين كشفت سر انو حامد عايز بنية 🤣 ودا كنت خاتة قدام 🤣🤣اسي كدي ف تفكيركم كدا العمل العمل منووو انا بقول دي سمية ولا سجود ولا ربا 🤣🤣و معليش البارت اتأخر بسبب وتين 🤣🤣 كان لازم تغيير في الاحداث💁♀️و بس كدا
يتبع
❤️
3