*#حرمة~حامد~《22》و «23» الاخيره* *#بقلم~نسمة~عبد الله~🌼* *★★★ـہہہـ٨ـــ٨ـہہـ٨ـــہہہـ٨ـــ٨ــــ٨ـ♡★★★*‏​​‏​​‏​​‏​​‏​​‏​​‏​​‏​​‏​​‏​​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​ قبل تبدأ تقرأ دي م الحلقة الاخير لمن جيت لقيت الجزئية طويلة شديد ف قررت انزلهم على جزئين الاخيرة بكرة ان شاءالله 😂😂 ف شنو قراءة ممتعة...و م تزعلو 😂😂❤️ حامد كان عايز يطلع وراي امو قالت ليهو ...كفاية كدا والله ...عاين ليها وقال ....نعم ...قالت ليهو ...لو خاتي لي قيمة عندك خليها تمشي ...قال ليها ...كيف اخليها تمشي ...قالت ليهو ..كدا خليها تمشي ..عملتك شينة ي ولدي ...و مشت خلتو ...عاينت ل بسمة قبل تمشي و قالت ...و انتي لو عندك باقي كرامة امشي ...لو عايزة تشوفي أولادك متى م عايزة تعالي ..و م ح نحكي ليهم اي شي من الحصل دا نهائي...و دخلت جوا...كلهم شتتو و م فضل غير حامد واقف مكانو ...رجعت الولاية ...و قبل امشي ناس امي جيت بيت رشيدة...دقيت الباب و فتحتو لي و كأنها متوقعة جيتي ...قلت ليها ب ابتسامة صفرا ...اوووه رشيدة مشتاقين والله...ابتسمت برضو ابتسامة صفرا و قالت ...اممم م باين ...لزيت الباب و دخلت وانا ساحبة شنتطي وراي و قلت تلاتة شهور م شفتك م اشتقتي لي ...قالت لي ...والله ارتحت و حلقي ارتاح من كلمة اخر الشهر جا متين ح تدفعوا ...قلت ليها ..شكلك ح تتعبي تاني لانو انا رجعت...و ب رجعتي دي عايزة البيت ...قالت لي استني ...قلت مع نفسي ...معقولة ح تديني ليهو ب السهولة دي ...ولا حامد اتكلم معاها ي ربي يكون دفع ليها لويت خشمي و انا شايفاها جاية معاها أوراق شكلها عايزة تعمل عقد إيجار...ربعت يدي .. قعدت قلت ليها ...دا عقد إيجار ولا شنو...قالت لي ...اي قايلاني ح ااجر ليكم ساي المرة دي ...عاينت ليها و قلت ...جيبي اقراهو ...قالت لي ...م ضروري ...في العقد محدد مدة قعادكم في بيتي ...عملتو لمدة سنة ...ح تدفعوا مقدم خمسة شهور و الباقي كل نهاية شهر ..بعد السنة حابين تجددو الاجار اهلا و سهلا م عايزين ب راحتكم و اذا طلعتوا بعد الخمسة شهور ح تدفعوا حق شهر ل فوق ...صريت وشي و قلت ليها ...و لشنو ان شاءالله...قالت لي دي شروطي...نظام ح تطلعو اساسا ...المهم موافقة اهلا و سهلا م موافقة اعتقد م عندك مكان تاني ...لويت ليها خشمي وقلت ...شنو التفتيح دا حسيتك نجضتي في التلاتة شهور دي ...ابتسمت و قالت لي ...كلو ب فضلك ...قلت ليها ...كيف...قالت لي اسألتك كترت ..قلبت عيوني و قلت ليها ...جيبي البتاع دا نوقع ...شلت القلم وقعت ...قلت ليها ..مالة الأوراق دي كتيرة كدا ...قسمت الورق نص ب النص و ادتني جزء و قالت لي مبروك عليك البيت ...قلت ليها بضحكة ...الله يبارك فيك محسساني انو بايعة لي و لعلمك انا م معاي حق خمسة شهور...قالت لي ...اصلا م يحتاج ...قلت ليها كيف يعني ...وقفت و قالت ...حامد سجل البيت ب اسمك ...رمشت بعيوني كم مرة و انا بعاين ليها و قلت ...كيف كيف ...رفعت كتفها و قالت ...كدا قبل كم يوم جاني حامد و المحامي اشترو البيت عملو الاوراق اللازمة و سجلو ب اسمك ...في كم ورقة كانو عايزين توقيعك و المعاك حاليا ورق البيت ..رفعت الورقة شرطها ...قالت لي ..م مهم معاي نسخ تانية و الأوراق الوقعتيها معاي ف ما يحتاج ...مشيت عليها سرعة أشرت لي بيدها و قالت ...قبلك حبيبتي ...اطلعي برا بيتي و م عايزة اشوف خلقتك دي تاني في وشي ...و اي حركة منك ح اعتبرها تهجم و اشكي عليك ...جريت شنتطي بغضب و انا بمشي على محطة المواصلات...يعني هو م عايز يطلع من حياتي ...لا و مسجل البيت ب اسمي ...اصلا متين طلع من البلد و جا ....طول الطريق افكر مرة اسرح مرة اتشاكل مع نفسي و ضميري يأنبني على غبائي ...وصلت البيت دقيت الباب فتحت لي سمر ...سلمت عليها بشوق ...دخلت جوا الساعة اتنين و حاجة ..لقيت ابوي نايم قلت م اصحي ...أمي كانت جوا المطبخ مشيت وقفت في باب المطبخ كانت مدياني ضهرها...أمي صحتها اتصلحت اتلفتت على الباب لمن اتخلعت و قالت ...سااارة ...حتى وشها باين مرتاحة ...قلت ليها اي سارة ...سلمت علي و جابت موية قالت لي ...حصل شنو ...حكيت ليها ب اختصارالحصل ...قالت ...يعني هو اسي مستغلك و عشان نحن قاعدين في بيتو داير يعمل عليك حركات و يذلك ...مسكت راسي و قلت ليها ..ااي ...وقفت و قالت ...كنت قايلاك م جادة لمن حكيتي لي و اتوقعت عشان انتي اصلا كنتي خاتة فكرة الطلاق قلتي لينا كدا بس تصل ل مرحلة يذلنا ب بيتو والله ثانية م نفضل في البيت دا ..وقفت و مشت صحت ابوي هو زاتو اتخلع و حكت ليهو الحاصل ب زعلة كدا ...حتى ابوي زعل و قمنا نلملم عفشنا ...سحر قالت ليها ...أمي ح نمشي وين ...أمي قالت بيها ...والله نرجع بيت رشيدة و م نقعد هنا ...قلت ليها ...حامد سحل البيت حق رشيدة ب اسمي...كلهم وقفو يعاينو لي ...أمي اول من اتكلم و قالت ...احمد عليك الله شوف لينا في الحلة هنا لو في بيت اجار ..ابوي عاين لي و قال ...عايز افهم الراجل دا نهايته شنو ....ختيت راسي بين كفوفي و قلت ليهو ...حتى انا و م قادرة افهم ...طلع خلانا امي قالت لي ...طيب وانتي عملتي شنو اكيد م قبلتي صح ...حكيت ليها الحوار بيني و بين رشيدة و قلت ليها .. شكلو كان عارف اني م ح افضل هناك و قايل اني ح اقبل اعيش في البيت الهو اشتراو لي بس مستحيل ...قالت لي .. خير م عملتي ...بكرا يجي يقول ليك بيت انا اشتريتو ليك ...هزيت راسي و انا حاسة ب هم فوق راسي ...قالت لي ...م تشيلي هم خليها على ربنا ...و بعدين انتي حامل ركزي على طفلك و بس .. قلت ليها والله ي امي انا شايلة هم اطلق كيف ...قالت لي ...خليها على الله ...قلت ليها...و نعم بالله ...قامت تلملم تاني قمت ألم معاهم قالت لي ...لا لا ارتاحي انتي جاية من سفر طويل و يمكن تكوني م اكلتي ...قلت ليها ..م لي نفس اساسا ...قالت لي ...اتحملي عشان طفلك ...اكلت شوية و اتكيت في السرير افكر شالتني نومة ...صحيت على صوت امي بتصحيني للمغرب ...فضل ل رمضان زي أربعة يوم ...أمي و ابوي كانو بتكلمو عن رمضان قلت مع نفسي ي ربي ابوي م لقى بيت ...صليت و غيرت ل بجامة بيت ...جيت قلت ليهو. .ابوي م لقيت البيت ...قال لي ..لقيت جارنا م بعيد زي خمسة بيوت في الخط دا عندو نص بيتو مبني جديد محتاج عرش و الحمامات م مكتملة ...و قال لي لغايت الرمضان ح يعرشو و يتمو ...قلت ليهو ...خير ...قمت دخلت المطبخ م شاء الله جايبين تلاجة جديدة ...و في غاز و فرن ...ابتسمت و قلت ..شكلي كنت العارض في البيت دا...حمدلله غيتو ...دخلت امي وراي و فصلت السخان من الكهربا ...قلت ليها ...متين اشتريتي حاجات الكهربا ...قالت لي ...التلاجة بعت القديمة و جبت دي و سددت الباقي اقساط ..اما الفرن ف هدتني ليهو بدور ...كشرت وشي و قلت ليها ...انتي كيف تقبلي هدية من مرا زي دي ...قالت لي ..دا قبل اعرف انها دجالة و حلفت الا ارجعو ليها بس هي من يوم مشت م جات حتى عفشها يوم جينا من المدرسة لقينا دفار اتحرك من قدام البيت قالو رحلت ...قلت ليها ...م تطبخي فيهو ...شيلي بيعي وزعي قروشو للمساكين..تكون قروش حرا م ساي قالت لي ...إن شاءالله...سوت النشا قلت ليها ...عايزة تعملي اسكريم...قالت لي ..اي ...بكرا الخميس آخر يوم للمدارس و عطلة ل رمضان و ح ينزلو بعد العيد ...قلت مع نفسي معناته الشغل ح يقيف و ح تضيق علينا ...ابتسمت امي و طبطبت علي و قالت ...ربنا بيهونها ...عدا علينا شهر رمضان قاسي شديد ..القروش الابوي و امي لموها ل رمضان دفعوها حق إيجار البيت و ي دوب نلم حق الإفطار و بما اني م صايمة كنت باكل وجبة في اليوم و امي تحاول اقنعني عشان الجنين م يتأثر عملت مقابلة الشهر التاني و اتكتبت لي فيتامينات و مثبتات و حاجات كانت غالية اشتريت جزء و الباقي خليتو....و لغايت المدارس تفتح ابوي فتح محل خضار و ياهو الحال ماشي ...و الحمدلله طول شهر رمضان م شفت حامد نهائيا ...العيد جا و ياهو عيدنا ب سلامة وقتها دخلت التالت ...صباح العيد ...الباب دقا و لمن سحر فتحت رجعت و قالت ...ابوي في صندوق كبير خشم الباب...ياهو ابوي طلع و جا داخل مع كرتونة كبيرة كدا ...كان فيها ملابس للبيت كلو و مواد تومينية و قروش ...قلت مع نفسي اكيد دا حامد ...قلت ليها ...أمي تتوقعي دا حامد جايب الحاجات دي...بعد م كانو بشوفو الحاجات كلهم وقفو و سحبو يدهم ...ماف زول قال كلمة و فضلنا نعاين للصندق...أمي قالت ...رجعو الحاجات جوا الصندوق ...بدينا نرجعهم وقعت ورقة من الملابس ...رفعتها مكتوب فيها " فاعلة خير " ضحكت و قلت ليها ...أمي عايني ...قالت لي ف شنو ...قلت ليها مكتوب فيها فاعلة خير .. قالت لي و يعني شنو ...قلت ليها معناته م من حامد ...شفت الابتسامة في وشها ...بس ابوي شال نفسو و طلع برا ...عاينت لأمي ب زعل و انا شايفة الكسرة ف عيونها ....ماف زول فرحان غير سمر و سحر و الموضوع بيوجع ...دي اكيد زولة طلعت زكاة الفطر و جابتها لينا .....دخلت جوا و رقدت في سريري و الدنيا مسخت لي ...حاسة نفسي سبب البلاوي دي كلها ...من قبل كنا مرتاحين و رزق اليوم ب اليوم و ماف زول اتصدق علينا و شوف حالنا اخر تلاتة سنين كنت شغالة و بصرف على البيت بس اسي و لانو انا حامل م بقدر و الدكتورة مكلماني انو صحتي م كويسة و وزني ضعيف ...و امي حلفت يمين م اشتغل ...بكيت و انا الفيني كملت ...بس لو م عرفت حامد اسي حالي كان احسن....بكيت لمن نمت صحيت على أصوات شكل طلعت برا و انا بسأل...في شنو ...و قفت مصدومة وانا شايفة يمة و حامد و رماز ...... هل ح يقع الطلاق؟؟؟؟؟🤔 ‏*•••••••••••••••••••••••••••••••••••••••••••••••••••••••••••* *★★يتبــــــــــــــــــــــــــــــــــــــــــــع★★* *#حرمة~حامد~《23》* *#♡الاخــــــــــــــــــــــــــــــــــــــــيرة♡* *#بقلم~نسمة~عبد الله~🌼* *★★★ـہہہـ٨ـــ٨ـہہـ٨ـــہہہـ٨ـــ٨ــــ٨ـ♡★★★*‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏ ‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏ سمعت صوت شكل طلعت برا لقيت يمة و رماز و حامد...قلت ب ابتسامة صفرا...ي هلا و ي مرحب دي شنو الزيارة المفاجئه دي ...اتفضلو ياخ م تخجلو...قعدو كلهم قعدت و قلت ...خير سبب الزيارة شنو ...حامد قال ...جينا عشان ...يمة قاطعتو و قالت ...اسكت انت ...كيفك ي بتي ..قلت ليها ..نحمدو والله ...قالت لي ..ضعفتي شديد ...قالت ليها الفضل ل ولدك ...سكتت رماز قالت ...جينا نعتذر ليك ...قلت ليها ...اعتذارك مقبول و تاني ...حامد قال لي ...انتي بتخارجينا ...قلت ليهو وانت شايف شنو ...قال لي ...اي حاجة فيها راحتك بعملا ...ضحكت وانا بقول ...لا كتر خيرك والله ...سكت و قلت ...احم اتفضل طلقني عشان ارتاح ...يمة قالت لي ...الحمل ماش معاك كيف ...قلت ليها ...حمدلله غيتو...قالت لي ...والله ي بتي نحن جاين و كلنا املط تقبلي اعتذار حامد و ترجعي معانا ...ابوي قال ليها ...راجل خبيث م بينفع ل بتي ...حامد قال ليهو ...والله ي حاج انجبرت...انا لمن طلبتها منك رفضتني وانا سارة دارتها نفسي...قال ليهو ...و استخدمت طريقة وسخة عشان تصل ليها....حامد قال ليهو ...ي عمي حتى سارة جزء من الكلام دا و هي اصلا اتزوجتني عشان احل ليكم مشكلة البيت و من اول يوم لينا مع بعض و هي بتفكر تطلق كيف ...ابوي قال ليهو ...مشكلة البيت؟؟ البقيت تذلنا بيهو ...قال ليهو ...كلمة طلعت مني غصب ي عمي هي بتك مستفزة و كان على البيت البيتين سجلتهم ب اسمها...بيت رشيدة و بيتي..بس هي كيف ترضى ...ابوي قال ليهو ...م عايزين منك حاجة عشان بكرة تقول ليها...البيت دا مشترية ب قروشك ...حامد قال ليهو ...والله لو قلت كدا برجعها براي ...ابوي قال ليهو ... لا لا ..لا اسي لا بعدين...و اتهمتها انو عاملة ل مرتك عمل و سمعتها كلام فارغ انت و والدتك ...حامد قال ليهو ...طيب ي عمي انت لو قالو ليك دا بيت مخد.رات و لقيت زول تعرفو طالع منو ح تقول عليهو شنو ...قال ليهو ..بلتمس ليهو العذر بشوف معرفتي ب الزول دا كيف و اذا هو من النوعية دي ولا لا ...قال ليهو انا م اتهمتها قلت ليها كلكم مشكوك فيكم لمن نعرف العمل كدا منو ...يمة قالت ...ي حاج أحمد قول خير و الطلاق م حبابو ...ابوي ودى وشو بعيد و قال ...لا لا بتي م مقطوعة من شجرة عشان تذلوها وقت عايزين و تجو بعدين تقولو معليش ...يمة قالت لي... ي بتي فكري في مستقبل ولدكم الجاي م تخلي يربى بيناتكم مجهجه...قامو كلهم و حامد قال ...سارة انا والله ندمان و بعتذر ...و عايز اقول ليك طلاق مافي نهائيا و اذا فكرتي و قررتي ترجعي رقمي عندك متى من اخدتي قرارك دا على راحتك ...و نحن كل يوم ح نجيكم لمن ترضو ...طلعو كلهم و انا قعدت سرحانة ...ابوي طبطب علي و قال ...م تشغلي بالك بيهم ...فترة بس نصلح اوضاعنا و نطلقك منو ب المحكمة ...قلت ليهو ...اقعد ي ابوي ...قعد قلت ليهو ..أنا م ح اطلق ...اتهجم و قال لي ...و السبب ...قلت ليهو ..ابوي انا مسؤليتي كبيرة عليك و عندك اجار بهنا و سحر و سمر بهنا و مصاريف البيت ...و انا اسي حامل بكرة الد و اشيلك مسؤولية ولدي كمان ف شنو ح ارجع ...قاطعني و قال ...انا شكيت ليك من حاجة ولا قلت ليك اني م قادر اتحمل المسؤولية...قلت ليهو ...عارفة انك م اتكلمت بس انا حاسة بيكم ...ابوي فترة التلات شهور الغبتهم ديل جيت لقيت امي وحدة تانية ...صحتها اتصلحت حتى وشها بقى مضوي ...و حتى انت ي ابوي و الحمدلله ...و شوف من انا جيت حصل شنو...قال لي ...سارة ...قلت ليهو ...طيب ي ابوي ...انا ح ارجع و عامله خطة كويسة ...ح ارجع عشان اهتم ب ولدي و ولادتي ...و عايزة اكمل تعليمي لانو ماف وظيفة كويسة لي و كمان م متعلمة لي هواية كدا تسندني...حامد دا ح ارجع ليهو قروشو كلها بعد اتخرج و اشتغل وظيفة كويسة ...ابوي قال لي ...لا لا لو عايزة تقري انا بقريك ..م تخافي لكن م تضغطي على نفسك و تعيشي مغصوبة مع راجل زي دي ...عيوني دمعو لانو ابوي حنين شديد و دايما بفكر ب مصلحتنا ب الاول ...ابتسمت ليهو و هو ابتسم و قال لي ...و انتي م دام عايزة تكملي قرايتك ليه م كلمتيني...قلت ليهو ...م هو ...قاطعني و قال ...خلاص خلاص شوفي متين الجامعة تفتح و التسجيل يبدأ و شوفي الرغبة العايزة تدخليها ...قلت ليهو ...بس ي ابوي ...قال لي ...م تشيلي هم المصاريف ربنا كريم ...ابتسمت و انا بحضنو بفرحة.... بعد ثلاثة أشهر.. عتبت باب الجامعة ب ابتسامة ح ادرس قانون ...اصلا حسيت نفسي مناسبة فيهو.... و اتخصص في قضايا زي حقتي الأنا فيها دي ...حامد م راضي يطلق و المحكمة م شايفة سبب مقنع يخليني اطلق و خصوصا انو في طفل جاي في الطريق وانا م مقتدرة ماديا اوفر ليهو وسائل الراحة و زيادة على دا ربا و سمية و يمة و رماز شهدو على انو حامد شاريني يعني ...فكل مرة القضية تتأجل ولا تتعلق و كل مرة يقولو لي فكري ...و لسه م أطلقت ...حاليا انا فاضل لي اسبوعين و ادخل السابع ...حامل ب ولد و بت ....مصاريف الجامعة الرسوم دفعتها من ديوان الزكاة و المصاريف ابوي متكفل فيها ...و بختها لي قبل اسأل ...يقول لي ...دي للجامعة عشان لو يوم احتجتي وانا م معاي ...وضعنا الحمدلله احسن من الشهور الفاتت ..أما عن حامد في نهاية كل أسبوع بجينا مرة مع ربا مرة مع سمية مرة هو و العيال مرة هو و يمة ...حتى اخوهو لمن نزل السودان جابو بيتنا ...م عارفة هو متمسك بي قدر دا لشنو بس البعرفو انا م عايزه .... أما عن بسمة و سجود شالو منهم الاولاد وعايشين حياتهم ...بدور م بعرف عنها شي و اذا تابت او لا ...بداية جديدة..حياة جديدة ...مرات بجيني احساس بقول انتي م ح تطلقي نهائيا م بعرف هل أصدق ولا اكذب الاحساس دا ...تمت و الحمدلله ❤️💁‍♀️😂 كل زول يديني رأيو و النقاط العجبتكم و الما عجبتكم برضو ..و نتلاقى في روايات وخربشات قادمة❤️🫂 *ألـنـهـــــــأيــــــــــــTHE END🔚🔚ـــــــــــــــﻬـﮧ'ةTHE END* *كـــــــــــــــــــــــــــــل الـــــــــــــــــــــــــــــود🌹🌹*