🤍🌀 رواياتي حلقات 🌀🤍
February 6, 2025 at 07:15 PM
#حرمة_حامد_الجزء الثاني 2
#بقلمي_نسمة_عبدالله 🌼
قلت ل حامد ...و القال ليك انا ح امشي معاك منو ...قال لي ...و هو السألك منو ...ضحكت و قلت ليهو ...م تعمل دور المهتم و تاخد حجة تعبي عشان ترجعني البيت ...لا مستحيل ...قال لي ...طيب تقبلي ب الترحيل ...قلت ليهو انا م عايزة منك اي شي ...قال لي ...و هو القال عشانك منو ..كلو عشان عيالي و بعد تلدي لو عايزة تمشي من بيتكم كداري م عندي مشكلة...قلت ليهو ...انت قول كدا من البداية..كلو عشانك عيالك م عشاني ...قال لي ...مش انتي م عايزاني طيب بتفضلي متوقعة مني حاجات ل شنو. .قلت ليهو م متوقعة منك حاجة...بس بكشف ليك حقيقتك و انك اناني ...مسح وشو و قال...طيب اجيبها ليك من الاخر...انا الفترة الفاتت دي كلها بحاول اجيبك البيت ب الحسنى و انتي رفضتي و انا اقدر استخدم الحاجة دي ضدك في المحكمة و اصلا في الشرع قال رضا الزوج اول حاجة لازم تهتمي بيها و زيدي على كدا انو انا لسه م طلقتك و م ضريتك لا جسديا لا نفسيا ...و المحكمة ذكرت الحاجة دي عليك اكتر من مرة.... و اعتقد في الجلسة الاخيرة القاضي قال نقعد كم شهر مع بعض عديهم لي كدا ...ستة شهور ...و عدا شهر و نص منهم و انتي م رجعتي ..ف يا ب الحسنة ي ب السيئة ...قلت ليهو ...و لو رفضت ح يحصل شنو ...قال لي ببساطة المحكمة ح تثبت اني صح و انك غلطانة و الطلاق م يقع و تقعدي مجبورة و احتمال لمن تلدي يدوني العيال و تطلعي لا دا لا دا ...عاينت ليهو بصرة و قلت ...كنت عارفاك محتال ...ابتسم و قال...انتي م بتجي الا ب الاحتيال ...يلا من هنا و ل بيتنا مباشر ...قلت ليهو ...راجعة ألم عفشي ...قال لي ...م مشكلة نمشي سوا و لغايت دا رماز تنضف البيت....اتنهدت ب ضيق و انا بستند عليهو و بقوم ... قال لي ...م تخافي لمن تقرب الولادة ح ارجعك بيت امك تاني ..قلت ليها ..لا كتر خيرك ...قال لي ..انننن ...حاولي تقللي نكد لانو انا م بحب الحرمة النكدية ...قلت ليهو ...حامد الله يرضى عليك خليني في خالي ...عشان م انكد عليك عيشتك.....رجعنا البيت كلنا سوا و قامت مشكلة تانية مع ابوي ...كنت عارفة نهاية الشكلة ح امشي مع حامد يعني ح امشي ...و دا الحصل ...ستفت عفشي و طلعت من بيت امي مغصوبة ...رجعت اول حاجة دخلنا على بيت يمة سلمت علي بفرحة ...كانو اولاد بسمة معاها ...لمن حنيت عليهم ...قعدت معاها شوية ..و قمت رجعت بيتي..مقشوش مرشوش مفروش ولا كأنو طلعت منو ..حامد قال لي ...نورتي بيتك ...قلت ليها ..اممم ...دخلت المطبخ لانو جعانة شديد و الوقت كان قبل العصر ...لقيت رماز طابخة ...م شاء الله البت دي عسل أقسم بالله ...جا حامد وراي و قال ...رماز و يمة من بكرة ح يجو يقيلو معاك بجاي لحد م انا ارجع المسا ...قلت ليهو....و انت ح تخلي نسوانك و تقعد معاي كل يوم ..قال لي يوم اكون انا م موجود ح يبيتو ناس رماز معاك ...سكت منو لانو باين انو مجهز ردود لأي سؤال ...طلعت رقدت في الراكوبة الباب دقا ...و سامعة صوت حامد و السلام .. استعدلت في السرير جات سمية داخلة ب ابتسامة واسعة وقالت ...الف حمدلله على السلامه...ابتسمت ليها و قلت سمية ...عايزة اقوم قالت لي ..لا خليك مرتاحة سلمت علي وانا قاعدة قالت ...اول م سمعت انك جيتي جيت طيارة...ضحكت و قلت ليها ..أخبارك و صحتك ...قالت لي انا كويسة بس انتي تعبانة كدا ل شنو ...حكيت ليها الحصل و قالت ...ي بت انتي حامل بتؤام و الإهمال م كويس ...قلت ليها الليلة سمعت كلمة مهملة اكتر من اسمي زاتو ...قالت لي ولا يهمك انا بوريك روتين الحوامل الأنا بمشي بيهو و ان شاءالله امورك بتظبط...قلت ليها ..تسلمي لي ...جات ربا داخلة و قالت ..شوف المنور حينا منو ...ضحكت و قلت ليها ...منور ب اصحابو ...سلمت على و ختت ولدها في يدي و قالت ...سلمي على جسور الما جيتي سمايتو ..قلت ليها ..اعذريني و شوفي حالي ...قالت لي عارفاك لو كنتي موجودة م كان قصرتي...ابتسمت و قلت ليها ...اسمو منو قلتي لي ...قالت لي جسور...رفعتو وانا بقول ...ي روحي ي جيسو ...قالت لي ...حامد م يسمعك ...جيسو دي شنو ...ضحكت و قلت ليها ..م ندلعو يعني ...قالت لي ...لا لا لا لا جسور جسور ...قضينا وقت حلو و سمية عملت لينا جبنة و اتغدوا معاي كمان بعد الغدا طلعو ب جاي جاتني رماز و يمة و عيال بسمة ب جاي جايبة معاها مديدة و لبن و غصب شربوني ..حامد جا و كان بتكلم مع يمة عن موضوع شكلو ابو ح يجي ...رماز قعدت جنبي و قالت ...سارة عايزة اقول ليك حاجة ...قلت ليها ..احكي ...قالت لي الصراحة في شاب قال عايزني و انا قلت ليهو بديك رقم ابوي و قال م عندو مشكلة و عايز يجي في أقرب فرصة ...قلت حلو شديد وين المشكلة ..أشرت على حامد و قالت .المشكلة راجلك ...ضحكت و قلت ليها و حامد مالو. ..قالت لي ...اخوي عايز زول جاهز و عندو مستقبل ...قلت ليها ...و انتي تعرسي زول م جاهز و عندو مستقبل لشنو ..اخوك كلامو صح و هو عايز مصلحتك ...قالت لي ..انا بحكي ليها عشان تشوف لي حل و هي بتعمل شنو ...قلت ليها...م كلامو صح هو عايز مصلحتك ...قالت لي ...طيب انا و هو بنحب بعض ...عاينت ليها بصدمة و قلت ...معقول دا يطلع منك ...قالت لي...م حصل م يمش تفكيرك بعيد هو لمن كلمني قال لي وقتي عايز رقم ابوك ...و م اكذب عليك انا عاجبني ..و البيحصل انو حامد اول زول ح يسالو ابوي و ح يقول ليهو رأيك شنو و طبعا حامد في الإقناع ماف زول بفوتو ...قلت ليها و انا بمط خشمي ...فعلا ماف زول بفوتو و اساليني انا ...قالت لي ...بس انتي ح تقدري تقنعي ...اصلا الولد بدا يجهز نفسو بس ي داب نزل شغل عشان كدا ...قلت ليها شغال شنو هو ...قالت لي ..صيدلي ...قلت ليها ...اتعرفتو في الجامعة يعني ...هزت راسها ب ايي ...قالت لي ...لحظة اوريك صورتو ...ورتني صورتو بدون م احس قلت ليها ..الله دا الولد ابو نضارة ...حامد عاين لينا و قال ...دا منووو......يتتتتبع
❤️
1