🤍🌀 رواياتي حلقات 🌀🤍
February 6, 2025 at 07:15 PM
#حرمة_حامد
*#الجزء الثاني
{3}
#بقلمي_نسمة_عبدالله 🌼
حامد قال لينا ..دا منو ...ابتسمت وقلت...في مسلسل في التلفزيون متابعينو و البطل بيلبس نضارة ...رجع واصل كلامو مع امو عادي ...رماز عاينت لي و قالت ...لا بكرة بكلمك و يكون عندنا وقت أوسع ...هزيت راسي و سكت ...تلفون حامد رنة ..مشى بعيد اتكلم و جانا راجع ...قال لي ...يلا وقت المشي ...قلت ليهو مشي شنو ...قال لي ...امك اتصلت وقالت الدكتورة قالت لازم تتحركي و لازم امشيك ...صريت وشي و قلت ...م عايزة امشي ...ربع يدو و قال لي ...قايلاني بهظر معاك قومي ي ولية م عايز معاك كلام ...يمة قالت لي ..قومي ي بتي ...قالو المشي بسهل الولادة ...رماز قالت لي ...يلا انا بمش معاكم ...قلت ليهم ...انتو مصرين عشان م قادرين تحسو احساسي...يمة قالت لي ...لمن الولادة تبقى ليك صعبة تعرفي الاحساس صحي صحي ..اتنهدت و انا بستند على رماز لبست عباية و طلعنا ...كنت ماسكة رماز و ماشين...قلت ليهو ..اسي انا امشي قدر شنو ...قال لي ...اقل شي نص ساعة ...وقفت و قلت ليهو ..نعععععم ...ضحكوا هو و رماز قال لي ...أنعم الله عليكي...قلت ليهو كيف يعني نص ساعه...انا اسي المشي غلبني و لسه م تمينا ربع ساعة...هزا كتفو و قال ...للأسف دا المفروض يتعمل ...اتنهدت بضيق و انا بواصل مشي و انقنق و فجاءة نلقى بسمة في وشنا ...لقيتها بتحمر لي ...وقفت اعاين و اقول في نفسي دي مالها ...حامد عاين ليها ب ضيق و قال ...يلا نكمل طريقنا ...جات بسمة ماشة جنبنا و قالت ...إن شاءالله تكوني مبسوطة ...م على اساس تطلقي ...حامد قال ليها ...عايزة شنو انتي ...قلبت عيونها و قالت ...عايزة عيالي ...حامد قال ليها ...عايزة تشوفيهم ماف زول منعك ... عاينت لي و قالت ...بكرة ي عويرة يشيل ولدك و يجدعك زيي...قال ليها ...العملتي انتي و الخلاك تطلقي عارفة براك ...حمرت لينا و مشت ...قلت لي حامد ...انت صحي أمجد وين م شايفة معاكم ...قالت لي ..قال عايز يزور امو ...مشى قبل اسبوع...م حبيت اجادلو بس كيف يثق في مرا زي دي ...قلت ليهم ...يخ انا تعبت ارح نرجع ...قال لي بس لسه م تمينا نص ساعة ...قلت ليهو ي زول انت قايلني عويرة ...نمشي نص ساعة و نرجع نص ساعة و نبقى مشينا ساعة كاملة ...لا والله ...ضحكت رماز و قالت لي ...طلعتي مفتحة ...قلت ليها ...دا زمن مفروض نشغل ب عقلنا ...قالت لي بصوت واطي ...صحي انتي عرفتي جدو كيف ..قلت ليها ...اسمو جدو ...قالت لي ...لا اسمو ماجد بنادو جدو ...قلت ليها ..الله الله ...ضحكت و قالت لي ...سارة ياخ ركزي .....حكيت ليها الموقف الحصل معانا ...حسيت عيونها بقو قلوب ...قلت ليها ...اسي انتو متواصلين ...هزت راسها و قالت لي ...مرات مرات ... و بتواصل مع اختو ...قلت ليها ...و طبعهم كيف. ..قالت لي كلهم حنينين زيو ...ضربتها و قلت ليها ...الله يجازي محنك ي بت الراجل م بحبو شديد ...قالت لي ...و بحبو كيف ...قلت ليها خير الأمور اوسطها...خليك قادرة ..ضحكت و قالت لي ...لا حامد اخوي داير مرة قادرة ...لكن جدو دا م محتاج ...ضحكت و قلت ليها ...يعني معترفة ب اخوك دا ...رفعت كتفها و قالت ...و دي الحقيقة نكذب يعني....قلت ليها ...طيب جايين متين كدا ...قالت لي ...زي شهر كدا ب الكتير بجهزو حاجات الخطوبة ...قلت ليها ...يعني جاي يخطب بس ...هزت راسها و قالت ...سنة ولا سنة و نص كدا و نعمل العرس ...بس ان شاء الله حامد يوافق ...عاينت ل حامد من بعيد و واصلت مشي ....عدت الايام روتينية لحد م دخلت التامن و يومها كانو جايين اهل ماجد ...يجو يتقدمو و لو ادوهم الموافقة قالو يجيبو الخطوبة حسب كلام رماز ...كنا ملمومين في بيت يمة ...حتى ابو حامد جا ....جو العصر لحد بعد صلاة المغرب طلعو و ادوهم الموافقة ...بالله رماز تضحك و تتكشم و توزع في البسمات يومين ...كسينا المقابلة الشهر دا و اي حاجة كويسة ...مستمرة في الجامعة ....جابو الخطوبة بعد اسبوعين و جو بنات أهلهم كتار ...و للصدفة شفت البت الاسمها فرح احمد ...ي ربي تقرب العريس شنو ...دخلت الاوضة ل رماز و سالتها ...انتي ي رماز تعالي عايني البت ديك تبقى للعريس شنو ...بقينا نطاوق قالت لي ...اللابسة بيجي ...قلت ليها ..اي ...قالت لي ..تكون بت خالتو ..لانو قال لي م عندو بنات اعمام صغار كلهن متزوجات....بتعرفيها ولا شنو ...قالت ليها ...معاي في نفس الدفعة ...قالت لي ..مالا معاك ...قلت ليها ...مغرورة ..متكبرة ..شايفة حالها و حصل موقف شين بيناتنا ...قالت لي ..مالا عملت ليك شنو ...قلت ليها ...مع الحمل حركتي بطيئة بعد المحاضرة كنت طالعة ...و هي تكابس عايزة تطلع لاحقة شنو ك عرفت و الفرقة بين البينشات صغيرة م بتطلع كم نفر في وقت واحد و لزتني و ربنا ستر البنات مسكوني ...ولا اعتذرت و لوت خشمها و مشت ...قالت لي ...بركة م جاتك شي ...قلت ليها ...بلاي شوفيها قالبة وشها كيف ...تتوقعي كانت عايزة ماجد ...رماز ربعت يدها و قالت ...و م قدرت تصلو ...ضحكت و طلعت منها قعدت جنب سمية بنتونس...الا اشوف سجود ...دعكت عيوني و قلت ب صدمة ...دي الجابها شنو ...سمية قالت لي ...قال خطوبة بت عمها و كلام زي دا ...قلت ليها ...انتي قافلة الباب حق بيتك كويس موش ...قالت لي ..اطمني ...جات سلمت علينا و قالت ...ضراتي المستقبليات...قلت ليها ...ضراتك شنو ....ابتسمت في وشي و قالت ...حامد م كلمكن ولا شنو ...قلت ليها ...بشنو ...ضحكت و قالت ...ح نرجع نتزوج من اول و جديد ...اتشرقت لمن عيوني دمعو و قلت ليها ...نعم نعم نعم ...ضحكت وقالت لي ...يحليلكم شكلي بوظت المفاجأة حقت حامد باين كان عايز يفاجئكم ...قلت ليها ...و حامد اليجبرو يعرسك شنو ...عدلت توبها و قالت ...يمكن اتذكر زمان ...قلت ليها ...و نحن اليجبرنا نصدقك شنو ...قالت لي ...بكرة لمن اجيكم تصدقو ...و ادتها ضحكة كدا و مشت ...جاتنا ربا و قالت ...مالا معاكن...سمية قالت ليها ...قالت حامد ح يتزوجها تاني ...ربا قالت بصدمة ...نععععم ...يتبع
مشتااااااقين والله 🤍
بكرة ح يكون في بارتين حلوين ...🤍
❤️
👍
😂
12