#حرمة_حامد *#الجزء_الثاني {4} #بقلمي_نسمة_عبدالله 🌼 ربا قالت بصدمة ...نععععم ...عاينت لي سجود و كيف بتتونس مع دا و تضحك مع داك ...قلت مع نفسي ...لا لا مستحيل حامد يعمل كدا....ربا قالت ...دي عايزة تلعب بينا ساي بعد الحصل م اظن ولا واحد في المية انو حامد ممكن يتزوجها. ..و بعدين دي مرا خسيسة و كذابة اتوقعو منها اي شي ...قلت ليها ...صح كلامك ...سمية هزت راسها برفض و قالت ...لا لا لا ربا م النوع البكضب ب الثقة دي كلها ...م شفتي طريقة كلامها و ملامح وشها الواثقة ...انا خايفة يكون الكلام دا صح ...قلت ليها ...اديني سبب واحد بخلي حامد يتزوج مرا عذبتو سنين ...سمية عاينت لي بقلق و قالت ...أمجد ...ربا قالت ...فعلا حامد روحو في أمجد م برضى فيهو ...قلت ليهم ...تلقيها ملت للولد عقلو لمن مشى ليها والولد جا طلع في راس ابو ...قلت ليهم الكلام دا م بجي نحن نتكلم مع حامد بعد الضيوف يفضو...كلهن هزو راسهم ...ربا قالت لي ...قومي ارحلي السرير ...كرسي البلاستيك دا م بينفع ...قلت ليها ..اي ضهري مسكني منو ...مسكت يدها بتساعدني القى ليك فرح في وشي ...سعدلت وقفتي و قلت ليها ب ابتسامة صفرا ..اهلا ...ابتسمت و قالت لي ...متزوجة راجل عندو تلاتة حريم...قلت ليها ...و انتي زعلانة مالك ..كان راجلك ولا راجلك ...لوت خشمها و قالت ...م قايلاك مادية ...قلت ليها ...انتي شايلاها معاي زي دا لشنو ... بعرفك من وين حبيبة ...هي ترا فتحي عينك دي كويس انا شغل المطاعنات البدون سبب دي م بينفع معاي ...و يوم لزيتيني م نسيتو ليك ..لو دخلتك في راسي الا يمرقك القبر ...و اتزحي من وشي ...قعدت في السرير و انا بعاين ليها و هي تعاين لي و نهائي م كسرت عيونها ..قلت البت دي شايلاها معاي ل شنو ...بعد المغرب اتلمينا في بيتي انا و ربا و سمية و مستنين حامد ....جا لقانا في حالتنا ديك عقد حواجبه و قال ...خير ان شاء الله ...ربا قالت ليهو ...انت صحي عايز تتزوج سجود ...م ردا ...قلت ليهو ...يعني الكلام دا صحي ...قال لينا ...مجبور ...قلت ليهو ...طوالي ترجعني بيت ابوي ...نهائي م بعيش مع مرا زي دي ...سمية قالت ...حتى انا رجعني ...ناسي العملتو فيك و العملو هي و بسمة ...ربا قالت ليهو ...مرتين اجهضت ب سبتهم مرتين ي حامد ولا ناسي ...اتنهد و قال ...افهموني ...أمجد نفسيتو اتدهورت شديد .. بعد جبتو معاي و حتى عرضتو ل دكتور نفسي و قال يفضل امو تكون معاهو ...قاطعتو و قلت ...و عشان كدا قلت ل نفسك اتزوجها ...قال لينا ...دا موضوع م عايز فيهو نقاش ...ضحكت و قلت ليهو ...لا لا ي حامد انا اصلو م موافقة و م بقعد في البيت دا...قال لي ...سارة ..انتي اصلا عايزة سِبة عشان ترجعي بيت ابوك ...و لو م زمن ولادتك جا البيت دا م بتفوتي شبر ...قلبت عيوني ب زعل ...سمية قالت ليهو ...يعني ح تتزوجو ... هزا راسه و قال...بعد ولادتك ب اسبوعين كدا ...قلت ليهو ..و على وجع الولادة تزيد علي المغصة....قال لي ...دا موضوعنا يلا وقت المشي ...قلت ليهو ..والله مافيني حيل الليلة دي ...قال لي ...لا لا ولو ربع ساعة ...قمت ب تعب و قلت ليهو الأسبوع الجاي و البعدو عندي امتحانات ..ح نلغي موضوع المشي دا قال لي ...لا م ح يتلغي ...و بعدين انتي لمن تمشي تقدري تصفي ذهنك و الحاجة دي بتساعدك في الدراسة ...قلت ليهو ب ابتسامة صفرا ...انننن ظريف ...قال لي ...يلا يلا ...طلعنا معاهو انا و سمية و ربا ...كان ماشي قدامنا ب مسافة ...قلت ليهم ...والله بالواضح كدا نحن لازم نلقى طريقة نلغي العرس دا ...انا م ح اتحمل المغصة ...و بعدين الغياظة دي مش هي القالت دايرة الطلاق اسي مبسوطة مالها ...م كان ترفض ..ربا قالت لي ...اصلا بعد كشفوها ح تكون عايزة تنتقم ....قلت ليها ..تنتقم كيف ...و بعدين حامد عادل في اي شي م عندها طريقة ...سمية قالت ..عندها الف طريقة و طريقة ...قلبت عيوني و قلت ليهم ...أمجد...ربا قالت لي ...فعلا أمجد هو المشكلة و لو اتصلحت العرس ماف داعي ليهو ...قلت ليها ...اي فعلا ...سمية قالت ...و دي يحلوها كيف ...قلت ليها ...نشيل محل سجود و نبقى زي امو ...ربا قالت ...نعوضو الحنان الاتفقد....سمية قالت ..م تتوقعو سجود عاملة ليهو حاجة مجنناهو ...و بعدين الولد كان كويس لحد م مشى ليها ...قلت ليها ...هي في ام تعمل كدا ل ولدها مستحيل ...ربا قالت ...م تستبعدي ...قلت ليهم ..لا لا أحسنوا الظن ...سكتو ...سمية قالت ...طالما سجود موجودة هنا م ح نقدر نعمل اي شي و الولد ح تكون ماسكة تحتها ...قلت ليها ..بجيبها ل حامد ب فوق و اخلي يجيب الولد معاهو و نفس الشي معاكن ...سمية قالت ...اي فكرة حلوة ...حامد اتلفت علينا و قال ....رأيكن شنو تتعشو هنا . .و أشر على مطعم مندي ...عاينا ل بعض و قلنا ليهو ...جدا ...ربا قالت لي ...بركة الدخلتي حياتنا اول مرة حامد يدخلنا مطعم بدون باقي الأسرة...ضحكت و قلت ليهم ...عاد انا ساااارة ...سمية قالت ....قاااادرة ...ضحكنا و دخلنا ...طلب لينا اكلنا و نزل لينا عصير كنا بنشرب قلت ليهو ...انت ي حامد...قال لي ..هممم ...قلت ليهو م تحاول تقوي علاقتك ب أمجد كدا يمكن تتحسن نفسيتو ...عاين لي ب استغراب و بمعنى كيف يعني ....قلت ليهو...يعني الولد من عمرو سنتين عايش مع امو و م بشوفك الا في زياراتك للبلد ف طبيعي لمن تفرقوا من امو ينتكس...حكى دقنو و قال ...كلامك صح ...سمية قالت ليهو ...فعلا ...انت حاول حسسو ب مكانتك عندو و مثلا ماشي محل قول ليهو تمشي ...وخصص ليهو من زمنك..ح ينبسط اكيد....ربا قالت ليهو ...و جيبو يتعرف علينا اكتر م يكون شايفنا ضرات امو الشريرات ...كان بعاين بعيد و باقي لي كلامنا وقع ليهو ...قلت ليهو ...اي و نعمل تجمعات كلنا كدا و م نحسسو انو غريب و اشتري ليهو هدايا و كدا ...قال لي ...انا طوالي بشتري ليهو ...قلت ليهو..م كدااا حسسو ب قيمتو قصاد الهدية ...خلي يحس انو مكانتو عندك كبيرة ...سمية قالت ...و بما انو بكرة اليوم عندي خلينا نتلمى مع بعض ...هزا راسو ...عاينا ل بعضنا ب ابتسامة شربنا عصير و طلعنا....تاني يوم انا و رماز جهزنا اكل و تحلية بما انو ح نتغدا عند سمية ...لبسنا و طلعنا عليهم و حامد جاب أمجد معاهو ...في البداية كان بعاين لينا كأنو اول مرة يشوفنا ...فعلا حسيتو اتغير من أمجد الكان في البلد ...بس شوية مع كلامنا و كلام ابوهو بقى يتكلم ...و يضحك لمن هو و ابو فتحو ونسة براهم و نحن قاعدين طرف ...ختينا الصينة و قعدنا و أمجد معانا و الشفع براهم ...جاهو احساس انو كبير و واعي و شفت ابتسامة واسعة في خشمو ...بعد الغدا و كل زول شايلة كباية تحلية بالفواكه لقيتو خلص الكباية و شكلو عجبتو عاينت ل ربا ب عيوني ..قامت جابت الجردل حق التحلية و قالت رايكم شنو بالله في التحلية و بقت تسأل كل زول من رايو ..لمن سالتو ..قال ليها عجبتني ...ربا قالت ليهو ...متى م تحب تأكلها تعال لي بعملها ليها ...انبسط و قال ..جد قالت ليهو ...جد ..انتي زي ولدي و اعتبرني امك....أداها ابتسامة عاينا ل بعض و ابتسمنا ...بعد التحلية حامد قال ليهو...يلا نمشي المسجد ل صلاة المغرب ...قاموا اتوضوا مع بعض و طلعوا و هم بتونسوا ...سمية قالت ...حي حنن قلبي الولد فعلا محتاج حنان ...ابتسمت و قلت ليها ...شفتي ابتسامتو حلوة كيف ...حاسة انو امو دي منكدة عليهو عيشتو..ربا قالت لي ...البعرفو انو سجود حياتها في ولدها ...قلت ليها ...و شالو منها الحياة تتوقعي تعمل شنو عشان ترجعها ...سمية قالت ...اي شي ...قلت ليها ...بالضبط ..الباب اندقا ..سمية قالت ..مصطفى قوم افتح ...جات داخلة سجود ...قالت ب لوية خشم ..م تعزمونا ...ماف زول ردا عليها ...النوعية دي تعمل ليها شنو لو رديت ترد ليك ب رد يسم البدن...قعدت تنضم و تشنف و حتى كبت ل نفسها من التحلية و تفتها في الأرض قالت م حلوة...و لون البيت م عاجبها...قمنا صلينا و قعدنا برضو م سكتت الا لمن حامد و أمجد جو ...وقفت ب غضب و قالت ...امجددد انت كيف تطلع و م تستأذن مني ...حامد صرة ليها وشو قفلت خشمها ...قال ليها طالع مع ابوهو يستأذن ل شنو ...قالت ل أمجد يلا قدامي البيت ...الولد ملامح وشو اتغيرت مشى معاها ب زعلة كدا ...حامد كان مبسوط شديد و دي كان بداية حلوة ...عدو اسبوعين الامتحانات و كنت مضغوطة شديد ...بس بقى ثابت عندنا اليومين العند كل وحدة فينا لازم نتغدا اول يوم مع بعض و أمجد ضيف الشرف طبعا ...حتى بقى يجي بدري قبل ابوهو م يجي و يجيب اولاد بسمة معاهو و في مرة قال عايز يبيت مع سمية ..تاني يوم كنت سامعة صوت سجود و كيف يبيت مع سمية ...بس حسيتو بميل ل سمية اكتر شي خصوصا انها حنينة شديدة و حامد مبسوط من الحتة دي ...بعد الامتحانات انتهت ب اسبوع دخلت التاسع و قلت ل حامد بعد دا ارحل ل ناس امي و عشان الولادة طبيعي احسن امي تكون جنبي ...م أعترض و قال لي بكرة المسا بعد اللمة بوديك قلت ليهو م مشكلة ...كانت اللمة عند ربا ...تاني يوم كنت حاسة بوجع ضهر شديد ...قلت يمكن عشان الولادة قربت و كدا و النفس بقى صعب ...امشي خطوتين اتنفس ي الله و ي امين ...و حاسة ب وجع خفيف ..م ختيت ف بالي ولادة و حارسة قال لمن اتمهن ٩ شهور و ١٠ يوم مشيت بيت ربا و كلنا قاعدين مع ربا و مستنين حامد يجي لمن الوجع زاد ...سمية قالت لي ...حاساك م كويسة ...قلت ليها وجع مبالغة ...قالت لي ...يمكن خايفة من الولادة عشان كدا ... نظمي نفسك و عدي ب قلبك عشان تهدي ...بديت انظم نفسي و قلت ليها بصوت متقطع ..س .سمية ...قالت لي ...نعم ...قلت ليها و انا بضغط على سنوني...أنا شكلي بلد اتصلي على حامد ...قالت لي ..نزلت موية الراس ..هزيت ليها راسي ...قامت جري خلت أمجد يلم الاولاد جوا و اتصلت على حامد و ربا طلعت نادت يمة ...قلت ليها ...اتصلي لأمي رجاء...دقت عليها برضو و قالو يحصلونا في المستشفى...كنت بحاول اكتم صوتي و ماسكة في يد الكرسي قوي ...سمية قالت لي ...م تكتمي الوجع ...ربا قالت ل رماز ...لا لا حامد شكلو ح يتأخر و يمكن يحصل شي لغايت تصل المستشفى ...ودي الشفع بيت سمية و انا بجيب فوزية الداية...رماز لمت الشفع و ربا كلمت و يمة و سمية فضلو معاي....يتبع البارتين مدموجات بارت طوووووييييييييل❤️