@⁨wessam Hamdan⁩ #حرمة_حامد *#الجزء_الثاني {5} #بقلمي_نسمة_عبدالله 🌼 وصلت الداية و ولدت توم و اتعسرت الولادة شديد...و اتنقلت المستشفى إسعاف ...كانت أمي حاضنة التوم و انا م عارفة كنت وين اساسا ...لمن ولدت ختتو في يدي ...طلع حتيتة ولد زي القمر م قدرت اشبع منو ...لمن وصلت بعد عشرين دقيقة حتن جبت التوم التاني ....قالو حالتها صعبة ختوها في حضني ل ثانية بس و شالوها...بعد ساعة اتنقلت اوضة عادية و صحيت بعد ساعة و نص يمكن ..الاوضة م فيها غير امي ...حسيت صوتي رايح و م قادرة انادي عليها ...شلت نفس و قلت ليها بصوت مقروش...أمي...عاينت لي ب ابتسامة و قالت ...بركة المرقتي طيبة ...ابتسمت و قلت ليها ...الله يبارك فيك وين الشفع ...قالت لي. ..البت دخلت الحضانة و الولد كويس ...قلت ليها ...وين حامد ...قالت لي مع العيال ...مسحت دموعي و قلت ليها ...خلي يجيبهم عايزة اشوفهم ...طبطت علي و طلعت ...عشرة دقايق و جات هي و حامد و يمة و رماز و سمية و ربا ...حامد كان شايلهن الاتنين ...جو حمدو لي السلامة و باركوا لي ...اداني الولد ..شلتو في يدي و انا بمسح دموعي و بقول ...بسم الله بسم الله...يمة شوفي بشبهني كيف ...ابتسمت وقالت ...طالع ل امو ...ختيتو جنبي و قلت ليهو ...اديني البنية ...ختاها في يدي ...ابتسامتي اتلاشت ...قلت ليهو ...انتوا غلطانين ولا شنو ...حامد قال لي كيف يعني ...قلت ليهو ...حامد دي م بتي ...بعد م كانو يضحكوا و يتونسوا سكتو كلهم ...يمة قالت لي ...الولادة ضربت راسك ولا شنو ...بكيت و قلت ليها ...دي م بتي والله دي م بتي ...قالت لي ...ي بتي استهدي بالله كيف يعني م بتك ..و ح تكون بت منو ...عاينت لأمي و انا ببكي قلت ليها ...أمي أنا شلتها في يدي دي معقولة م بعرفها ...حامد شال البت من يدي و قال ...انتي م كويسة ..رماز نادي الدكتورة ولا الممرضة ...رماز عاينت لي بقلق و طلعت...بقيت ابكي و قلت ليهو ...والله دي م بتي ...انا شلتها في يدي كانت خفيفة و وزنها صغير ...أمي قالت لي ...ي بتي م تحلفي ...قلت ليهم ...في واحد فيكم شالها ولا شافها ...كلهم سكتوا ...سمية قالت ...ودوها الحضانة طوالي قالو حالتها صعبة...قلت ليهم ..م شلتوها ح تعرفو كيف ...بقت تشهق و تقول ...حتى شعرها كان بني م اسود....دي م بتي ..انا عايزة بتي ي امي عايزة بتي ...في اللحظة دي دخلت الدكتورة الولدتني و قالت ب ابتسامة...الف حمدلله على السلامه....قلت ليها ...ي دكتورة قولي ليهم دي م بتي ...كلميهم ...حتى الدكتورة انصدمت و بقت تعاين ليهم ...قالت لي ...اهدي انتي بس متوترة م اكتر لانو دي اول مرة...قلت ليها و انا باشر على حامد و البت ...شوفيها انتي بس شوفيها ....كانت بتحاول تمشيني و مشت على حامد و هي بتقول...دا توتر منك م اكتر ...قطعت كلامها لمن شافت البت ... كلهم مستنينها تقول ..اي دي بتك زاتها ...بس قحت و قالت...احم ..شكلو في غلط ...حامد قال ليها بصرة ...كيف يعني ...قالت ليهو...احتمال الممرضات لخبطو بين الأطفال لانو كان في اكتر من حالة ولادة اليوم ...حامد قال ليهم ...و كيف يحصل إهمال زي دا ...الممرضة شالت الطفلة من حامد. ..الدكتورة قالت ...ح نعاقب الممرضات المسؤولات من الأطفال...قلت لي حامد ...وديني عايزة اجيب بتي براي ...م اعترض و جاب كرسي متحرك...وصلنا الحضانة ...م كانت كبيرة شديد ...فيها زي سبعة طفل بس...دخلت معاهو و الباقين استنو برا ...يمة قالت ل امي ...شوف زي الإهمال دا عليك الله...اسي لو م عرفت البت كان حصلت مشاكل...أمي قالت ليها.. حمدلله الموضوع م مشى محل...سمية قالت ...يعني معقول تحصل لخبطة زي دي ...المستشفى دي من بدري انا بلد فيها و دي اول مرة يحصل كدا....ربا قالت ...حامد م ح يخليهم ...سكتو كلهم لمن طلعنا انا و حامد ..يمة قالت لي ...بتبكي مالك ...قلت ليها ...يمة بتي م لقوها ....قالت لي كيف يعني ..قلت ليها ...م بعرف انا عايزة بتي ي امي ...دايرة بتي ....سمية قالت ليهو ...حامد دا كلام شنو ...حامد قال ليهم ...انا ماشي اشوف الممرضة الكانت موجودة وقت جابو البت ...قلت ليهو ...ماشة معاك ...طبطب على كتفي و قال لي ..انتي تعبانة شديد و الولادة كانت صعبة...و هدا بحلف ليك ...اقسم بالله م يعدي اليوم دا الا و بتك في يدك ...رماز قالت ليهو ...طيب م انتبهو انو في طفل ناقص معقول ....هزا راسو بلا و قال ...لا عدد الأطفال سبعة احتمال اتبدل مع أسرة تانية ...قلت ليهو ...بس جوا حاليا في سبعة أطفال...معناته زول شالو بس ...بكيت زيادة و انا بقول ...عايزة بتي انا عايزة بتي ...رماز قالت ...طيب ي حامد انا ماشة معاك ...هزا راسو بس ...ودوني الغرفة تاني أمي قالت لي ..ي بتي اتوكلي على الله و م تظلمي ولدك دا معاك رضعي...قلت ليها ...اها اختو حالها كيف ...يمة قالت لي ...ربنا شايفها ...شلتو رضعتو و امي شالتو الباب دقا...دخلت وحدة لابسة عباية سودا ...و كانت بتبكي ...أمي قالت ليها ...خير ي بتي في حاجة ...البت عاينت لي و قالت انا اسفة ...قلت ليها ...انتي منو ...قالت لي ...انا السستر الكنت في قسم الأطفال.....فجاءة لقيت بتك م موجودة ...طلعت اتكلم مكالمة بس و رجعت دخلت لقيتها مافيشة...والله اتكلمت دقيقتين بس و رجعت ...لمن فتحت الباب عشان اطلع لقيت البت الجابوها ليك دي قدامي ...و و ...سكتت..بكيت و قلت ليها ...و قلتي م ح اعرف بتي ...و تسكتي على كدا ...هزت راسها و سكتت ...قلت ليها...امشي من قدامي رجاء ...بتبععععع