🤍🌀 رواياتي حلقات 🌀🤍
February 9, 2025 at 08:25 PM
#حرمة_حامد2
{6}
#بقلمي_نسمة_عبدالله 🌼
قلت ليها ...و قلتي م ح اعرف بتي ...و تسكتي على كدا ...هزت راسها و سكتت ...قلت ليها...امشي من قدامي رجاء ... يمة قالت ليها ....حامد ابو البت لقاك ...هزت راسها بلا ..يمة قالت ليها ...امشي الله يسامحك ...طلعت البت وانا دموعي م راضين يقيفو ...يمة جات قالت لي ...اتوكلي ي بتي ...أرقدي ريحي نفسك شوية انتي طالعة من ولادة و الكلام دا م كويس....ختيت راسي في المخدة و انا بفكر بتي حالها كيف ...بدون م احس من التعب شالتني نومة...و صحيت مخلوعة وانا شفت كابوس ...لقيت ماف زول في الغرفة غير رماز ...لمن لقتني قمت مخلوعة قالت لي ..بسم الله عليك مالك. . قلت ليها شفت كابوس م مريح ...قالت لي استغفري ان شاءالله خير...قلت ليها ...إن شاءالله...قلت ليها ...الساعة كم ...عاينت للتلفون و قالت ...اتنين صباحا....قلت ليها ...نعممم ...ابتسمت و قالت لي ...ارجعي واصلي نومتك ....قلت ليها وين مشو الباقين ....قالت لي ...م مسموح غير ب مرافق واحد ...و هم تعبانين و سمية و ربا رجعو عشان الاولاد ف قلت ليهم انا ح افضل ...قلت ليها و حامد وين ...اتنهدت و قالت لي ...رجعت الساعة ٩ و خليتو لسه بفتش ...اتنهدت ب وجع و قلت ليها...الله يجازي الكان السبب ...قالت ...أمين....قلت ليها ...انا حاسة انو العمل كدا ي سجود ي بسمة ماف غيرهم لانه حاقدين علي ب طريقة م طبيعية ....قالت لي ...إن بعض الظن اثم ..و ان شاء الله م يكونو هم ...قلت ليها ...و ح يكون منو بالمنطق كدا عندو مصلحة يشيل بتي ...قالت لي والله عندك وجهة نظر بس نتفائل خير ...دموعي نزلو و قلت ...حتى م لحقت اشمها و اشيلها في حضني ...قالت ب زعل ...ربنا يردها سالمة يارب ..مسحت دموعي و انا بقول ...يارب ..قلت ليها ..رماز معليش بس اديني ياسين ...ابتسمت و قالت لي عايزة تسمي ياسين ...قلت ليها ...جهزت أسماءهم من يوم عرفت انهم ولد و بت ...ياسين و ياسمين اوعك تكلمي زول بالذات حامد ...لانو انا قررت لو عارضني في الأسماء اتشاكل معاهو ...قالت لي ب ضحكة ...لا عين رأت ولا اذن سمعت ...عاينت ل ياسين و قلت ليها ...صحي مش اول م المولد يتولد يطلبو مننا الاسم عشان نطلع الشهادة. قالت لي حامد قال يستنى لمن تقومي و تختارو الأسماء م بعض ...دموعي نزلو و انا بقول ...يارب بتي ...قامت رماز من محلها قعدت جنبي و طبطبت علي و قالت ...ربنا شايفها ...قلت ليها ...قلبي واجعني والله...فرحتي ناقصة....قالت لي ..ربك كريم...قلت ليها و نعم بالله...حاولت تغير الموضوع و قالت ...بالله ياسين ولدك دا غلباوي اول م نمتي كدا دور غلبة ...قلت ليها ...م سمعت صوتوا ...قالت لي ...امك شالتو قالت م نصحيك نومتو ...طبعت بوسة على يدو و قلت ...لا طوالي تصحوني خلي يغلب غلبتو في يدي ...شالتو مني و قالت...ارجعي نومي عشان انتي تعبانة ...ختيت راسي في المخدة و دموعي بنزلو براهم ..ي ربي بتي حالها كيف ...قلت ليها ...انتي م عايزة تنومي ...قالت لي ...لا انا متعودة على السهر عادي ...هزيت راسي و سكت ...م شالتني نومة تاني نهائي و انا مقلقة ....بعد صلاة الفجر كدا الباب اتفتح براحة ...كنت مدية الباب ضهري ...سمعت صوت حامد قال ل رماز تعالي ...طوالي رفعت راسي ...قلت ليهو ب لهفة ...اهااا ان شاءالله لقيتها ...عاين لي مسافة بعدها قال ...اي لقيتها ...قلت ليهو ...وينها طيب م تجيبها لي ...شال نفس عميق و عاين لي ...هزيت راسي ب لا و انا بقول ...بس م تقول لي حصلت حاجة ل بتي ...حامد انا عايزة بتي ...هزا راسو ب نفي و قال ..لا لا لا الحمدلله م جاتها حاجة ...قلت ليهو طيب م تجيبها لي ...قال لي...البت عندها مشكلة في التنفس ....و كانت موجودة قدام باب جامع لمدة طويلة و الجو بارد و اثر عليها ...قلت ليهو ..باب جامع....هزا راسو و قال ...اي م كان في زول عايز يشيلها من هناك ...الإمام شالها و بلغ في القسم و خلاها معاهو لحد م يجو يشوفو يودوها وين حسب كلام الشرطة القالتو لي ...لمن مشيت أبلغ انها مفقودة قالو لي في زول بلغ انو لقى بت ...و طلعت هي ...ودوها مستشفى لانو كان عندها حمى و النفس بطيئ...بكيت و قلت ..الحمدلله يارب ...الحمدلله...طيب ودوني ليها ...عايزة اشوفها ...اتنهد بقلة حيلة و وداني ...بكيت و قلت ليهو ...م صغيرة لمن يركبو ليها الانابيب دي ...كانو مركبين ليها انابيب في انفها و هي حتيتة كدا قلبي وجعني ...مشيت يدي على راسها و قلت ...حبيبة امها ..فضلت اتحسسها ب يدي مرة و امسح دموعي مرة...حامد قال لي ...م نقدر نقعد اكتر من كدا ..قلت ليهو ...بس شوية. ..هزا راسو فضلت اعاين ليها لحد م طلعنا ...قلت ليهو ...و العمل كدا منو ..قال لي ...م عارف والله...قلت ليهو ...م عارف شنو ...لا انت عارف و عارف كويس كمان ...دي ي اما سجود ي اما بسمة ...حامد قال لي ...طيب عندك إثبات...قلت ليهو ...م عندي بس متأكدة...قال لي ...طيب م بقدر اعمل شي و انا شاكك بس ...ربعت يدي و قلت ليهو ...اقعد قول لي م بقدر اعمل شي ...قسم بالله ي حامد لو حصل حاجة لأولادي لا سمح الله ل واحد فيهم ...ثانية م بقعد معاك و بطين الدنيا دي ...قال لي ...ي سارة اعمل شنو يعني ...قلت ليهة ...تواجهم. .الكذاب تشوف كذبو في عينو ... م ردا علي و صرة وشو و اداني ضهرو ...قلت ليهو. ..و بتي ح تفضل لمتين هناك. ..قال لي ...لمن تتحسن شوية لانو لسه تنفسها ضعيف...ناديت رماز عشان ترجعني الغرفة قلت ليهو ...لو عايزني ارجع معاك البيت بعد أتم الأربعين ان شاءالله م توريني وش سجود قي البيت داك ...و لو لا تكون انت براك اخدت القرار ...رجعت الغرفة و انا ببكي...يغني خطفو بتي و هدا العمل كدا باين و السبب شنو برضو باين ...يجي يقول لي م بقدر اعمل شي ...كيف يعني ...رماز قالت لي ...م تضغطي على نفسك كدا م كويس عليك ...قلت ليها و انا الفيني كملت...طيب اعمل شنو اخوكي دا م قادر يستوعب لسه ...سجود دي خطر علينا زاتو ...قالت لي ...انتي اسي انسي سجود و بسمة ديل نهائيا و ركزي على أولادك...لمن تشدي حيلك ...دخلت الغرفة لقيت امي شايلة ياسين في يدها .... رماز ساعدتني اقعد في السرير و قالت ...اتفقنا ...هزيت راسي ب سكات...أمي ادتني الولد و قالت ...حسبي الله في الكان السبب ي بتي ....يعني بت قدر كفة اليد يجدعها في كرتونة غطى ساي م غطاها خلاها ب الحفاضة بس ...مرتين نفسها وقف....عاينت لي رماز بخلعة و قلت ليها ...صحي الكلام دا ...اتنهدت لانو شكلهم كذبو علي و م كانو عايزني اعرف...قلت لي امي ...و الحصل شنو بعدين ...قالت لي ...الدكتورة قالت احتمال م تعيش و قطعت قلوبنا بس حمدلله النفس انتظم ....ختيت يدي في جبهتي و انا بقول ...لا اله الا الله محمد رسول الله...قسم بالله لو الحصل دا ...سجود او بسمة ليهم علاقة بيهو ...قسم بالله الا يتسجنو و م يبقى اسمي سارة.....يتبببع
❤️
😢
⁉️
🌼
💔
14