@⁨Wessam مصر⁩ #حرمة_حامد2 {7} #بقلمي_نسمة_عبدالله 🌼 قعدنا في المستشفى أربعة يوم غير يوم الولادة ..امبارح شالو منها الانابيب ...التنفس اتحسن بس الدكتورة قالت احتمال تبقى ليها مشكلة لمن تكبر ...قلت..الحمدلله على كل حال ...الليلة رجعت بيت ابوي و بعد بكرا السماية ...و لسه م كلمت حامد اني قررت الأسماء...و انا راقدة دخل حامد متبسم ..ابتسمت و قلت ليهو ابو ياسمين ...طبع بوسة على جبيني و قال ..ام ياسمين ...قعد و شالها في حضنو و قال ...بالله م تشبهني ...قلت ليهو ..الاتنين طالعين ل امهم ...ضحك و قال ..اصلا امهم حلوة ...عشان كدا هم حلوين ...خجلني ف سكت ...قلت ليهو ...ح اسميهم ياسين و ياسمين...هزا راسو و قال ..زي م تحبي ...قلت ليهو ...جد ..رفع عيونو و قال لي ..و مستغربة لشنو ...قلت ليهو .. قايلاك ح تجادلني و كدا ...هزا راسو و قال ...لا عادي ..اولادي كلهم سموهم الحريم الا احمد و امجد ..حسيت عيوني بقو قلوب ..بالله انا معرسة الراجل الحنين دا...عدو اليومين عادي ...يوم السماية...كنت راقدة افكر...بعد م نومت ياسمين و فضل ياسين صاحي...قلت مع نفسي ياربي الشال بتي دي منو ..انا م عايزة أظلم زول معاي....قطع تفكيري دا دخول سجود ...عاينت ليها بهدوء شديد قالت لي ...مبروك اخيرا جبتي ل حامد البنوتة البتمناها ....ضحكت و قلت ليها ...الله يبارك فيك...م كنتي عايزة تتخلصي منها ...عقدت حواجبها و قالت ...عايني صح انا حاقدة عليك بس م مجرمة ...ضحكت و قلت ليها ...انتي كل مرة بتكذبي كذبة تحاولي تقنعي نفسك و تقنعيني بيها ...تتذكري زمن سألتك اذا انتي عملتي العمل ولا لا قلتي لي شنو ..اذكرك ...انا مستحيل أشرك ب ربنا و طلعتي عاملة السبعة و زمتها...قالت لي...انا تبت لله انتو لشنو م قادرين تقتنعو و تصدقوني ..انا تبت والله العظيم ...قلت ليها...المرة الفاتت حلفتي المرة دي برضو ...عشان كدا م ح اصدقك ...رفعت كتفها و قالت لي راجتك ...جات داخلة فرح ...استغربت دي الجابها شنو ...عاينت ل سجود بطرف عينها و قالت ...الف حمدلله على سلامتك سرور ...لحظة قالت سرور...لي انا ...قلت ليها ب استغراب ...الله يسلمك ...قعدت في الكرسي جنب السرير و مسكت ايد ياسمين و قالت....م كنت قايلاها بتك ...قلت ليها ...الله ...و تطلع بت منو كان ...هزت راسها ب لا و قالت ...حامد راجلك جا شالها من بيتنا ...قلت ليها ...بتي كانت عندكم ...هزت راسها و عاينت لي و قالت ...اخوي جابها لينا محمومة و نقلناها المستشفى...و فتحنا بلاغ ...و لمن حامد جا م صدقت انو دي بتك ...قلت ليها ...انت اخوك أمام..ضحكت و قالت لي خليتي الموضوع كلو و ركزتي في اخوي الإمام ...عيوني دمعو و قلت ليها ...كتر خيركم والله م عارفة اشكرك كيف ...ابتسمت و قالت...ولا يهمك ...قالت لي ..حامد م ادانا تفاصيل ف جيت اعرف كيف وصلت بتك جامع حلتنا ...قلت ليها ...حسبي الله في الكان السبب شال بتي و ختا وحدة تانية قايلني م بعرف بتي ...قالت لي و م عرفتو هو منو ...عاينت ل سجود القاعدة تتابع حوارنا ...قلت ليها ..لا للاسف...قالت لي ...على كل مبروك ...قلت ليها ...الله يبارك فيك...قلت ليها...انا عندي سؤال واقف لي في حلقي و م قادرة أسألك ليهو ...قالت لي ...اسألي...قلت ليها ...انتي شايلاها معاي مالك ...ضحكت ب الخفيف كدا و قالت ... لانو حسيتك شلابة...كيف تعرسي راجل مرة و عايشة مريحة ضميرك زي دا ولا كأنك خربتي ل وحدة حياتها....عاينت ليها مصدومة و بعدها ضحكت لمن عيوني دمعو ...قلت ليها ...والله م قادرة اضحك لكن ضحكتيني...اول حاجة القال ليك حياتهم خربت منو ..و بعدين حتت حياتهم خربت و لا اتصلحت دي تعتمد على الراجل ب حد زاتو ..يعني حامد م شاء الله عادل بيناتنا و م محسس اي وحدة فينا ب نقص و كمان انتي م لاقيتي ضراتي ولا شنو ...زي الأخوات و اكتر ...ضحكت شديد و قالت لي ...و انتي متقبلة وجود اتنين غيرك في حياتو...ابتسمت و قلت ليها ...هو بعامل كل وحدة فينا على اساس انها الوحيدة في حياتو و دا كفاية جدا ...عاينت لي ب ابتسامة...طيب اعرسو و ابقى الرابعة ...ضحكت و قلت ليها...لا م بقبل انو يدبلو فيني ...ضحكنا و لسه سجود في محلها ...فرح عاينت ليها و قالت ...معليش م شفتك ...م اتعرفنا ...قلت ليها ...سجود..زوجة حامد السابقة و امو ولدو البكر ...سجود عاينت لي ب ابتسامة صفرا و قالت ...و زوجتو تاني قريبات ان شاءالله...همست مع نفسي و قلت ...في احلااامك ...فرح سمعتني و ضحكت ...قالت ..على كل فرصة سعيدة...قلت ليها..انا الاسعد ..تسلمي ..عايزة تطلع جات بسمة داخلة ...قلت ...لاااااا ..انتو متفقين ولا شنو ...لوت خشمها وقالت ...م اجي ابارك ل اخوان أولادي....قلت ليها ...كتر خيرك ...بسمة عاينت ل فرح و سلمت ليها و جات قعدت ...قلت ليها ...اعرفك ..بسمة زوجة حامد السابقة...فرح قالت ب صدمة و بدون م تحس ...لا حامد دا استغفر الله متزوج كم ....ضحكت شديد و قلت ليها ...تلاتة في ذمتو و اتنين مطلقات ....حسيتها خجلت و قالت ...طيب استأذن انا ...و طلعت...عاينت ليهم و قلت ...الخاطفين ...ناويين تعترفو المرة دي ولا ح تغلبوني ...بسمة قالت لي ...متوقعة شنو ...اكيد ح تكون سجود م غيرها راس المصايب...سجود قالت ليها ...و على اساس انك مسكينة ...قلت ليهم ..هي هي هي ..اطلعوا برا انا والدة جديدة و م عايزة جوطة ..امييي ي اميييي ...جات سمية داخلة و انصدمت شكلها م شافتهم....قلت ليها ...رجاء طلعيهم لانو عاملين لي ازعاج و اخاف أولادي يصحو ....سجود قالت...شايفاكم اتصاحبتو ...سمية قالت ...قصدك اتخاويتو ...برا لو سمحتو ... ________ في حتة تانية... قصدك شنو ....قالت ليها ...قصدي بما انو سارة والدة جديدة و تعبانة نحن نعرف الخطف بتها منو ...قالت ليها ...طيب انا اعمل شنو ...قالت ليها ..انتي م عليك بعد بكرة لاقيني في المستشفى الولدت فيها سارة و نبدأ من هناك. قالت ليها ...طيب انتي بتعملي كدا ب صفتك منو .. قالت ليها صحبتها .....يتببببع