🤍🌀 رواياتي حلقات 🌀🤍
February 25, 2025 at 07:36 PM
#حرمة_حامد2
{13}
#بقلمي_نسمة_عبدالله 🌼
امها قالت ....سجمي و متزوجة راجل متزوج كمان ....فرح قالت ليها ...اي متزوجة و ولدك دا بعرسها بعرسها و يدك م تديني...امها قالت ليها ...نشوف ...قامت امها طلعت و خلتها قاعدة تفكر ...فرح قالت مع نفسها ...صحي والله كلام زيد ...انا لسه ماجد في بالي بس م في يدي حاجة ...و طالما هو في يدو الموضوع اسي يقدر يتصرف ...بس الخايفة منو المشاكل الأسرية...أمي عنيدة و الموضوع م ح يتم على الساهل...في قعدتها دي جا ماجد داخل ...فرح لمن قلبها دقا...عدلت توبها و سلمت عليهو ...قال ليها خالتي موجودة ...قالت ليهو ثواني...مشت نادتها و جات ...اتونس معاهم شوية و طلع ...امها عاينت ليها ...انتي لو عايزة عادي نفركش الخطوبة ....فرح قالت ليها ...أميييي...سكتت منها...عدت الشهور عادي و ام زيد كانت متابعة ولدها و خايفة يتقدم ل سارة و لا ياخد خطوة و الخوف مسيطر عليها ...و بتحاول تقنع ابوهو يشوف ليهو عروس من طرفو ...بس كلهم عارفين زيد صعب و م عندو كلمة بتتعاد مرتين ...بعد ستة شهور كانت سارة واقفة مع زيد قدام المحل البيت م اتباع ب سرعة و جاب سعر معقول ..ف كانت بتفتش محل كبير عشان ح تقسمو ح يكون جزء عدة و جزء ملابس ...قالت ليهو ...تعبتك معاي شديد والله ي زيد ...زيد كان في عالم تاني خالص...م بعرف كل م يشوف سارة بحصل ليهو شنو ...بيسرح بعيد و يقول ي ربي لو اتقدمت ليها ح توافق ...طلع من سرحتو و قال ليها ....كويس جدا انو صاحب المحل قبل يبيعو ليكم ب الأقساط...ابتسمت و عاينت للمحل ببهحة و قالت ..يارب الأمور تظبط ....دا ح يكون مستقبل أولادي...ابتسم و قال ليها ...صحي وين ياسين و ياسمين اخر فترة بقيتي م بتجيبيهم معاك ...ضحكت و قالت ليهو ...لا لا انت بتحب تشيلهم ...قال ليها ..مالي فيني شنو عشان م اشيلهم ...ضحكت و هزت رأسها و قالت ...م تفهمني غلط. ..انا زولة شغالة جامعة و اخواتي مدرسة و ابوي و امي شغالين اخليهم مع منو. ..ح اشيلهم معاي طبعا ...أثناء المحاضرة بيفضلو في الشيال يلعبو و ينومو و م يغلبو ..بس اول م اتعودو الشيل بقو م يسكتو في السرير الا اشيلهم ..و اليشيلهم منووو...قال ليها ...و انا مشيت وين ...سارة قالت..نععععم ...انتبه ل نفسو و قال ...يعني لو زهجوك اتصلي علي والله بجي بشيلهم ...ابتسمت و قالت ...لا لا م تتعب نفسك ...حكى راسو و قال ...البضاعة ح تصل متين ...عشان لغايت تصل نخلص التشطيبات ..قالت ليهو ...لسه زي تلاتة اسابيع ...و عندي امتحانات بعد اسبوع ف ما بقدر انزل اشيك على الشغل ...قال ليها ...ولا يهمك انا موجود ...اتشكرتو و طلعت ...ربع زيد يدو و قال ...هانت ي سارة ...كلها حكاية وقت اخلص البيت و نتزوج رسمي ..رجعت سارة البيت بتعب و لقت يمة و رماز و ربا و سمية موجودين ...بعد الطلاق كانو كل فترة و التانية يجو ...قعدو اتونسو ..أثناء الونسة رماز قعدت جنب سارة و قالت ليها ...حامد قرر يرجع بسمة ...سارة قالت ليها ...عليك الله...قالت ليها ...والله العرفتو بسمة تابت ...ابتسمت وقالت ليها ...ربنا يهنيهم ..قالت لي ..و انتي طيب م ناوية ترجعي ...قالت ليها ...ااننننااااا ...لو جاني عريس الليلة قبل بكرة بعرس و م ارجع ل حامد ..في اللحظة دي كان أبو سارة بفضل في فرح و امها و ام فرح طبعا سمعت الكلام ...عاينت ل بتها ب تحميرة كدا...فرح قالت ليها بهمس ...دا م بيعني حاجة ...سلمو عليهم ضيفوهم و قعدو ...سارة كانت شايلة ياسين في يدها و رماز شايلة ياسمين ...فرح قالت ليهم ...اعرفكم ب امي ..سيدة ...سلمو عليها كلهم ...فرح عاينت لأمها و قالت ...اعرفك يمة ..امها ل سارة و أخواتها سحر و سمر و دي سارة و ديل رماز طبعا بتعرفيهم ...ام فرح عاينت ل سارة من فوق ل تحت و بعدين عاينت ل رماز و قالت ...سارة بتبقى ليكم شنو ...رماز قالت ليها ...مرت حامد اخوي ...فرح بسرعة ..طليقتو ...استغربت رماز بس م علقت ...عاينت ل ربا و سمية و قالت ...يعني انتو كنتو ضرات ...عاينو ل بعض و سارة عاينت ل فرح و بعدين عاينت لأمها و قالت في نفسها...و دي مالة نازلة فينا تحقيق كدا و صارة وشها ...فرح ابتسمت ب احراج و م عرفت تقول شنو ....ياسمين بقت تبكي ..غلبة حقت نوم ...سارة قالت ل رماز ...اديني ليها و شيلي ياسين طبطبي شوية و ينوم ...ام فرح قالت ليها ...ديل أولادك...سارة قالت ليها ب ابتسامة...اي ياسين و ياسمين ...سكتت شوية و هي بتعاين ليهم و قالت ...م شاء الله...كلهم ساكتين و مستغربين في التحقيق الاتفتح دا ...سارة قالت مع نفسها ...الله اكبر ..بعد نص ساعة توتر و كلام حبة حبة ام فرح فجاءة قالت ...اسي انتي ي سارة كان جاك عريس بتعرسي...ام سارة ردت ليها و قالت ...ليي م تعرس بتي لسه صغيرة ...قالت ليها ...معاها طفلين م برضو بيها ب سهولة ...سارة أدخلت و قالت ...اصلا لو م وافق ب عيالي م بوافق بيهو ايا كان و الرجال راقدين م اخر راجل ...فرح قالت ليها ...أمي زيد اتصل و قال نرجع...قامت صلحت توبها و قالت ...فرصة سعيدة ...و طلعت...سارة قالت ...مالة المرة دي ...امها مسكت يدها و قالت ...اسكتي م تسمعك ....فرح اول م طلعو من البيت قالت ل امها ...دا شنو العملتي دا ي امي ...اسي يكونو مصدومين يقولو المرا دي مالة ...و دي شنو الأسئلة الجريئة دي ...انا صحبتها م بقدر اسألها....امها قالت ليها ...م سمعتي قالت شنو ..قال لو جاني عريس الليلة بعرس ...البت دي عينها زايغة بدل تشوف عيالها و تربيهم دار تشوف راجل تعرسو و تنصب عليهو زي م نصبت على حامد ...فرح قالت ليها ...أمي م تندميني اني حكيت ليك ...قالت ليها ...م دي الحقيقة ح ننكرها ..بالله شوفي البيت القاعدة فيهو مبني كيف غير البيت الباعتو..تفتكري سجلهم ليها ب اسمها على الله بس ...لا دي لعبت عليهو و اول م ضمنت البيوت طلبت الطلاق ...و اسي جاية تلف على اخوك و انتي واقفة معاها ...اتنهدت فرح و مسحت وشها و قالت ...و انتي عشان م بتحبيها فكرتي كدا ...ركبوا المواصلات و امها بتقول ...البت دي لو اخر بت في الدنيا دي اخوك م بعرسها ...وصلو البيت بعد زمن و زيد كان قاعد ...كانو صارين وشوشهم لمن زيد سالهم ..جايين من وين ...فرح عاينت لأمها و عاينت ل زيد بتوتر ...قال ليها..بسأل فيك انا ...امو قالت ليهو...مشينا بيت الأستاذة...عقد حواجبه و قال...نعم....قالت ليهو ...اي مشينا ل سارة ...انت شفت البيت القاعدة فيهو ...هدت نبرة صوتها و قالت...ي ولدي البت دي نصابة ..في راجل عاقل يسجل بيتين زي السكر في الموية زي دا م بعيد تكون عاملة ليهو حاجة...زيد عاين ل فرح و قال ...و انتي وديتيها طبعا ...فرح شبكت يدها ب توتر ...قال ليها ...لي بس ...قالت ليهو ...قالت عايزة تتعرف عليها ....ربع يدو و قال ...و مشت قالت كلام م في محلو...عاين لامو و قال ...أمي انتي لي م عايزة تفهميني ...انا لي زمن بحاول امهد للموضوع و انتي مشيتي خربتي اي حاجة ...سيدة قالت ليهو ...لاحظ انك بتتكلم مع امك ...حسى على نفسو و اتنهد و قال ...انا اسف ...قالت ليهو ...شايف انت اسي رفعت صوتك على امك بسببها هي ...قال ليها ...م انتي ي امي لو م عارضتي م ح يكون في مشاكل ...قالت ليهو ..عندها ولدين ...قال ليها ...وانا قبلان اربيهم تاني في شنو ...قالت ليهو ...وانت ذنبك شنو تعرس وحدة متزوجة ...قال ليها ...بريدها ي امي ...قام طلع لانو عارف الحوار مع امو م منو فايدة ...عاينت ل فرح و قالت ليها ...وانتي فكري في كلامي ..اسي ماجد زاتو م يستاهل يتزوج من أسرة زي دي ...لو تسمعي كلامي نخرب عليهو ...فرح قالت ليها ..أمي اي حاجة بنعملها في غيرنا بترجع لينا ...و ماجد دا انا زمان قنعت منو ...و لو اخر راجل م بعرسو تمام ...و مشت خلتها ...امها قالت ...انتو م قادرين تشوفو الأسرة الخسيسة الأنا شايفاها لشنو ....طيب أولادي بضيعو مني اعمل شنو ...فضلت تفكر لحد م لمعت فكرة عجيبة في راسها قعدت و قالت ...كيف دي م جات في بالي ...طبعا ماف راجل برضى راجل تاني يربي اولادو ...
يتبببعععع
اسفة على التأخير بس م بيدي☹️💔
❤️
👍
😂
🌼
💔
😮
🙂
🙏
22