‏يقول سواق تاكسي: كنت واقف بموقف التاكسي وكان فيه كثير من السواقين بعد واقفين. وكل سواق ينتظر رزقه. ذاك اليوم كنت مرررة متضايق وحاس إن هموم الدنيا كلها فوق راسي. 💔 المصروف صفر، والمطبخ فاضي ولا فيه ولا شيء. أسطوانة الغاز خلصت، وزوجتي على وشك تولد بأي لحظة. وكل هالهموم والمشاكل فوق راسي جلست داخل التاكسي أفكر كيف بتنحل هالعقد والمشاكل، خاصة إن الشغل نايم وما فيه زباين. وأنا سارح في همومي، شفت حرمتين يطلبون تاكسي، وقفوا عند سواق وما ركبهم، وبعدين راحوا للي بعده، وبعده. فقلت بنفسي: خلني أنزل أشوف السالفة. رحت عند السواق وقلت له: "وش يبون الحريم؟ ليه ما ركبتهم؟" قال: "يبون يروحون دار الأيتام، بس ما معهم فلوس الأجرة. "‏تركت صاحبي ورجعت لسيارتي، شوي وجتني وحدة منهن وقالت: "تاخذنا لدار الأيتام؟ بس والله ما معنا فلوس." قلت لها: "أكيد تفضلوا اركبوا." شغلت السيارة وطلعت من الحارة، وفي نص الطريق رن جوالي. رديت: "ألو، نعم يا أسعد؟ خير، في شيء؟" قال أخوي: "مرتك بتولد! أنا وأمي أخذناها للمستشفى ودخلت غرفة الولادة! تعال بسرعة! ‏رديت عليه بعصبية: "ليه توديها المستشفى؟ أنت عارف إن تكاليفهم غالية وأنا ما معي فلوس! حاول تطلعهم ورجعهم للبيت!" قفلت الخط والهموم تكاد تخنقني. التفتت على الحرمتين وقلت لهم: "آسف على الإزعاج، أوصلكم أول وبعدين بروح المستشفى." قالت وحدة منهم: "لا لا، ما في مشكلة، روح للمستشفى أول وحنا نكمل بعدين." غيرت الطريق للمستشفى. ‏سألتني وحدة منهم: "وش اسم زوجتك الكامل؟" استغربت من السؤال، بس عطيتها الاسم. وصلت المستشفى وركنت السيارة، ونسيت حتى أقفل الأبواب من كثر الهموم والتفكير. اعتذرت منهم وقلت: "والله لو عندي ريال واحد كان دفعت لكم تكملون مشواركم، بس للأسف ما عندي شيء. إذا ما عندكم مانع، انتظروني أشيك على زوجتي وارجع أوصلكم." ‏قالوا: "يكفي اللي سويته، الله يجزاك خير والله يكون بعونك." دخلت المستشفى وأنا معصب وخايف من الإحراج بسبب الفاتورة. لقيت أخوي وصرخت عليه: "أنت مجنون؟ من وين أسدد حق المستشفى؟!" قال: "خلنا نتطمن على زوجتك بالأول، بعدين يفكها ربك. زوجتك تحتاج عملية." قلت: "كيف يفكها؟ هنا ما فيه رحمة! أهم شيء عندهم الفلوس!" رحت للاستقبال وقلت لهم: "أبغى أوقف العملية وأطلع زوجتي!" ‏قال الموظف: "طيب، اعطيني الاسم الكامل." عطيته الاسم الرباعي. قال لي: "ليش تطلعها؟ التكاليف كلها مدفوعة بالكامل، حتى الرقود والعلاجات!" انصدمت! قلت يمكن مخربط بالاسم! رجعت قلت له الاسم مرة ثانية، ورد علي بنفس الشيء: "كل شيء مدفوع!" سألته: "مين اللي دفع؟" قال: "جت عندي حرمتين، أعطوني الاسم وقالوا يبون يسددون كل التكاليف حتى تتعافى المريضة تمامًا." طلعت أدور عليهم، بس ما لقيتهم. ‏رجعت للتاكسي عشان أقفل الأبواب، ولقيت ظرف فوق الكرسي! فتحت الظرف ولقيت مبلغ كبير جدًا! دورت على رسالة أو شيء يوضح من اللي حطه، بس ما لقيت شيء. وقتها عرفت ليه سألتني عن اسم زوجتي. صرت بحيرة! كيف يبغون يروحون مكان بعيد وما معهم أجرة؟ وكيف ساعدوني وخلوا لي هذا المبلغ الكبير؟ ‏عرفت وقتها إنها رسالة من الله. لما سألت نفسي كيف بتنحل كل هالمشاكل والهموم، جا الفرج من حيث لا أحتسب. نزلت من التاكسي وسجدت لله سجدة شكر، ودموعي تنزل مثل الأطفال. هو كان ناوي يساعد الحريم لوجه الله، لكن ما كان يدري إنهم هم اللي بيساعدونه. ‏وبالنهاية لا تنسون الصلاة على النبي محمد صلى الله عليه وسلم