وإنت بتحفظي، كل يوم، وأيامك كلها مع القرآن، من ورد الحفظ، للمراجعة، للتلاوة، ح تلاحـظي إنك اتغيرتِ!💜 قلبك ما ياهو زي زمان.. وإنت زاتك ما إنت زي زمان! حاجات كتيرة ح تبقى ما مهمة ليك رغم انك زمان بتجري وراها.. لو بتسمعي أغاني ح تحسيها غريبة عليك وقلبك قبل سمعك ما متقبلها رغم إنك زمان ما عندك مشكلة! بدل حافظة أساميها، ح تلقي نفسك مجتهدة شديد في تثبيت الآيات، ويبقى هّمك تحفظي السورة في ياتو حزب وجزء وأسباب نزولها وتفسيرها! دائرة المعارف حولك تصبح مُنتقاة بعناية! ح تلاحظي إنك بتحبي وبتصاحبي أكتر أهل القرآن.. اللي في درب الحفظ زيك أو خاتمات.. ولانو الصاحب ساحب، صديقاتك من زمان ح يتغيروا - وكثيرًا ما يحدث - بسببك!💜 خِـصال كتيرة ما سمحة فيك ح تتغيّر.. نفسك هَّذبهَـا القرآن! وح تلاحظي إنك ما عاوزة تختمي بس بقدر ما عاوزة كل آية تغيّرك، وبقدر ما عاوزة تعملي بالقرآن وتطبقي كل آية في حياتك! -سوف تشعُرين أن الحياة ليست كماهي، وتقولين في لحظة امتنان خالص "والله الحياة بدونه ليست حياة!" الحمــد الله الذي اختارني، الحمد لله الذي هداني، الحمد لله الذي اصطفاني!"💜 #زكية_عاطف