▒▓█ دارالافتاء بھاٹاباری گروپ █▓▒ 📖 #کتاب_الطہارۃ ؛ #باب_الحیض_و_النفاس 📖 📚سوال نمبر :( *14421076* )📚 عنوان :- *حضرت فاطمہ  و مریم رضی اﷲ عنہماکو حیض و نفاس آتا تھایانہیں؟* سوال :- کیا حضرت فاطمہ اور حضرت مریم رضی اللہ عنھما ماہواری سے پاک تھیں یعنی ان کو ماہواری نہیں آتی تھی ؟ یا کسی اور صحابیہ سے متعلق ؟ حدیث میں اس کا تذکرہ ملتا ہے ؟ رہنمائی فرمائیں •┈┈┈┈••✦✿✦••┈┈┈┈• *اَلْجَوَابُ حَامِدًاوَّمُصَلِّیًاوَّمُسَلِّمًا:* مفتی شبیر احمد قاسمی صاحب مد ظلہ العالی نے لکھا ہے کہ: حضرت فاطمہ رضی اللہ عنہا کے بارے میں کسی معتبر ومستند کتاب میں نظر نہیں آیا؛ البتہ فضائل حسنین میں یہ ثابت کیا گیا ہے کہ حیض و نفاس سے پاک و صاف تھیں ۔ حضرت فاطمہ رضی اللہ عنہا را حیض ونفاس بنود بنا بر آں مرضیہ را زہرہ گو یند الخ۔ (فضائل حسنین ص:۱۱) اور حضرت مریم علیہا السلام کے بارے میں کتب تفسیر میں دوقول ملتے ہیں ، (۱)استقرار حمل سے قبل دومرتبہ حیض آیاتھا ۔ (۲)اللہ تعالیٰ نے ان کو حیض وغیرہ سے پاک صاف رکھا تھا ۔ وقد کان حاضت حیضتین قبل أن تحمل (قولہ) قیل إنہا علیہا السلام لم تکن تحیض أصلاً بل کانت مطہرۃ من الحیض الخ۔( روح المعاني، زکریا ۱۶/۷۹) صحیح اور راجح قول یہی ہے کہ حیض آیا کرتا تھا ۔ فإذا حاضت تحولت إلیٰ بیت خالتہا حتی إذا طہرت عادت إلی المسجد فبینما ہی تغتسل من الحیض قد تجرت إذ عرض لہا جبرائیل فی صورۃ شاب أمرد وضیئی الوجہ الخ۔ ( تفسیر خازن ۳/۲۱۷) وکان لا یدخل علیہا إلا زکریا حتی کبرت ، فکانت إذا حاضت أخرجہا إلی منزلہ فتکون عند خالتہا، وکانت خالتہا امرأۃ زکریا فی قول الکلبی ، قال مقاتل : کانت أختہا امرأ ۃ زکریا ، وکانت إذاطہرت من حیضتہا واغتسلت ردہا إلی المحراب۔ وقال بعضہم : کانت لا تحیض وکانت مطہرۃ من الحیض۔ ( روح المعانی تحت تفسیر کلما دخل علیہا زکریا المحراب، البقرہ زکریا ۴/۷۱)مستفاد از فتاوی قاسمیہ جلد ۲/ ۳۷۵ اشرفیہ دیوبند فقط واللہ اعلم وعلمہ اتم ۔ *کَتَبَہُ الْعَبْدُمُنَوَّرُبْنُ مُصْلِح الدِّیْنْ شیخ بھاٹاباری* ۱۷/محرم الحرام،۱۴۴۲ ھ مطابق ۰۶/ستمبر، ۲۰۲۰ء ❖ ❖ ❖ https://t.me/daruleftabhatabari ❖ ❖ https://www.facebook.com/groups/Daruleftabhatabari/ ❖