*امنیه قومندان د ډاکټرانو اتحادیې مسؤلینو سره په خپل کاري دفتر کې لیدنه ترسره کړه.* د خوست امنیه قوماندان الحاج ملا عبدالله حماد د خوست ولایت د ډاکټرانو اتحادیې مسؤلینو سره د یو لړ موضوعاتو په موخه لیدنه ترسره کړه. راغلو یو شمېر ډاکټرانو په خوست ولایت کې د شته امنیتي ثبات او ټولنیز خوندیتوب د تامین په موخه له امنیه قومندان او اړوندو مسؤلینو مننه وکړه. امنیه قومندان الحاج ملا عبدالله حماد راغلو ډاکټرانو ته ښه راغلاست ووایه او ډاکټران یې د ټولنې روح او ارزښتمن قشر یاد کړ. امنیه قوماندان د نشه کوونکو ګولیو او شربتونو د مخنیوي په برخه کې د ځایي ډاکټرانو او درمل پلورونکو څخه د تېر په څېر د همکاریو غوښتنه وکړه. ښاغلي حماد وویل، چې د ډاکټرانو خوندیتوب او درناوي ته ژمن دی او په دې برخه کې یې راغلو ډاکټرانو ته د بشپړې همکارۍ ډاډ ورکړ. ورته مهال امنیه قومندان د خپلو خبرو پر دوام ټولنه کې د ځوانو نجونو او هلکانو د ځان وژنې پيښو ته په اشارې وويل، چې ياد عمل په شرعي لحاظ حرام دى او د دغو پېښو مخنیوي کې یې د ډاکټرانو رول مهم یاد کړ. *خوست امنیه قوماندانۍ مطبوعاتي دفتر*