د پل علم ښار اړوند د تیلو پمپ سټیشنونو جوازونو څخه څارنه ترسره شوه! نېټه: چهار شنبه، ۱۴۴۶/۸/۱۳ ه ق نن ورځ له غرمې مخکې د پل علم ښاروالۍ د عوایدو مدیریت د جوازونو د څارنې او کنټرول ټیم له لوري د پل علم ښار اړوند د حضر سیمې د تیلو پمپ سټیشنونو جوازونو څخه څارنه او کنټرول ترسره شو. همداراز د یادې سیمې د پمپ سټیشنونو مسوولینو ته په وخت سره د جواز د نوي کېدو په موخه سپارښتنه وشوه؛ ترڅو په راتلونکې اونۍ کې د خپلو پمپ سټیشنو جوازونه نوي کړي. دا په داسې حال کې ده، چې د پل علم ښاروالۍ د عوایدو مدیریت لخوا وخت پر وخت د یاد ښار اړوند د هټیو او پمپ سټیشنونو جوازونو څخه څارنه او کنټرول ترسره کېږي. #پل_علم_ښاروالۍ #شاروالی_پل_علم #pul_e_alam_municipality