*د مسلمان سپکاوی کول د سود څخه هم لویه ګناه ده* سعید بن زید رضي الله عنه وايي، چې رسول الله صلی الله علیه وسلم وفرمایل: "له ټولو لویو سودونو څخه ستر سود د یو مسلمان پر عزت او آبرو ناحقه تېری (اود هغه سپکاوی کول)دي." *وضاحت:* په دې حدیث کې رسول الله صلی الله علیه وسلم د مسلمان د عزت ساتلو اهمیت بیان کړی دی. هغه څوک چې د یو مسلمان آبرو ته زیان رسوي، غیبت کوي، درواغ پرې تړي یا د هغه حیثیت ته صدمه رسوي، داسې دی لکه چې تر ټولو بدترین سود یې خوړلی وي. دا د دې لپاره چې مالي سود یوازې د دنیا تاوان دی، خو د چا عزت ته ضرر رسول اخروي تاوان هم لري. ① او د سود اړوند رسول الله ﷺ فرمایلي دي: د سود ۷۰ درجې دي، تر ټولو کمه یې د مور سره زنا ته ورته ده② او د مسلمان سپکاوی رسول الله ص تر ټولو ستر سود بللی له دې معلومیږي چې د مسلمان سپکاوی او اهانت ډیره لویه او ستره ګناه ده. ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ① إن من أرْبى الربا الاستطالةَ في عرضِ المسلمِ بغيرِ حقٍّ. الراوي : سعيد بن زيد | المحدث : الألباني | المصدر : صحيح أبي داود أخرجه أبو داود (4876) واللفظ له، وأحمد (1651) مطولاً باختلاف يسير. ②الرِّبَا ثَلَاثَةٌ وَسَبْعُونَ بَابًا، أَدْنَاهَا مِثْلُ إِتْيَانِ الرَّجُلِ أُمَّه (ابن ماجه، حدیث: 2274، صحیح الجامع: 3533). *م صديقي ۱۴۴۶/۰۸/۱۰هــ ق*