*சேமிப்பா?* *வருமானமே கம்மி!* *செலவு அதுக்கும் மேல* *இதில எப்படிங்க முடியும்?* ₹ ₹₹₹₹₹₹₹₹₹₹₹₹₹₹₹₹₹₹₹ வரும் வருமானத்தில் எதையும் விருப்பப் பட்ட படி வாங்கி அனுபவிக்க முடியவில்லை.😮‍💨 அவசியத் தேவைக்கும் கடன் வாங்க வேண்டிய சூழலில் உள்ளேன் . நான் ஆசைப்படும் பொருட்கள் எட்டாக் கனவாகவே போய்விடுகிறது என்று சொல்பவர்கள் இந்த சிறு கட்டுரையை‌ஒரு முறை படியுங்கள். 😔 மேலே சொன்ன அனைத்திற்கும் காரணம் செலவுகள் - செலவுகள்- செலவுகள் . ஆனால் அந்த செலவுகளை மூன்று அடிப்படையான வகைகளாக பிரித்து அறியத் தொடங்கிவிட்டால் வானமும் வசப்படும். *தேவைகள் -- விருப்பங்கள் -- ஆசைகள்* பணத்தை நிர்வகிப்பதற்கான அடிப்படைப் புரிதல் பணத்தை நிர்வகிப்பது என்பது வருமானத்திற்குள் செலவுகளைச் செய்வது மட்டுமல்ல, நமது தேவைகள், விருப்பங்கள் மற்றும் ஆசைகளைச் சரியாகப் புரிந்துகொண்டு, அதற்கேற்ப திட்டமிடுதலுடன் செலவுகளை மேற்கொள்வதும்தான். செலவுகள் பல வகைப்படும். வழக்கமான மாதாந்திர செலவுகள், சேமிப்பு, முதலீடுகள், வரிகள், காப்பீட்டு பிரீமியம் போன்ற பல்வேறு பிரிவுகளில் செலவுகள் இருக்கும். சில செலவுகள் அடிப்படைத் தேவைகளுக்காகவும், சில விருப்பங்கள் அல்லது ஆசைகளுக்காகவும் செய்யப்படுகின்றன தேவைகள், விருப்பங்கள் மற்றும் ஆசைகள் ஆகிய மூன்று சொற்களும் ஒரே மாதிரியாகத் தோன்றினாலும், அவற்றுக்கிடையே பெரிதும் வேறுபாடு உள்ளது. அவற்றுக்கான திட்டமிடலும் வெவ்வேறு வகைப்பட்டது . இந்த வேறுபாட்டைப் புரிந்துகொள்வது, நமது பணத்தை சரியாக நிர்வகிப்பதற்கு அவசியம். *தேவைகள்* தேவைகள் என்பவை நமது உயிர் வாழ்வதற்கும், ஆரோக்கியமாக இருப்பதற்கும் அத்தியாவசியமானவை. உணவு, உடை, இருப்பிடம், தண்ணீர், சுகாதாரம் போன்றவை தேவைகளுக்குச் சில எடுத்துக்காட்டுகள். *விருப்பங்கள்* தேவைகள் பூர்த்தி செய்யப்பட்ட பிறகு, நமது வாழ்க்கைத் தரத்தை மேம்படுத்த உதவும் விஷயங்களை நாம் விரும்புவோம். பொழுதுபோக்கு, பயணம், நல்ல உணவு, ஆடம்பரப் பொருட்கள் போன்றவை விருப்பங்களுக்குச் சில எடுத்துக்காட்டுகள். *ஆசைகள்* ஆசைகள் என்பவை நாம் மிகவும் விரும்புபவை, ஆனால் அவை நமது உயிர்வாழ்வுக்கோ அல்லது வாழ்க்கைத் தரத்திற்கோ அவசியம் இல்லை. விலை உயர்ந்த கார், பெரிய வீடு, ஆடம்பரப் பொருட்கள் போன்றவை ஆசைகளுக்குச் சில எடுத்துக்காட்டுகள். வேறுபாட்டைப் புரிந்துகொள்வதன் முக்கியத்துவம் வீட்டு பட்ஜெட் போடும்போது, தேவைகள், விருப்பங்கள் மற்றும் ஆசைகளுக்கு இடையிலான வேறுபாட்டைப் புரிந்துகொள்வது மிகவும் முக்கியம். நமது தேவைகளுக்கு முதல் முன்னுரிமை அளிக்க வேண்டும். நமது ஆசைகள் அல்லது விருப்பங்களுக்கு அதிகமாகப் பணம் செலவழித்தால், நமது தேவைகளைப் பின்னாளில் பூர்த்தி செய்ய முடியாமல் போகலாம். இதன் விளைவாக, வாழ்க்கை கடினமாகிவிடும். பலசமயம் கடன் வாங்க நேரிடும் . இது பொதுவாக கீழ் நடுத்தரக் குடும்பங்களில் பரவலாக காணப்படும் பிரச்னை . உதாரணமாக, ஒரு குடும்பம் வாடகை வீட்டில் வசிக்கிறது. அவர்கள் ஒரு புதிய வீடு வாங்க விரும்புகிறார்கள். இது அவர்களின் ஆசை. ஆனால், அவர்கள் தற்போதைய வருமானத்தில் வீடு வாங்கினால், அவர்களின் தேவைகளான உணவு, உடை, கல்வி போன்றவற்றை பூர்த்தி செய்ய முடியாமல் போகலாம். எனவே, அவர்கள் முதலில் தங்கள் தேவைகளை பூர்த்தி செய்து, பின்னர் சேமித்து, அதன் பிறகு வீடு வாங்க முயற்சி செய்ய வேண்டும். உங்களுக்கு மேலும் விளக்க வேண்டுமெனில் கீழ்க்காணும் சில உதாரணங்கள் மூலம் புரிந்துகொள்ளலாம். * *தேவை* : பசிக்கு உணவு * *விருப்பம்* : பிடித்த உணவகத்தில் உணவு * *ஆசை* : விலை உயர்ந்த உணவகத்தில் உணவு * *தேவை* : குளிர் இருந்து பாதுகாக்க உடை * *விருப்பம்* : பிடித்த வண்ணத்தில் உடை * *ஆசை* : பெரிய கம்பெனிகளின் பிராண்டட் ஷோரூம் மற்றும் பிராண்டட் உடைகள் * *தேவை* : தங்கி வாழ ஒரு வீடு. அது வருமானத்தைப் பொறுத்து வாடகை வீடாகக் கூட இருக்கலாம் * *விருப்பம்* : வசதியான வீடு * *ஆசை* :பெரிய பங்களா போன்ற வசதிகள் கொண்ட வீடு. • *தேவை* : போக்குவரத்திற்கு வாகனம் . அது டூ வீலராகக் கூட இருக்கலாம். *விருப்பம்* : கார் வாங்க விருப்பம் . சேமிப்பின் மூலம் வாங்கலாம். அல்லது சேமிப்பின் பங்கு அதிகரித்து கடன் பங்கு குறைத்து வாங்கலாம். *ஆசை* : மாத வருமானத்தில் கடன் வாங்கி பிம் டபிள்யூ போன்ற ஆடம்பர கார்கள் வாங்குதல் முடிவுரை: எந்த ஒரு செலவு செய்யுமுன்‌, அது எந்த வகையிலான செலவு என்பதை உணர்ந்து , தேவைகள், விருப்பங்கள் மற்றும் ஆசைகளைச் சரியாகப் புரிந்துகொண்டு, அதற்கேற்ப திட்டமிட்டு வெவ்வேறு வகையிலான சேமிப்பு மூலம் நம் செலவுகளை மேற்கொள்வதன் மூலம், நாம் நமது பணத்தை சிறப்பாக நிர்வகிக்க முடியும் என்பது மட்டுமல்ல , நம் மூன்று வகையான தேவை, விருப்பம் , ஆசை செலவுகளையும் மகிழ்ச்சியோடு நிறைவேற்றிக் கொள்ள முடியும்.‌ இதற்கான திட்டமிடலில் உங்கள் நம்பிக்கைக்குரிய மியூச்சுவல் ஃபண்டு முதலீட்டு ஆலோசகரிடம் , உங்கள் வருவாய், குடும்ப செலவுகளின் தேவை, விருப்பம், ஆசை அனைத்து விவரங்களையும் தெளிவாகப் பகிர்ந்து உங்களுக்கேற்ற தனிப்பட்ட முறையில் குறுகிய கால , நீண்ட கால பிரித்து சேமிப்புத் திட்டங்களில் முதலீடு செய்வதன் மூலம் நிறைவேற்றிக் கொள்ளும் அதே வேளையில் செல்வ வளத்தையும் உருவாக்க முடியும். மேலும் இலவச ஆலோசனைக்கும், வழிகாட்டவும் அணுகவும் - ஸ்ரீதர் ராஜசேகர் ஸ்ரீ இன்வெஸ்ட்மெண்ட்ஸ்