Nasiha ga 'Yan Kasuwa: Ku Saukar da Farashi, Ku Samu Rahamar Allah Da sunan Allah, Mai rahama, Mai jin ƙai. ‘Yan uwa ‘yan kasuwa, muna roƙon ku da ku ji tsoron Allah a cikin kasuwancinku, musamman a irin wannan lokaci da mutane ke fama da tsadar rayuwa. Ku sani, dukiya kyauta ce daga Allah, kuma yana gwada mu da ita don ganin yadda za mu sarrafa ta. Manzon Allah (SAW) ya ce: "Mai tauye awo da sikeli, yaku mai cutar da mutane a kasuwa, kada kuyi tunanin za ku ci nasara. Hakika ba sa nasara." (Muslim) Wannan yana nuni da cewa duk wanda ke yin kasuwanci da cuta da zalunci, ba zai taɓa cin riba mai albarka ba. Wani abu mai tayar da hankali shi ne mutum ya sayo kaya ya ɓoye don ya ƙara tsada a lokacin da mutane ke bukata. Wannan halayya ba ta dace da musulmi ba. Akwai hadisin da ya zo a cikin Sunan Abu Dawud cewa: "Wanda ya tara kaya (ya ɓoye don su yi tsada), to hakika ya aikata zunubi!" Ramadan lokaci ne na rahama, ba lokaci ba ne na cutarwa da zalunci. Idan mutum ya yi kyauta, ko ya saukar da farashi domin sauƙaƙawa bayin Allah, to Allah zai saka masa da albarka da lada mai yawa. Muna kira ga duk wanda ke da iko da farashi a kasuwa da ya ji tsoron Allah. Ku sauƙaƙa wa bayin Allah, don ku sami sauƙi a rayuwa da lahira. Kuyi tunanin cewa wata rana za ku bar wannan duniya, kuma abin da zai tsira muku shi ne kyakkyawan aiki. Allah ya sanya albarka a kasuwancinku, ya tsarkake ribarku, ya kuma cika muku burinku. Amin *IMAM HANIF*