*"ജൂബിലിയുടെ ആദ്യ മാസത്തിൽ റോമിലേക്ക് വന്നത് 13 ലക്ഷം തീർത്ഥാടകർ"* വത്തിക്കാനിലെ സെന്റ് പീറ്റേഴ്സ് ബസിലിക്കയിലെ വിശുദ്ധ കവാടത്തിലൂടെ 2025-ലെ ജൂബിലി വർഷത്തിന്റെ ആദ്യ മാസത്തിൽ 13 ലക്ഷം തീർത്ഥാടകർ കടന്നുപോയതായി സുവിശേഷവത്കരണത്തിനായുള്ള ഡികാസ്റ്ററിയുടെ പുതിയ സുവിശേഷവത്കരണ വിഭാഗത്തിന്റെ പ്രോ-പ്രിഫെക്റ്റ് ആർച്ച്ബിഷപ്പ് റിനോ ഫിസിക്കെല്ല അറിയിച്ചു. 2025 ഫെബ്രുവരി 7-ന് സായുധ സേനകളുടെ ജൂബിലിയുമായി ബന്ധപ്പെട്ട വാർത്താസമ്മേളനത്തിലാണ് ഈ പ്രഖ്യാപനം നടത്തിയത്. തീർത്ഥാടകരുടെ എണ്ണം ശ്രദ്ധേയമാണെങ്കിലും, ജൂബിലിയുടെ യഥാർത്ഥ വിജയം പങ്കെടുക്കുന്നവരുടെ ഹൃദയത്തിലാണ് ഫിസിക്കെല്ല ഊന്നിപ്പറഞ്ഞു. പരമ്പരാഗതമായി, റോമിലെ നാല് പേപ്പൽ ബസിലിക്കകളിലാണ് വിശുദ്ധ കവാടങ്ങൾ തുറന്നിരിക്കുന്നത്: സെന്റ് പീറ്റേഴ്സ്, സെന്റ് ജോൺ ലാറ്ററൻ, സെന്റ് മേരി മേജർ, സെന്റ് പോൾ ഔട്ട്സൈഡ് ദി വാൾസ് എന്നിവയാണവ. ഈ വർഷം, ഫ്രാൻസിസ് മാർപാപ്പ റോമിലെ റെബിബിയ ജയിലിലും ഒരു വിശുദ്ധ കവാടം തുറന്നു, ജൂബിലിയുടെ വ്യാപ്തി കൂടുതൽ വിപുലപ്പെടുത്തി. ജൂബിലി ആഘോഷങ്ങളും ഇറ്റലിയിലൂടെയുള്ള തുടർന്നുള്ള യാത്രാ പ്രിയവും സന്ദർശകരുടെ ഉയർന്ന എണ്ണത്തിന് കാരണമായി. ഈസ്റ്റർ, വേനൽക്കാലം തുടങ്ങിയ തിരക്കേറിയ സമയങ്ങളിൽ ജൂബിലി ആഘോഷങ്ങൾക്കായി കൂടുതൽ ജനങ്ങൾ എത്തിച്ചേരും എന്നാണ് പ്രതീക്ഷിക്കുന്നത്. വാഴ്ത്തപ്പെട്ട കാർലോ അക്യുറ്റിസ്, വാഴ്ത്തപ്പെട്ട പിയർ ജോർജിയോ ഫ്രസാറ്റി എന്നിവരെ വിശുദ്ധരായ പ്രഖ്യാപിക്കുന്നത് പോലെയുള്ള പ്രധാന ദിവസങ്ങളിൽ തീർത്ഥാടകരുടെ എണ്ണം വർദ്ധിക്കുമെന്നാണ് പ്രതീക്ഷിക്കുന്നത്. 2026 ജനുവരി 6 വരെ ജൂബിലി തുടരും, വിശുദ്ധ വർഷത്തിൽ 30 ദശലക്ഷത്തിലധികം തീർത്ഥാടകർ റോമിലേക്ക് എത്തുമെന്നാണ് കണക്കുകൂട്ടൽ. ലോകമെമ്പാടുമുള്ള വിശ്വാസികൾക്ക് ആത്മീയ നവീകരണത്തിനും പരിവർത്തനത്തിനുമുള്ള അനന്യമായ അവസരമാണ് ജൂബിലി വർഷം.