PRESS RELEASE "Kum 2025 LADC General Election lo awm turah ZPM party chu Lairam mipuite beisei leh rin kai ber a nih avangin, Pathian leh mipuite zarah hnehna kan chang ngei dawn a ni." - Pu H. Lungrualkima Treasurer ZPM Lai Dist. Hqtrs. Dated Lawngtlai, 31st January, 2025. Vawiin khan ZPM Lai District Headquarters office Lawngtlaiah, 'Political Session' hun hman a ni a. He huna thusawitu Pu H. Lungrualkima, Treasurer ZPM Lai District Headquarters chuan, Mizoram chhim lamah ZPM party chuan nasa taka hma a sawn mek thu leh, hma hun êng tak a neih thu a sawi a. "Kum 2025 LADC General Election lo awm turah ZPM party chu Lairam mipuite beisei leh rin kai ber a nih avangin, Pathian leh mipuite zarah hnehna kan chang ngei dawn a ni." a ti. ZPM Lai District Headquarters Treasurer chuan, bial hrang hranga ZPM MDC ticket beiseitu te chu induhsak tawn a, thahnemngai taka thawk ho zel turin a chah a. Mipuiin party dangte lakah beiseina an neih tawh loh avangin, ZPM party mite chu inlungrualna leh inhmangaih tawnna nen, midangte tana belh tlak ni zel chunga ZPM tana pen chhuak fo turin a chah bawk a ni. Pu H. Vanlalhlunsanga, General Secretary kaihhruai he hun hmanna ah hian, Pu JH. Thangliana Adviser chuan hunserh a hmang a. Pu K. Hre Kung MDC, Leader of Opposition LADC, party hruaitute leh party mi thahnemtak an tel a ni. Issued by :- Media, IT & Publicity Dept. ZPM Lai District Headquarters Lawngtlai, Mizoram. PR No. ZPM-04/Lai-DHQ/2024-2026/IT/59 Dated Lawngtlai, 31st January, 2025.