VOTERS 44 IN ZPM ZAWM Nimin Dt. 07th Febuary, 2025 (Zirtawpni) khan Hmawngbuchhuah khua aṭangin voters 44 (chhungkaw 25) zetin an awmna Congress leh MNF party chhuahsanin, ZPM party an zawm. ZPM zawm tharte hi Pu MC. Lalramchhana President ZPM Lai District Headquarters Lawngtlai chuan a lawmlut a. Thusawina tawi nei nghal bawkin, "Lawngtlai District-ah ZPM party in hma kan sawn nasa hle a, kum 2025 LADC General Election lo awm tur atan ZPM chu kan inbuatsaih mek zel a, Pathian leh mipuite zarah hnehna sang tak kan chan ngei ka beisei a ni." a ti. Hmawngbuchhuah hi Lawngtlai West-a Sekulh MDC bial chhunga awm niin, Pu Lalzirtluanga General Secretary, ZPM Lai District Headquarters hmalakna in he bialah hian November 2024 - Febuary 2025 chhungin ZPM party zawm thar mi 150 chuang lawmluh an ni tawh a. ZPM VC thar pianna khua awm tawh bawkin, ZPM VC siam mai tura tih fel tawh VC an la awm nual bawk a ni. Mithar lawmlut tura kal ZPM Lai District Headquarters President Pu MC. Lalramchhana hi a nupui Pi Laltlangmawii bakah ZPM Lai District Headquarters Lawngtlai hruaitute ; Pu Lalzirtluanga GS, Pu TC. Lalbuatsaiha GS, Pu K. Lalengliana GS, Pu NT. Lalmuanzuala GS, Pu K. Lalthantluanga Adviser, Pu F. Lallungruala Secretary, Pu Andrew Lalthanliana Jt. Secretary, Tv. Zoremsiama (i/c Photo) leh Nl. H. Lalhmingmawii te'n an tawiawm a ni. Issued by :- Media, IT & Publicity Dept. ZPM Lai District Headquarters Lawngtlai, Mizoram.