KHUALLIAN NIIN HUN HMAN PUI Dated Lawngtlai, 10th February, 2025. Vawiin hian Lawngtlai East MLA Dr. Lorrain Lalpekliana Chinzah, Adviser to Chief Minister chuan 'Fire Prevention Week 2025' hawnna programme, DC Conferance Hall Lawngtlaia neihah khuallian niin hun a hman pui. Khuallian chuan Mizo te chu min thlahtu kan pi leh pu te aṭanga tlang ram lo neih hmanga eizawng hnam, ram ngaw behchhana khawsa thin kan nih thu a sawi a. Mizoram chu Zofa te tana Pathianin a lo ruat lâwk, kan chenna leh khawsakna tura a lo duan sa a ni a, a chhunga leilung hausakna thing leh mau, nungcha leh thil nung chitin rengte chu duat tak leh hmangaih taka kan enkawl a tul thu leh, a venhim hnathawh chu kan mawhphurhna a nih thu a sawi. Adviser to Chief Minister chuan, thunun theihloha kang mei chhuak thin chuan mihringte leh nungchate ah nghawng thalo leh pawi tak a thlen thin thu sawiin, khawvelin a buaipui global warming leh tui hna tlem zelte chu kang meiin a nghawng chhuah pakhat a ni, a ti a. Ram kang zawng zawng deuh thaw chu a chhehvela cheng mihringte aṭanga chhuak thin a nih thu sawiin, Forest Survey of India in a chhinchhiah danah Mizorama ramngaw te chu kang awlsam tak a nih avangin mitinte chu fimkhur leh zual turin a chah bawk a ni. Lawngtlai East MLA chuan, kangmei venna kawnga Lawngtlai District in lawmman a lo lak thin tawhte chu lawmawm a tih thu sawi bawkin, nasa leh zual zawka kang mei venna kawnga thawhho zel turin Sawrkar, NGOs, VC leh mimal tinte chu a ngen zui bawk a ni. Dr. Lorrain Lalpekliana Chinzah hi ZPM Lai District Headquarters aiawhin Samuel Laldawngliana Chinzah, General Secretary i/c Media Department chuan a tawiawm a ni. Issued by :- Media, IT & Publicity Dept. ZPM Lai Dist. Hqtrs Lawngtlai.