LAWNGTLAI DISTRICT MAMAWH HRANG HRANGTE THLEN Dated Lawngtlai, 14th Febuary, 2025. LADC kaihhnawih leh, party thil pawimawh buaipuia Aizawla hun hmang mek ZPM Lai District Headquarters Lawngtlai hruaitute chuan, vawiin khan Minister hrang hrangte hmuin Lawngtlai District mamawhte an thlen. ZPM Lai District Headquarters hruaitute hian Pu C. Lalsawivunga i/c DC & MA etc. hmuin, LADC kaihhnawih chungchang an sawi pui a. Pu Lalnghinglova Hmar Minister i/c Sports & Youth Services Dept. etc. leh Lawngtlai West hmui mektu ni bawkte, Prof. Lalnilawma Minister i/c Rural Development etc. te leh, Pu Lalmuanpuia Punte Adviser to Chief Minister (Political) te hmu bawkin, Lawngtlai District mamawh chi hrang hrangte leh LADC chungchang te an sawi pui a, inkawmna hun hlawk thlak tak an hmang ho a ni. ZPM Lai District Headquarters aiawh hian Pu MC. Lalramchhana President, Pu J. Zahlira Sr. Vice President, Pu H. Lalvuankima Hrangsai GS, Pu NT. Lalmuanzuala GS leh Pu Lalzirtluanga GS te an fehchhuak a ni. Issued by :- Media, IT & Publicity Dept. ZPM Lai District Headquarters