ДҮНИЕ ҚАЖЕТТІ НӘРСЕ, ИЛАҺИ БІЛІМ ШАРТТЫ НӘРСЕ дүние білімі осы уақытша өмірдегі жан бағысқа керек, ал илаһи білім мәңгілік ақиреттегі бақытқа керек, шындығында ислам алдынғысын білім демеген, дүние деген, артқысын ғана білім деген. Алдынғысы кемінде қажетіңді шешсін, ол қажетті, бірақ түпкі мақсат емес, адам дүниеге келеді екен, әйтеу тірлігін жасайды, ол тәбиғи құбылыс. Адам көше сыпырушы болама, инженер болама, ғалым болама, бай я кедей болама, саудагер болама, әлде президент болама, Алла алдында бұлар маңызды емес, маңыздысы олардың халал табыспен жан бағуы, жүрек көзінің ашық болуы және Алла жолында жүруі болмақ. Жеті жерге патша болсаң, бірақ Алла жолында болмасаң, Алла алдында шыбын құрлы құның болмайды. Дүниеге тым сүңгіме, себебі оған сүңгіген сайын қараясың, көкірегің қысылады, иманың түседі, тәкаппарлығың артады, білімді наданға айналасың. Ал илаһи білімге қанша сүңгісең де болады, себебі оған сүңгіген сайын нұрланасың, жүрек көзің ашылады, иманың артады. Илаһи білім жаныңның азығы, Аллаға жақындатады, осы дүниеде де, көрде де, мәңгілік ақиретте де бақытты етеді. Әрине, Алла дүние нығыметін мол берсе, шәриғат шеңберінде, тәриқат әдебінде ішіп жеудің, ойнап күлудің, дүние қызығын көрудің еш оғаштығы жоқ, ислам бұдан тыймайды, бірақ олар халал болсын, сонымен бірге Алла жолында болуың керек, алғы шарты осы, сонда Алланы сыйлаған боласың. Егер мол байлығыңды Алла жолында істете білсең, қуатты мұсылманға айналасың, тіпті көрде жатсаң да кейбір жасаған игіліктеріңнің сауабы артыңнан келіп тұратын болады. - МӘУЛӘНӘ ШАЙЫҚ МЕХМЕТ ХАЗІРЕТ دۇنيە قاجەتتى نارسە، يلاھي ءبىلىم شارتتى نارسە دۇنيە ءبىلىمى وسى ۋاقىتشا ومىردەگى جان باعىسقا كەرەك، ال يلاھي ءبىلىم ماڭگىلىك اقيرەتتەگى باقىتقا كەرەك، شىندىعىندا يسلام الدىنعىسىن ءبىلىم دەمەگەن، دۇنيە دەگەن، ارتقىسىن عانا ءبىلىم دەگەن. الدىنعىسى كەمىندە قاجەتىڭدى شەشسىن، ول قاجەتتى، ءبىراق تۇپكى ماقسات ەمەس، ادام دۇنيەگە كەلەدى ەكەن، ايتەۋ تىرلىگىن جاسايدى، ول ءتابيعي قۇبىلىس. ادام كوشە سىپىرۋشى بولاما، ينجەنەر بولاما، عالىم بولاما، باي يا كەدەي بولاما، ساۋداگەر بولاما، الدە پرەزيدەنت بولاما، اللا الدىندا بۇلار ماڭىزدى ەمەس، ماڭىزدىسى ولاردىڭ حالال تابىسپەن جان باعۋى، جۇرەك كوزىنىڭ اشىق بولۋى جانە اللا جولىندا ءجۇرۋى بولماق. جەتى جەرگە پاتشا بولساڭ، ءبىراق اللا جولىندا بولماساڭ، اللا الدىندا شىبىن قۇرلى قۇنىڭ بولمايدى. دۇنيەگە تىم سۇڭگىمە، سەبەبى وعان سۇڭگىگەن سايىن قاراياسىڭ، كوكىرەگىڭ قىسىلادى، يمانىڭ تۇسەدى، تاكاپپارلىعىڭ ارتادى، ءبىلىمدى نادانعا اينالاسىڭ. ال يلاھي بىلىمگە قانشا سۇڭگىسەڭ دە بولادى، سەبەبى وعان سۇڭگىگەن سايىن نۇرلاناسىڭ، جۇرەك كوزىڭ اشىلادى، يمانىڭ ارتادى. يلاھي ءبىلىم جانىڭنىڭ ازىعى، اللاعا جاقىنداتادى، وسى دۇنيەدە دە، كوردە دە، ماڭگىلىك اقيرەتتە دە باقىتتى ەتەدى. ارينە، اللا دۇنيە نىعىمەتىن مول بەرسە، ءشاريعات شەڭبەرىندە، ءتاريقات ادەبىندە ءىشىپ جەۋدىڭ، ويناپ كۇلۋدىڭ، دۇنيە قىزىعىن كورۋدىڭ ەش وعاشتىعى جوق، يسلام بۇدان تىيمايدى، ءبىراق ولار حالال بولسىن، سونىمەن بىرگە اللا جولىندا بولۋىڭ كەرەك، العى شارتى وسى، سوندا اللانى سىيلاعان بولاسىڭ. ەگەر مول بايلىعىڭدى اللا جولىندا ىستەتە بىلسەڭ، قۋاتتى مۇسىلمانعا اينالاسىڭ، ءتىپتى كوردە جاتساڭ دا كەيبىر جاساعان يگىلىكتەرىڭنىڭ ساۋابى ارتىڭنان كەلىپ تۇراتىن بولادى. - ءماۋلانا شايىق مەحمەت حازىرەت #қазақ #тәриқат #салауат #әулие #ислам #дін #сопылық #пайғамбар #құран #салауат #kazakhstan #иман #islam #salawat #sufism #қазақстан #naqshbandi #maulana #rumi #руми #мәуләнә #iman #sufi #muhammad #ораза nvrislam.net instagram.com/nvrislami