امریکی شہری پاکستانی مظالم کے خلاف بلوچوں کا ساتھ دیں۔ بی این ایم بلوچ نیشنل موومنٹ نے امریکی شہریوں سے اپیل کی ہے کہ وہ بلوچ قوم کے حق خودارادیت کی حمایت کریں، بلوچستان میں جاری پاکستانی مظالم کے خلاف آواز بلند کریں اور اپنی حکومت سے مطالبہ کریں کہ پاکستان کو دی جانے والی تمام مالی و فوجی امداد فوری طور پر بند کی جائے۔ بی این ایم کے کارکنان نے امریکی عوام کو آگاہ کیا کہ امریکہ نے اپنے ٹیکس دہندگان کے پیسوں سے پاکستان کو اربوں ڈالرز کی امداد فراہم کی ہے، جسے پاکستانی فوج بلوچ قوم کی نسل کشی کے لیے استعمال کر رہی ہے۔