شايفين المسافة اللي بين الدكتور و العيان دي ؟ طب شايفين الممرضه اللي جنبه اللي برضه المسافه بينها وبين العيان اد ايه ؟؟ دي المسافة اللي بيقف فيها دكتور العناية المركزة و التمريض اللي بيساعده علشان يركب أنبوبة حنجرية و ده تمهيد لتوصيل العيان علي جهاز التنفس الصناعي ! ودي بتبقي أسوأ مرحلة ممكن يوصل لها مريض الإلتهاب الرئوي .. في الوقت اللي ممكن إبن ما يستلمش جثمان أبوه أو يرفض يدفنه في مقابرهم خوفاً من العدوي .. وفي الوقت اللي ممكن تبعد فيه عن أقرب الناس ليك لمجرد الإشتباه إن عنده كورونا ! الدكتور والتمريض بيبقوا واقفين كده قدام المريض كده حرفياً ! إفرازات المريض بتبقي كلها علي هدومهم و وشهم .. و علي فكرة بيبقو خايفين علي نفسهم وعلي أهلهم زيك بالظبط .. الإجراء ده في الوقت ده يساوي حياتك وحياة أغلي ما عندك فعلاً ! لو الفريق الطبي رفض يعمله .. هتموت .. مش هزار ! احنا مش عايزين زيادات ولا مكافآت .. ولا حتي مسميات ولا ألقاب ! احنا عايزين بس شوية تقدير للفريق الطبى لأنهم في مهنة قال عنها الإمام الشافعي : والله لا أعلم علما بعد الحلال والحرام أنبل من الطب . #فضل_الطب_والأطباء