‏لوگ کہتے ہیں ہم بھکاریوں کو نہ دیں تو پھر کیا کریں ، ہمیں سفید پوش نہیں ملتے اور نہ ہی معلوم ہے کہ سفید پوش کون کون ہے ؟؟ جواب 👇 جو آپ کے گھر پانی سپلائی کرتا ہے وہ سفید پوش ہے ، کسی بینک کے باہر کھڑا گارڈ سفید پوش ہے ، آپ کے گھر کام کرنے والی خاتون ، گلی میں غبارے بیچنے والا ، چھان بورا خریدنے والا سفید پوش ہے ، کسی درخت کے سائے یا دھوپ میں کھڑا سبزی فروش بوڑھا سفید پوش ہے ، روزے کے ساتھ گھر گھر بائیک پہ فوڈ پانڈا پہنچانے والا یا بائیک رائڈر، ٹیکسی ، رکشہ ڈرائیور نوجوان سفید پوش ہے ، قریبی رشتے دار ، پڑوسی ، ہر طرح کی مزدوری کرنے والے، قلی ، رنگ کرنے والا، کوئی چھوٹی سی دکان ، کیبن ، کھوکھا ، ڈھابہ ، ٹھیلے والا ، یا کوئی بھی چیز گھوم پھر کر بیچنے والا ، پھیری والا ، کسی چوک میں دھوپ میں بیٹھ کر جوتے پالش اور گانٹھنے والا اور گلی میں محنت مزدوری کرنے والا مزدور سفید پوش ہے ، آپ کے قریبی پارک کا مالی اور کسی مسجد، مدرسہ میں پندرہ ہزار ماہانہ تنخواہ لینے والا امام سفید پوش ہے ۔ کوئی بھی یتیم ، بیوہ ، طلاق یافتہ ، کم تنخواہ میں گزارہ کرنے والا ٹیچر ، معذور ، مریض ، یا ورکشاپ پہ کام کرنے والے بارہ تیرہ سالہ بچے سفید پوش ہیں ۔ سارا دن دھوپ میں سخت کام کرنے والا مزدور سفید پوش ہے ۔کسی گھر کا واحد کمانے والا فرد ، یا جس کی اولاد زیادہ ہو، سفید پوش ہے ۔ آپ کے خاندان یا دوستوں میں بھی کئی سفید پوش ہوں گے ۔ ان کو تلاش کیجیے چہروں سے پہچانیے ۔۔۔ اور ان کے ہاتھوں میں ، ان کے گھروں میں چُپکے سے دے آئیے۔ شکریہ