*⭕ فلسطینی عوام کے خلاف ایک اور جارحانہ اقدام: حماس کا صہیونی پابندیوں کے خلاف سخت ردعمل* 📌 حماس نے مسجد اقصیٰ میں عبادت پر صہیونی پابندیوں کی شدید مذمت کرتے ہوئے ان اقدامات کو خطرناک اشتعال انگیزی قرار دیا ہے۔ تنظیم نے اعلان کیا ہے کہ قابض فوج کی جانب سے رمضان المبارک کے دوران مسجد اقصیٰ میں نمازیوں کی تعداد کو صرف 10 ہزار تک محدود کرنے کا فیصلہ ایک نیا جارحانہ قدم ہے، جو مقدس مقامات پر قابض ریاست کی کنٹرول پالیسیوں کو مسلط کرنے کی کوشش ہے۔ 📌 حماس کے مطابق، یہ فیصلہ نہ صرف عبادت کی آزادی پر کھلی قدغن ہے بلکہ بین الاقوامی قوانین اور اسلامی مقدسات کی سنگین خلاف ورزی بھی ہے۔ تنظیم نے اس عزم کا اظہار کیا کہ قابض ریاست کی تمام چالوں کے باوجود مسجد اقصیٰ ہمیشہ ایک خالصتاً اسلامی وقف رہے گا اور اس کے تحفظ کے لیے فلسطینی عوام اور امت مسلمہ ہر ممکن قربانی دینے کو تیار ہے۔ 📌 حماس نے اسرائیلی حکومت کو خبردار کیا کہ ان پابندیوں کے خطرناک نتائج برآمد ہوں گے، اور عالمی برادری بالخصوص اسلامی تعاون تنظیم (OIC) سے مطالبہ کیا کہ وہ قابض ریاست کی جارحیت کے خلاف مؤثر اقدامات کرے۔ 📌 مزید برآں، حماس نے فلسطینی عوام سے اپیل کی ہے کہ وہ رمضان المبارک کے دوران زیادہ سے زیادہ تعداد میں مسجد اقصیٰ میں حاضر ہوں، اعتکاف کریں اور ہر ممکن طریقے سے صہیونی سازشوں کا مقابلہ کریں۔ حماس – 25 فروری 2025