طالبان له واخانه نړۍوال سوداګریز مرکز جوړوي! واشنګټن پوسټ د یوه راپور په خپرولو سره ویلي، اسلامي امارت هڅه کوي چې د هېواد لرې پرته سیمه، واخان په نړۍوال سوداګریز مرکز بدل کړي او افغانستان له چین سره ونښلوي. راپور د اسلامي امارت د مسوولینو له قوله راپور ورکړی چې دغه لویه لار بشپړې رغونې او روغ سړک ته اړتیا لري چې داسې ځایونه هم پکې جوړ شي څو د اوبو سطحې له لوړېدو سره د تګ راتګ مخه و نه نیول شي. راپور زیاته کړې چې په دې وروستیو کې د کورنیو چارو وزارت وزیر او د چین د سفیر ترمنځ په کتنه کې هم پر دغه موضوع ټینګار شوی دی.