اسلام؛ د ژوند قانون

اسلام؛ د ژوند قانون

5/14/2025, 2:22:39 AM

اسلامپال مبارزینو ته ښایې چې د کفر په صف کې ولاړو د حزب التحرېر د خناسانو پوچ او بې مفهومه تبلیغات رد کړي، خبره یې په حلق کې ور وچه کړي، او له دې پاک نظام څخه په جرأت دفاع وکړي. دا نظام ستاسو د شهیدو وروڼو او په دې لار کې ستاسو د جهاد او قربانۍ ثمره ده، مه پرېږدئ څو د خیال پلو دجالان او د کوڅو لیوني یې درڅخه بدنام کړي. د الله په لاره کې مو صفونه منظم کړئ یو ځل بیا ثابته کړئ چې د اسلامي امارت مباریزین د غیرت په ورځ پیدا دي. جابر نعماني

اسلام؛ د ژوند قانون

5/14/2025, 2:22:19 AM

حزب التحریر چې د تهداب هره خښته یې له شر او فتنې جوړه ده دجل کوي، خناسان دي وسوسې ایحادوي. دې فتنګري ډلي نه جهاد کړی، نه باور پرې لري، نه شهیدان لري، نه یې وعدې رښتیا کړي، نه نظام لري، نه حاکمیت، نه رعایا لري، نه تجربه، نه مسؤلیت ورته راجع دی او نه ادب لري. دوی امت د خلافت د اعادې په وعدو له قتال او جهاد منصرف کړی، د دې فتنګرو په فکرونو کې له اسلامي نظام سره دښمني ريښي کړي دي، دوی په شعوري توګه بوخت دي د یهودیانو مذموم اهداف تحقق کړي. دوی د یوه داسې شرعي نظام پر وړاندې د شیطانانو صفونه دي چې د دې نظام څخه پرې اطاعت واجب دی، او یواځینی بشپړ شرعي نظام دی. دوی په ډېر خباثت پر اسلامي امارت باندې د نقد جسارت کوي چې د امت په قضایاوو له هر چا ښه پوهیږي، د دې اسلامي خاوري د ازادی لپاره یې زرګونه سرونه نذرانه کړه، تر څو دا امت ازاد وي، خاوره یې پخپل اختیار کې وي. وضاحت ته اړتیا نشته، اسلامي امارت د دې خاورې د امت په اړتیاوو بهتر پوهیږي، او د خپلو کانونو څخه په استفادې هم ښه پوهیږي، فساد ختم دی، علیاء مصالح په احسن ډول درک دي او په پوره جرأت او صداقت یې تطبیقوي.

اسلام؛ د ژوند قانون

5/16/2025, 5:06:31 PM

*#چاپلوسي د الله د قهر لامل* *رسول الله ﷺ فرمایي: د فاسق په ستاینه؛ الله تعالی په قهر کیږي! قال النبي ﷺ : إذا مُدِح الفاسق، غضب الله تعالى. أخرجه البيهقي في شعب الإيمان (4 / 230، رقم 4885).*

اسلام؛ د ژوند قانون

5/14/2025, 3:42:31 PM

د أقصی لاروی! لیکوال: قاري عبدالستار سعید ځوان په مشکي آس سپور و، دتور پاج شمله یې تر اوربوز وهلې وه، سپين توغ یې د اوږې له پاسه رپېده، د غشو مات سرونه یې په زغره کې نښتي وو، له پړکېدونکې تورې یې د وینو سره څاڅکي څڅېدل. ځوان د تودې معرکې له ډګره بريمن راوتی و، د امت د عزت او پرتم د لارې یو سخت پيچومی یې په شل کلنو قربانیو فتحه کړی و. خو لا یې د خونړۍ معرکې ستړیا نه وه ختلې چې د لارې پر سر له یوه ماشوم سره مخامخ شو. دا کس له عمره نه بلکې له فکره ماشوم و، عمر یې تر اویاوو اوښت، مګر د ماشوم غوندې يې په لښته پښه اړولې او د خپل تخيلي قوت په زور يې د یرغه آس غوندې ځغلوله. په خپل ذهن کې یې ځان یو تکړه سپور او دوهم صلاح الدين فرض کړی و چې اقصی به فتحه کوي، خو له اویا کلو راهيسې له خپلې لښتې او قوي تخيل سره ځای پر ځای ولاړ و. ماشوم په ستومانه سپاره غږ وکړ: اې اې! دلته ګوره، لږ ماته غوږ ونیسه. د سپاره له بې خوبۍ خونریزې سترګې وځلېدې، ماشوم ته یې وروکتل خو آس يې ونه دراوه. ــ وايه ! څه دې ویل؟ ــ ته خو یو ځل لږ تم شوه، آس دې لږ ودروه! ــ خبره دې کوه. آس نه دروم، که يې ودروم، بيا نوزما د آس او ستا د لښتې څه فرق شو. ــ ښه نو دا راته ووایه،چېرې روان يې؟ ــ اقصی ته روان یم. ــ ښه ښه، زه هم د اقصی غازي یم، نو دا یوه مشوره خو مې ومنه. ــ وايه! څه مشوره ده؟ ــ یاره هسې دې ځان په تکليف کړی دی، دا آس، دا توره، دا درنې زغرې. وګوره ته څومره ستومانه او زه څومره آسوده یم. سره له دې چې ستا د مزل دېرش کاله او زما د مزل اویا کاله وتلي. راځه داسې وکړه، زما غوندې لښته پيدا کړه، پښه ورباندې واړوه او نور ټول کار له تخيلي قوت نه واخله. آس خو خوراک، مصرف او بالاخره مرګ لري. اما یوه لښته اویا کاله هم کفایت کوي. چې څومره وچیږي همدومره کلکيږي. آس خو کله وښوييږي، کله تيندک وخوري او نورې ډېرې ستړې ورسره تړلي دي. اما لښته هيڅ جانبي عوارض نه لري. موږ یې دا اويا کاله ځغلوو، تر اوسه مو پزه هم نه ده وينې شوې. بله دا چې یوازې لښته هم کفايت نه کوي. بلکې د اقصی د ګټلو شعار او غږ به هم پورته کوې. ګټه به یې دا وي چې هم د اقصي غازي بلل کيږې او هم به صحيح سلامت پر کور ناست یې. ځوان چې د دې کس وضعيت ته وکتل، خپل درې کلن زوی ور په یاد شو، چې د جهاد له شوقه یې کله په لښته او کله په بالښت پښه اړولې وي او د یرغه آس په شان يې ځغلوي. نور یې هيڅ ځواب ورنکړ او آس یې پونده کړ.

اسلام؛ د ژوند قانون

5/12/2025, 5:34:09 PM

*د شپې لخوا په اوداسه او ذکر باندي د ويده کېدلو ثواب:* ژباړه: معاذ بن جبل رضي الله عنه د رسول الله صلی الله عليه وسلم څخه روايت کوي چې هغه وفرمايل: هيڅ مسلمان د شپې لخوا په اوداسه باندي د ذکر په حالت کې نه ويده کيږي او بيا د شپې لخوا ويښيږي او د دنيا او آخرت د ښېګڼي دعا کوي مګر دا چې هغه ورته ورکول کيږي. توضيح: يعني څوک چې د شپې لخوا په اوداسه باندي په داسي حالت کې ويده شي چې د الله تعالی ذکر کوي نو کله چې د شپې لخوا ويښ شي او د دنيا يا آخرت په اړه دعا کوي ارومرو يې الله تعالی دعا قبلوي او د کوم شي چې يې غوښتنه کړېده الله تعالی يې ورکوي. عَنْ مُعَاذِ بْنِ جَبَلٍ عَنِ النَّبِىِّ -صلى الله عليه وسلم- قَالَ مَا مِنْ مُسْلِمٍ يَبِيتُ عَلَى ذِكْرٍ طَاهِرًا فَيَتَعَارُّ مِنَ اللَّيْلِ فَيَسْأَلُ اللَّهَ خَيْرًا مِنَ الدُّنْيَا وَالآخِرَةِ إِلاَّ أَعْطَاهُ إِيَّاهُ. [سنن ابي داود 5044] مولوي نورالحق مظهري

اسلام؛ د ژوند قانون

5/15/2025, 5:09:36 PM

حاجي عبدالسلام وزیروال لیکې: غوغا جوړول او د اذهانو اغتشاش شيطاني افعال دي او په خپلواکو هېوادونو کې د ذهني اغتشاش لپاره د پیسو خرابات چې تبلیغاتي ځري پرې واخلي، د غرب اساسي هدف دی غربیان په دیموکراتیکو هېوادونو کې پر دیموکرات اپوزېسیون خرابات کوي او په اسلامي حکومتونو کې د نظام پر ضد د پارونې لپاره د تحریر په څېر پروژې چې اسلامي لباس استفاده کوي، اکمالوي ترڅو ولسي اذهان د خپلو نظامونو څخه په کامل ډول ملاتړي نشي.

اسلام؛ د ژوند قانون

5/16/2025, 5:48:11 PM

(1) د اسلامي امت ځوانان که د پخوانیو ښځو په اندازه غيرت وکړي هم به کفار په مسلمانانو حاکم نشي، خو باور لرم چې د اوس زمانې ځينې نران د اوسنۍ زمانې د ښځو په اندازه غيرت هم نه لري؛ أسماء بنت يزيد الأنصاري: شهدت اليرموك مع الناس فَقَتَلَتْ سَبعَةٌ مِنَ الرُّوم يعمودِ فُسطاط ظلتها ،احمد ترمذی و ابن ماجه) د يزيد الانصاري لور (اسماء) :وايي د یرموک په جګړه کښي حاضره وم، د هغه اوسپنې په وسيله چې مونږ پرې خېمه، یا سایوان درولی وو، ما اوه (۷) تنه رومیان ووژل نن ورځ که د اسلامي امت ځوانان د اسماء او په اندازه غیرت وکړي قسم دی چې کفار به د ځمکې د اوبو څښلو اجازه هم له مسلمانانو څخه اخلي. (3) د ټولو دعوتګرانو څخه مو هيله دا ده چې تاسې ته الله تعالى ستره موقع په لاس درکړې ،ده ،قلم، علم او منبر يې په لاس درکړي دي، خلک يې ستاسو دعوت اور بدلو ته مسخر کړي دي، نو راشئ نن ورځ د جهاد لپاره کار وکړئ، راشئ په خلکو کښې د جهاد فکر عام کړئ، خیر که په دې لاره کښې له تكليفونو سره مخ شئ، د رسول الله ژوند ته وګورئ، بيا الله تعالی درته صبر او استقامت درکوي، ځکه چې هغه د دې دین او جهاد په خاطر زیات تکليفونه تېر کړي، تاسې هم تر هغې ځانونه زيات محترم او د لوړې درجې مه ګڼئ، په نره مبارزه وکړئ چې الله تعالى درڅخه راضي شي او امت راپورته شي. (4) هغه ملتونه چې په خواهشاتو او شهوتونو کښې غرق شي، له هغه څخه بيا د ننګ او غیرت طمعه نه کېږي او نه به د کفارو په مقابل کښې ودرېږي، تل به د نورو غلامان وي، داسې ملتونه چې غيرت او احساس ونۀ لري د مړو حيثيت لري، چې نه له ځان څخه دفاع کولای شي او نه هم د دښمن په مقابل کښې كوم اقدام کولای شي؛ شهید شيخ عبدالله عزام ) فرمایي ملتونه د خپلو شهوتونو په اساس مړه كېږي، يعني ضمير احساس او غيرت يې مړ شي چې له خپل ځان او نورو څخه دفاع نشي کولای دوی صرف د خپلو شهوتونو په مجازي نړۍ کښې نېشه ،وي چې له دیندارۍ او غیرت سره هېڅ اړيکه نه لري. *دجهاد په کولو سره ځانونه له منافقت څخه وساتئ، ځکه چې منافقین جهاد نه کوي او نه هم د جهاد لپاره تیار وي، که چېرې جهاد ته لاړشي بيا هم داسې کارونه کوي چې مسلمانانو ته زيان ورسوي؛ الله تعالی فرمایي: لَوْ خَرَجُوا فِيكُم مَّا زَادُوكُمْ إِلَّا خَبَالًا [سُوْرَةُ التوبة : 47] :ژباړه که هغوی ستاسې سره وتلي وای، نو په تاسې کښې به يې له تخریب څخه پرته نور څه نه وای زیات کړي. ځينې خلک نن ورځ هم جهاد نه ،کوي په مجاهدینو پسې تخریب او خبرې کوي، په کور آرامه ژوند کوي او عجيبه خو دا ده چې خپل ځان تر هر چا کلک مسلمان هم ګڼي؛ شريعت بيا وايي چې د فریضې پرېښودل كبيره ګناه ده.* *ترتيب: صـديـق اللّه (صـادق)* *مـاخــذً: فـجــر الــجـــهـــاد*

اسلام؛ د ژوند قانون

5/16/2025, 5:08:46 PM

*په ملګرتیا کې پام کوئ* > قال ابن عبدالبر رحمه الله: كان يقال ما شئ أسرع في فساد رجل وصلاحه من صاحبه . [بهجة المجالس(١٥١)] ژباړه: ابن عبدالبر رحمه الله فرمایي: ویل شوي دي، د انسان د بربادۍ او اصلاح لپاره تر ټولو ژر اغېز لرونکی شی د هغه ملګری دی. "بهجة المجالس۱۵۱" *م صدیقي ۱۴۴۶/۱۱/۱۵هــ ق*

اسلام؛ د ژوند قانون

5/13/2025, 4:45:11 PM

خبرتیا پوهنې وزارت د هېواد د ټولو وګړو لپاره د مناسبو، معیاری او عادلانه فرصتونو رامنځته کولو په درشل کې، نن د ثانویه او مافوق ثانویه درجو لپاره د آزموینو پایلې، تر هر اړخیزې شننې او ارزونې وروسته، د بشپړې روڼتیا، عدالت او مساوات په پام کې نیولو سره اعلان ته وسپارلې. د یادولو وړ ده، چې د پوهنې وزارت د اسلامي زده کړو معينیت څه موده مخکې د مرکز په شمول په ټولو ولايتونو او دارالهجرت تعلیمي مرکزونو کې د ديني مدارسو له طالب العلمانو څخه د ثانويه او مافوق ثانويه مرحلو مشترکه آزموينه واخیستله؛ په همدې تړاو بریالي کسان کولی شي، چې د خپلو شهادتنامو اخیستلو لپاره اړوندو ولایتونو ته د فورمونو ډکولو په موخه مراجعه وکړي، تر څو خپل تحصیلي اسناد ترلاسه کړي. د خپلو پایلو لیدو لپاره لاندې لېنک ته مراجعه وکړئ: https://moe.gov.af/dr/%D9%86%D8%AA%D8%A7%DB%8C%D8%AC-%D8%A7%D9%85%D8%AA%D8%AD%D8%A7%D9%86%D8%A7%D8%AA-%D8%AF%D9%88%D8%B1%D9%87-%D9%87%D8%A7%DB%8C-%D8%AB%D8%A7%D9%86%D9%88%DB%8C%D9%87-%D9%88-%D9%85%D8%A7%D9%81%D9%88%D9%82-%D8%AB%D8%A7%D9%86%D9%88%DB%8C

اسلام؛ د ژوند قانون

5/12/2025, 3:19:42 PM

د برېتانیا ځانګړو ځواکونو پخوانی غړی: برېتانوي ځواکونو به افغانستان کې بې ګناه په خوب ویده ملکیان وژل د برېتانیا ځانګړو ځواکونو پخوانیو غړو د خپلو ملګرو د «جنګي جنایتونو» په اړه چوپتیا ماته کړې، هغوی وایي، برېتانوي ځواکونو به په بې ګناه په خوب ویدو افغانانو مرمۍ ورولې. د برېتانیا ځانګړو ځواکونو مخکېنیو غړو تر کلونو وروسته بي بي سي سره خبرو کې د خپلو ملګرو له لوري افغانستان او عراق کې له جنګي جنایتونو پرده پورته کړې. دغو ځواکونو د لومړي ځل لپاره په علني ډول اعتراف کړی چې د برېتانیا ځانګړو ځواکونو افغانستان کې په ملکیانو په خوب حالت کې ډزې کولې او په بې رحمانه ډول به یې نیول شوي لاس تړلي ماشومان وژل. یوه سرتېري بي بي سي ته ویلي، افغانستان کې د برېتانیا ځانګړي ځواک یوه سرتېري د یوه ماشوم لاسونه وتړل او وروسته یې په ډزو وواژه په خبره یې، هغه دومره کوچنی و چې حتی د جګړې په اړه په هیڅ نه پوهېده. نوموړي زیاته کړې، د ملکیانو وژل د ځواکونو په منځ کې په یوه عادي کار بدل شوی و؛ دغو ځواکونو به خلک لټول او لاسونه به یې پرې تړل او وروسته به یې وژل او د صحنې جوړولو لپاره به یې د هغوی په خوا کې وسلې اېښودلې تر څو وښيي هغوی مسلح وو. دغه پوځیان وایي، افغانستان کې به یې په یوه سیمه په برید کې هلته ټول موجود کسان وژل د ډاډ ترلاسه کولو لپاره به یې ټول جسدونه بیا کتل که به کوم کس به ژوندی پاتې و هغه به یې هم وواژه دا هغه کړنه وه، چې څوک ترې سترګې نه شي پټولی. دغه ټکان ورکوونکي اعترافونه وروسته له هغې کیږي، چې تر دې وړاندې هم افغانستان کې د برېتانوي اشغالګرو ځواکونو له لوري د جنګي جنایتونو راپورونه ورکړل شوي وو، اوس د بشري حقونو فعالان وایي، سره له دې چې کره شواهد او ښکاره اعترافونه هم شته، خو نړېواله ټولنه او بنسټونه چې ځانونه د بشري حقونو مدافعین بولي دا دنده لري، چې دغه جنګي جنایتونه په جدي ډول وڅېړي او عاملین یې تر قانوني تعقیب لاندې راولي. ‎#حریت راډیو