پسنی ءَ پاکستانی لشکر ءِ پنچ کارمندانی کوش ءِ زمہ واری بی ایل اے ءَ من اِتگ Feb 10 , 2025 آشوب نیوز بلوچ لبریشن آرمی ءِ جارکش جیئند بلوچ ءَ رسانکدر ءَ وتی شنگ کتگیں درشانے ءَ گوشتگ کہ بی ایل اے ءِ سرمچاراں پاکستانی لشکر ءُ کوسٹ گارڈ دو جتاجتائیں اُرشاں نشانگ کتگ ءُ پنچ کارمند کشتگ۔ آئی گوشتگ کہ بی ایل اے ءِ سرمچاراں پسنی شھر ءَ کوسٹ گارڈ ءِ ٹوھیں بنجل ءِ بھازداریں چوکیانی کارمندانی سر ءَ گوں وتکاریں سلاھاں اُرش کتگ ھمے میان ءَ گرنیڈ لانچر ءِ باز گولا آس داتگ کہ نشانگ ءَ لگ اتگ اَنت۔ اُرش ءَ دژمنیں لشکر ءَ جانی ءُ مالی تاوان بوتگ آئی گوشتگ کہ بی ایل اے ءِ سرمچاراں گوں وتی شوربندیاں بنگلہ بازار ءَ دگ ءِ سر ءَ تراکناکیں شورہ چیر کرتگ اَنت۔ اُرش ءَ پد پاکستانی لشکر ءِ سئے گاڑیانی گشتی ٹولی آتکگ کہ کاروان گوں تراکناکیں شورھاں نشانگ کتگ۔ دژمن ءِ یک گاڑی یے تراک ءِ زد ءَ آتکگ ءُ پنچ دژمنیں کارمند مرتگ ءُ باز ٹپی بوتگ۔ آئی گوشتگ کہ اُرش ءَ پد لگوریں دژمن ءَ میتگانی سر ءَ تیرگواری کتگ ءُ چہ رسانکدر ءَ وتی تاوان ءِ چیر دیگ جھد کرتگ ءُ سرمچارانی جانی تاوان ءِ دروگیں ٹاپار جتگ۔ لگوریں دژمن ءَ شپ ءَ باز شھری آوار جتگ ءُ زوربیگواہ کرتگ اَنت جارکش ءَ اُرش ءِ زمہ واری من اِتگ ءُ گوشتگ کہ کول کن ایں کہ چہ زورگریں پاکستانی لشکر ءُ آئی شریک داراں بلوچ راج ءِ سر ءَ بوْکیں زورکیانی ھساب گرگ بنت۔ https://t.me/Ashoob_News/7881