Ashoob News
142 subscribers
About Ashoob News
"A voice for the unheard"
Similar Channels
Swipe to see more
Posts
تربت ءَ پاکستانی لشکر ءِ سر ءَ اُرش ءِ زمہ واری بی ایل ایپ ءَ من اِتگ May 16 , 2025 آشوب نیوز بلوچستان لبریشن پرنٹ ءِ جارکش میجر گْوھرام بلوچ ءَ رسانکدر ءَ وتی شنگ کرتگیں درشانے ءَ گوشتگ کہ مرچی 16 مئی ءِ بیگاه ءِ شش ءَ مئے سرمچاراں تربت ءِ ھند آپسر بلوچی بازار ءَ ایپ سی ءِ برجاھیں ھیلکاری بنجل ءِ سر ءَ راکٹ لانچر ءِ باز گولا آس داتگ کہ نشانگ ءَ لگ اِتگ اَنت ، چریشی ءَ زورگریں لشکر ءَ جانی ءُ مالی تاوان بیتگ۔ جارکش ءَ گوشتگ کہ اُرش ءِ میان ءَ سرمچاراں دو چاریگی کیمره ھم نشانگ کتگ ءُ تباه کتگ اَنت۔ میجر گْوھرام بلوچ ءَ اُرش ءِ زمہ واری من اِتگ ءُ گوشتگ کہ داں بلوچستان ءِ آجوئی ءَ وتی اُرشانی برجاه دارگ ءِ کول ءَ کن اِیں۔ https://t.me/Ashoob_News/8534
نال لیویز چوکی سر ءَ دستگ کتگ سرکاری سلاہ برتگ اَنت - بی ایل ایپ May 16 , 2025 آشوب نیوز بلوچستان لبریشن پرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ پانزدہ مئی 2025 ءِ بیگاہ شش نیم ءَ بی ایل ایپ ءِ سرمچاراں گوادر نیشنل ھائی وے ( این ایچ 25 ) لنک ءِ پھازوکی ھاتر ءَ نال ءِ دمگ ھڑنبو کنڈگ سر ءَ برجاھیں لیویز چوکی انگر ءَ کتگ ءُ اود ءَ ھستیں سرجمیں سرکاری سلاہ ءُ دگہ سامان دستیگ کتگ اَنت- جارکش ءَ گْوشتگ ڈیوٹی ء ساڑی کارندہ مردمگری ءُ بلوچ بیگ سبب ءَ بید تاوان دیگ ءَ یل داتگ اَنت- جارکش ءَ گْوشتگ بی ایل ایپ ھڑنبو کنڈگ نال، لیویز چوکی سر دستیگ ءُ سرکاری سلاھانی برگ زمہ واری ءَ منّ اِیت ءُ بلوچستان ءِ وتواجھی ءَ تاں زورگریں پاکستان ءِ ریاستی مشینری ءِ سرجمیں بھرانی سر ءَ اُرشانی برجاہ دارگ ءِ کول کن ایں- https://t.me/Ashoob_News/8533
جاھو ءَ پاکستانی لشکر ءِ سر ءَ اُرشے بیتگ May 17 , 2025 آشوب نیوز آواران ءِ دمگ جاھو ءَ پجار نہ بیتگیں سلاہ بندیں مردماں زورگریں پاکستانی لشکر ءِ چوکی ءِ سر ءَ اُرش کتگ۔ ھالانی ءِ رد ءَ دوشی ادار ھشت ءَ جاھو ءِ میتگ کوٹو ءَ برجاھیں پاکستانی لشکر ءِ چوکی نشانگ کنگ بیتگ۔ اُرش داں دیر ءَ برجاہ بیتگ اُرش ءِ آسر ءَ پاکستانی لشکر ءِ جانی تاوان ءِ ھال اِنت۔ اُرش ءَ پد چہ آواران ءِ نیمگ ءَ دو ایمبولینس گاڑی آیگ ءَ کنگ بوتگ اَنت کہ آیاں مرتگیں کارمندانی لاش ءُ ٹپی بیتگیں کارمند پہ الاج کنگ ءَ برتگ اَنت۔ اُرش زمہ واری انگت ھچ گل ءَ نہ زرتگ- https://t.me/Ashoob_News/8537
ھُزدار ءَ لیویز چوکی سر ءَ اُرش چار کارمند کشگ بوتگ اَنت May 16 , 2025 آشوب نیوز بلوچستان ءِ دمگ ھُزدار ءِ تھسیل نال ءَ سمند لیویز چوکی سر ءَ پجّار نہ بوتگیں سلاہ بندیں مردماں اُرش کتگ ءُ چریشی ءِ آسر ءُ چار لیویز کارمند بیران بوتگ اَنت- ھالانی رِد ءَ اُرش شپ ءِ وھد ءَ کنگ بوتگ، وھدے اناگاہ ءَ سلاہ بندیں مردماں چوکی سر ءَ تُرندیں تیرگواری کتگ- اُرش میان ءَ چوکی ءَ ساڑی چار کارمند جاہ پہ جاھی بیران بوتگ - اُرش ءَ پد اُرشکار تچگ ءَ سوبمند بوتگ اَنت- بیران بوتگیں کارمندانی پجّار مکبول، ھدا بکش، اجاز اھمد ءُ مھمد الی نام ءَ چہ بوتگ اَنت- وئیل سوب انگت زانگ نہ بوتگ- https://t.me/Ashoob_News/8535
کولواہ ءُ جاؤ ءَ پاکستانی لشکر ءِ سر ءَ اُرش، تربت ءَ پولیس چوکی سر ءَ دستیگ ءُ وڈہ ءَ مادن بروکیں گاڑیانی سر ءَ اُرش زمہ واری ءَ منّ ایں- بی ایل ایپ May 15 , 2025 آشوب نیوز بلوچستان لبریشن پرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ پانزدہ مئی 2025 ءَ کولواہ ءِ دمگ بدرنگ ءَ سُھب نُھ نزیک ءَ مئے سرمچاراں پاکستانی لشکر ءِ کاروان ءَ ھوار بکتر بندیں گاڑی چیرکتگیں بمب اُرش ءِ نشانگ کتگ ءُ کاروان ءَ آ دگہ گاڑی ءُ پیادگ رؤکانی سر ءَ پیسر ءَ سنگر گپتگیں سرمچاراں اُرش کتگ چریشی ءِ آسر ءَ یک بکتربند گاڑی یے سرجم ءَ تباہ بیتگ ءُ اشی ءَ سوار سرجمیں کارمند مرتگ اَنت- کاروان ءَ آ دگہ گاڑی ءُ پیادگ رؤکاں ھم جانی ءُ مالی تاوان چست کنگ کپتگ- جارکش ءَ گْوشتگ کہ سرمچاراں جنگ میان ءَ دُژمنیں لشکر ءِ سر ءَ اُرش تامُر ریکارڈ کتگ، کہ آئی ءَ زوت بی ایل ایپ رسانکدر آشوب ءَ شنگ کنگ بیت- جارکش ءَ گْوشتگ کہ چاردہ مئی 2025 ءِ بیگاہ ءَ ھپت ءِ نزیک ءَ بلوچستان لبریشن پرنٹ ءِ سرمچاراں جاؤ، سیڑھ ءَ زورگریں پاکستانی لشکر ءِ چوکی اُرش ءِ نشانگ کتگ، اُرش ءَ سرمچاراں چوکی سر ءَ آر پی جی ءِ بازیں گولھے آس داتگ ءُ مزنیں سلاھاں چہ اُرش ءِ نشانگ کتگ، چریشی ءِ آسر ءَ دُژمنیں لشکر ءَ جانی تاوان رس اِتگ- جارکش ءَ گْوشتگ پانزدہ مئی سُھب پنچ ءَ بی ایل ایپ ءِ سرمچاراں تربت ءَ جوسک ءِ ھند سر ءَ پولیس چوکی انگر ءَ کتگ ءُ چوکی ءَ ساڑی سرجمیں سرکاری سلاہ ءُ دگہ سامان دستیگ کتگ اَنت- پولیس کارمند کڈن کنگ ءَ پد یل داتگ اَنت وھدے کہ ھواری ءَ سرکاری ریکارڈ مانداشتگ اَنت- جارکش ءَ گْوشتگ پانزدہ مئی 2025 ءِ نیمروچ ساھت سے نزیک ءَ وڈہ ءِ دمگ وھیر ءَ بی ایل ایپ ءِ سرمچاراں بلوچستان ءَ چہ مادن بروکیں دو گاڑی تاوان داتگ اَنت وھدے کہ ڈرائیور سرپد کنگ ءَ پد یل داتگ اَنت- جارکش ءَ گوشتگ بلوچستان لبریشن پرنٹ ءَ کولواہ، جاؤ، تربت ءُ وڈہ اُرشانی زمہ واری ءَ منّ ایں ءُ رسانکدر ءَ چہ سرجمیں گاڑی واھننداں تُرندی ءَ کڈن کن ایں کہ اگاں مروچی ءَ پد کجام گاڑی واھنند بلوچستان ءَ مادن برگ ءَ ھوار بیتگ اَنت گُڑا آیانی گوم ءَ ترندی ءَ گامگیج زور ایں- جارکش ءَ گْوشتگ ما اے اِھد کن ایں کہ بی ایل ایپ ءِ سرمچاراں بلوچستان ءِ وتواجھی ءَ تاں گام گام سر ءَ ملکموت جوڑ بیگ زورگریں لشکر ءُ دومی لشکری ادارھاں کھر جوڑ بہ ایں- https://t.me/Ashoob_News/8529
کلات ءَ پاکستانی لشکر ءِ سر ءَ مزنیں اُرشے بوتگ May 17 , 2025 آشوب نیوز کلات ءَ پجار نہ بوتگیں سلاہ بندیں مردماں پاکستانی لشکر ءِ مزنیں بنجل ءِ سر ءَ مزنیں اُرشے کتگ۔ ھالانی رد ءَ دوشی سلاہ بندیں مردماں بازیں کچے ءَ کلات ءِ ھند شیکڑی مورگند ءَ زورگریں پاکستانی لشکر ءِ مزنیں بنجل ءِ سر ءَ مزنیں اُرشے کتگ۔ میڑ شپ ءِ ادار یازدہ ءَ بندات بوتگ داں سھب ءِ ادار چار ءَ تیر ءُ تراکانی توار اِش کنگ بوتگ اَنت۔ ھمے میان ءَ پاکستانی لشکر ءِ جنگی بالگرد ءُ ڈرون ءَ تر ءُ گرد کتگ۔ اُرش ءِ آسر ءَ پاکستانی لشکر ءِ بازیں کچے ءَ جانی تاوان ءِ ھال اِنت اُرش ءِ زمہ واری انگت ھچ گل ءَ نہ زرتگ۔ https://t.me/Ashoob_News/8536
تربت ءَ پاکستانی لشکر ءِ گوم ءَ میڑ ءَ دو سلاہ بند جنگ بوتگ May 17 , 2025 آشوب نیوز کیچ ءِ بُنجاھی شھر تربت ءَ زورگریں پاکستانی لشکر ءِ گوم ءَ دیم پہ دیمی میڑے ءَ دو سلاہ بندیں مردماں جنگ بوتگ- ھالانی رد ءَ شھید بیتگیں مردمانی پجّار امجد بشام ءِ بشام بلوچ ءُ سبر اللہ ء یار مھمد اِنت۔ شھید امجد ڈنسر کولواھی بازار آپسر ءِ جھمنند اِنت ءُ شھید سبر اللہ سنگانی سر ءِ جھمنند اِنت۔ مرچی سھب ءِ شش ءَ سنگانی سر ءَ گون زورگریں پاکستانی لشکر ءَ دیم پہ دیمی میڑ ءَ جنگ بوتگ اَنت۔ چہ شنگ بوتگیں تامُر بند ءِ تہ ءَ گندگ کئیت کہ پاکستانی لشکر ءِ نیمگ ءَ سلاہ بندانی رندگیری ءَ ڈرون داتگ ءُ سلاہ بند یک تنکیں دمکے ءِ پُتر اَنت اشانی رندگیری ءَ لشکر ءِ یک گاڑی یے ھم پُتر اِیت ءُ ھمے میان ءَ میڑ برجاہ بیت ءُ دوئیں سلاہ بند جنگ ءُ لشکر ءِ کارمندانی ھم ٹپی بوگ ھال اِنت- میڑءَ پد دوئیں سلاہ بندانی لاش دمگی انتزامیہ ءِ دست ءَ دیگ بیتگ اَنت۔ بلے چہ بلوچ آجوئی لوٹوکیں گلانی نیمگ ءَ انگت ھچ وڑیں درشان شنگ کنگ نہ بوتگ- https://t.me/Ashoob_News/8539
جیونی ءَ پاکستانی لشکر ءِ سر ءَ بمب اُرشے بیتگ May 17 , 2025 آشوب نیوز گوادر ءَ پجار نہ بیتگیں مردماں زورگریں پاکستانی لشکر ءِ گاڑی ءِ سر ءَ بمب اُرشے کتگ۔ ھالانی رد ءَ پاکستانی لشکر ( کوسٹ گاڑد ) ءِ گاڑی پولیس چونگی، تاک تیاب دپ ءِ نزیک ءَ گوں دستی بمب ءَ نشانگ کنگ بیتگ۔ اُرش ءَ پد پاکستانی لشکر بازیں کچے ءَ اُرش جاہ ءَ مچ بیتگ ءُ پٹ ءُ پول بندات کرتگ۔ اُرش ءِ زمہ واری انگت ءَ ھچ گل ءَ نہ زرتگ۔ https://t.me/Ashoob_News/8538
دشت ءَ چاریگی مول ءُ مراد ھاتر ءَ مک کتگیں زونگ موباھل ٹاور ماندارگ زمہ واری بی ایل ایپ ءَ منّ اِتگ May 15 , 2025 آشوب نیوز بلوچستان لبریشن پرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں مروچی نیمروچ ءِ ساھت دو ءِ وھد ءَ کیچ، دشت ءِ دمگ چوٹ بازار ءَ سی پیک دگ سر ءَ چاریگی مول ءُ مراد ھاتر ءَ مک کتگیں موباھل ٹاور تیرگواری کتگ نشانگ کنگ ءَ پد آئی ءِ مشینری مانداشتگ ءُ تاوان داتگ اَنت- جارکش ءَ گْوشتگ بی ایل ایپ اے اُرش زمہ واری ءَ منّ اِیت ءُ بلوچستان ءَ زورگریں پاکستانی ریاست ءِ ھال اھوال، پُلپانچیں شوربندی ءُ لشکر مئے سرمچارانی نشانگ تہ ءَ اَنت- https://t.me/Ashoob_News/8531
کیچ ءَ سلاہ بندیں مردماں پاکستانی لشکر ءِ واستا راشن سرکنوکیں گاڑی دستیگ کتگ May 14 , 2025 آشوب نیوز کیچ ءِ دمگ تمپ ءَ پجّار نہ بوتگیں سلاہ بندیں مردماں لشکر واستا سر کنوکیں راشن دستیگ کتگ اَنت- گیشیں ھالانی رِد ءَ کیچ ءِ دمگ تمپ گومازی ءَ مروچی سُھب ءِ کساس نُھ ءَ پجّار نہ بوتگیں سلاہ بندیں مردماں پاکستانی لشکر ءِ یک چوکی یے واستا راشن ءُ دگہ سامان سر کنوکیں گاڑی راشن ءَ ھوار گپتگ ءُ وتی ھمراھی ءَ برتگ- بلے ڈرائیور کڈن کنگ ءَ پد یل داتگ- اُرش زمہ واری انگت ھچ گل ءَ نہ زرتگ- https://t.me/Ashoob_News/8520