بلوچستان ءُ کراچی ءَ پنچ مردم آوار جنگ ءُ بیگواہ کنگ بوتگ اَنت Feb 12 , 2025 آشوب نیوز بلوچستان ءِ جتاجتائیں دمگ کیچ ، گوادر ءُ کراچی ءَ پاکستانی لشکر ءَ پنچ مردم آوار جتگ بیگواہ کتگ اَنت- گیشیں ھالانی رِد ءَ کیچ ءِ تھسیل تمپ ءِ دمگ دازن ءَ زورگریں پاکستانی لشکر ءَ دو براتاں ھوار دگہ سے مردم آوار جنگ ءَ پد بیگواہ کتگ اَنت۔ ھالانی رد ءَ آوار جنگ بوتگیں مردمانی پجّار الیاس ء ھمید، پاروک ء ھمید ءُ پارس ءِ مھمد کریم اِنت کہ دازن ءِ جھمنند اَنت۔ دوشی زورگریں پاکستانی لشکر ءَ چہ گس ءَ آوار جتگ ءُ بیگواہ کتگ اَنت۔ زور بیگواھیں پاروک پاکستانی لشکر ءَ پیسر ءَ دو رند ءَ 2017 ءُ 2023 آوار جتگ ءُ الیاس ھم پاکستانی لشکر ءَ دو رند ءَ 2017 ءُ 2022 ءَ آوار جتگ ءُ بیگواہ کتگ، ءُ پد یل داتگ اَنت- دومی نیمگ ءَ 11 پروری ءَ پاکستانی لشکر ءِ کارمنداں چہ پسنی ءَ پٹرول پمپ ءَ کارکنوکیں رودین شکیل آوار جتگ ءُ بیگواه کتگ. ھمے وڑ ءَ 6 پروری ءَ مھراج ء امام بکش جھمنند کیچ، شھرک چہ کراچی ءَ بلوچستان ھوٹل ءَ آوار جنگ ءَ پد بیگواه کنگ بیتگ. https://t.me/Ashoob_News/7896