مستونگ ءَ سرپراز بنگلزئی ءِ سر ءَ اُرشے بیتگ Feb 13 ، 2025 آشوب نیوز مستونگ ءَ پجار نہ بیتگیں سلاه بندیں مردماں پاکستانی لشکر ءِ دیم ءَ لگور بیتگیں سرپراز بنگلزئی ءِ کاروان ءِ سر ءَ اُرش کتگ. ھالانی رد ءَ سلاه بندیں مردماں سرپراز بنگلزئی ءِ کاروان مستونگ ءِ ھند مرو ءَ ھما وھد ءَ اُرش کتگ کہ آ چه اسپلنجی ءَ دیم پہ شال ءَ روگ ءَ بیتگ اَنت۔ سرپراز بنگلزئی ءِ درگت ءَ ھمے گوشگ بوگ ءَ اِنت کہ آ چہ اُرش ءَ رک اِتگ ءُ آئی بُلٹ پروپیں گاڑی یے گون بیتگ ءُ پد ءَ زورگریں پاکستانی لشکر ءِ بنجل ءَ سر بیتگ۔ زانگ بہ بیت سرپراز دو سال ءَ ساری گوں وتی ھمراھاں پاکستانی لشکر ءِ دیم لگور بیتگ اَنت- https://t.me/Ashoob_News/7902