پروم ءَ پولیس تانہ ، نادرا ءِ کارگس ءُ پاکستانی لشکر ءِ کیمرھانی سر ءَ ارش ءِ زمہ واری بی ایل ایپ ءَ من اتگ Feb 15 , 2025 آشوب نیوز بلوچستان لبریشن پرنٹ ءِ جارکش میجر گْوھرام بلوچ ءَ رسانکدر ءَ وتی شنگ کتگیں درشانے ءَ گوشتگ کہ سرمچاراں 14 پروری ءِ بیگاہ ءِ پنچ ءَ پنجگور ءِ ھند پروم ءَ پولیس اسٹیشن ءُ نادرا کارگس ءِ سر ءَ اُرش کتگ۔ پٹ ءُ پول ءِ میان ءَ چہ تھانہ ءَ سلاہ، گولا ءُ تراکناکیں شورہ دست نہ کپتگ،گڑا سرمچاراں تھانہ ءِ پرنیچر پروشتگ، نادرا کارگس ءِ لیپ ٹاپ ءُ کیمرہ زرتگ اَنت ءُ کارگس مانداشتگ۔ آئی ءَ گوشتگ کہ پروم ءَ دگہ یک جاھے ءَ تر ءُ گرد ءِ میان ءَ سرمچاراں چہ لیویز کارمندے ءَ یک سی تیری یے پل اتگ، گڑا لیویز کارمند پہ بلوچ بوگ ءِ بنیاد ءَ کڈن کرتگ ءُ ھچ وڑیں تاوان نہ داتگ۔ جارکش ءَ گوشتگ کہ کلہ کور ءَ پاکستانی لشکر ءِ نیمگ ءَ جتگیں سرویلنس کیمرہ، نادراھجاہ ءِ دیم ءَ جتگیں سرویلنس کیمرہ ءُ کھدہ ھکیم بازار ءَ پاکستانی لشکر ءِ نیمگ ءَ جتگیں سرویلنس کیمرہ نشانگ کرتگ ءُ تباہ کرتگ اَنت۔ میجر گْوھرام بلوچ ءَ اُرشانی زمہ واری من اتگ ءُ گوشتگ کہ داں بلوچستان ءِ آجوئی ءَ پاکستانی لشکر ءُ آئی شوربندیاں نشانگ کن ایں۔ https://t.me/Ashoob_News/7912