پسنی ءُ نوشکی ءَ موبائل ٹاورانی سر ءَ اُرش ءِ زمہ واری بی ایل ایپ ءَ من اتگ Mar 01 , 2025 آشوب نیوز بلوچستان لبریشن پرنٹ ءِ جارکش میجر گْوھرام بلوچ ءَ رسانکدر ءَ وتی شنگ کتگیں درشانے ءَ گوشتگ کہ 28 پروری ءِ شپ ءَ بی ایل ایپ ءِ سرمچاراں بلوچستان ءِ تیاب دپی شھر پسنی ءِ ھند ریک پشت ءَ موبائل ٹاور ءِ ھواری ءَ مشین ءُ سامان مانداشتگ اَنت. جارکش ءَ گوشتگ کہ دگہ یک اُرشے ءَ 28 پروری ءِ شپ ءِ ادار یک ءِ نزیک ءَ سرمچاراں نوشکی ءِ ھند زرین جنگل ءَ ٹیلی نار کمیونیکیشن شرکت ءِ ٹاور گوں شورھاں تباه کتگ ءُ مشین ھم مانداشتگ اَنت. آئی ءَ گوشتگ کہ بلوچستان ءِ کوچگ ءُ میتگاں لوٹ ءَ گیش رھوتی نزام ءِ درچ ءِ گیش بوگ ءَ اِنت، مکسد اش اِنت کہ گوں رھوتی نزام ءِ جتگیں چاریگی ابزاراں سرمچارانی ترّ ءُ گرد ءَ بہ دار ایت۔ میجر گْوھرام ءَ دوئیں اُرشانی زمہ واری من اتگ ءُ گوشتگ کہ سرجمیں بلوچستان ءَ رھوتی نزام ءِ جنوکیں شرکتاں کڈن کن اِیں کہ آ گوں وتی نزام ءَ زورگریں لشکر ءُ چیریں ادراھانی آسراتی دیگ ءَ پھریز بہ کن اَنت اگاں نہ وتی تاوان ءِ زمہ وار وت انت- https://t.me/Ashoob_News/8003