કલારાણી ગામે નવનિર્મિત પ્રાથમિક આરોગ્ય કેન્દ્રનું લોકાર્પણ પાવીજેતપુર તાલુકાના કલારાણી ગામે રૂ. 1.60 કરોડના ખર્ચે આધુનિક સુવિધાઓથી સજ્જ પ્રાથમિક આરોગ્ય કેન્દ્રનું લોકાર્પણ કરવામાં આવ્યું. લોકાર્પણ સમારોહમાં પાવીજેતપુરના ધારાસભ્ય જયંતિભાઈ રાઠવા અને છોટાઉદેપુર જિલ્લા પંચાયત પ્રમુખ મલકાબેન પટેલ ઉપસ્થિત રહ્યા. આ આરોગ્ય કેન્દ્ર આસપાસના 40-50 ગામોના લોકો માટે આરોગ્ય સેવાઓ અને સરકારી યોજનાઓના લાભ મેળવવા માટે મહત્વપૂર્ણ ભૂમિકા ભજવશે. નવનિર્મિત બિલ્ડિંગમાં પુરુષ અને સ્ત્રીઓ માટે અલગ વોર્ડ, લેબોરેટરી, લેબર રૂમ, માઈનર ઓટી, પી.એમ. રૂમ સહિતની તમામ આધુનિક સુવિધાઓ ઉપલબ્ધ કરાવવામાં આવી છે. કાર્યક્રમમાં જિલ્લા અને તાલુકા પંચાયતના સભ્યો, સરપંચશ્રીઓ, આરોગ્ય વિભાગના અધિકારીઓ, સ્થાનિક આગેવાનો અને મોટી સંખ્યામાં ગ્રામજનો ઉપસ્થિત રહ્યા https://www.facebook.com/share/p/15jWuS81Wv/