حب ( این این آئی ) سابق وزیر اعلی بلوچستان سینیٹر میر عبدالقدوس بزنجو نے کہا ہے کہ بلوچستان حکومت میں اختلافات نہیں گھر کا مسئلہ ہے گھر میں ہی حل ہو جائے گا حب کے لئے اپنے دور میں ماسٹر پلان کا اعلان کیا تھا جلد اس پر کام شروع ہو جائے گا، بلوچستان کے لوگوں کا روز گار باڈر ٹریڈ سے وابستہ ہے اس میں نرمی کی ضرورت ہے ان خیالات کا اظہار انہوں نے حب میں بزنجو ہاوس میں صحافیوں سے گفتگو کرتے ہوئے کیا انہوں نے کہا کہ ایک گھر میں بھی اختلاف ہوتا ہے بلوچستان حکومت میں اختلافات نہیں بلکہ گھر کا مسئلہ ہے جسے ہم گھر میں بیٹھ کر حل کریں گے انہوں کہا کہ پیپلز پارٹی روز گار دینے والی پارٹی ہے بلوچستان کے لوگوں کا روزگار باڈر ٹریڈ سے وابستہ ہے میں نے اپنے دور میں باڈر ٹریڈ کے روزگار سے وابستہ لوگوں کے لیے آسانیاں پیدا کیں تھیں اب بھی میں حکومت سے رابطے میں میں ٹریڈ سے وابستہ لوگوں کے لئے نرمی پیدا کی جائے تاکہ وہ آسانی سے اپنا روزگار کر سکیں انہوں نے کہا کہ میں نے اپنے دور میں جب ماسٹر پلان اور حب ڈیلو لیپمنٹ اتھارٹی کی منظوری دی تھی جس پر جلد عمل درآمد شروع ہوگا اور حب شہر کے تمام بنیاد مسائل ماسٹر پلان کے تحت حل ہو جائیں گے ایک سوال کے جواب میں انہوں نے کہا کہ بیلہ آواران روڈ میں نے اپنے دور میمنظور کرایا تھا جس پر کام جاری ہے لیکن نا مساد حالات کی وجہ سے سست روی کا شکار ہے روڈ مکمل ہونے سے لوگوں کے لیئے آسانیاں پیدا ہونگی قبل ازیں سابق وزیر اعلی بلوچستان و سینیٹر میر عبدالقدوس بزنجو نے میر پیر جان سے ان کی بیٹی کی وفات پر تعزیت وفاتحہ خوانی کی اور مرحومہ کے ایصال ثواب کے لیئے دعائے مغفرت کی۔