БАРЛА ХАТТАРЫ - Рисале-и Нұр Барлада жазыла бастағаннан кейін, Испарта мен оның маңындағы бағалы шәкірттері бұл еңбектерді оқу және жазу арқылы пайда көріп, сезімдері, ынта-жігері мен құрметтерін алғыс ретінде қадірлі авторы Әзіз Үстазға хаттармен жеткізген. Осылайша, Әзіз Үстаз бен шәкірттердің хаттары арқылы Барла Лахика хаттары пайда болды. - Иә, Рисале-и Нұр жазылып, таралуымен бірге, Нұр қызметінің және Құранды оқыту мен түсіндірудің қызметінде, Нұр жолын үйренуде және ұзақ уақыт бойы жүргізілген қызметтің барысында шәкірттердің түрлі жағдайлар мен шабуылдар алдында сабырлық, беріктік және шынайылықпен әрекет етуі үшін бағыт беретін, Құран қызметінің дамуына жеңілдік әкелетін ескертулер мен кеңестерге, әрине, қатты қажеттілік туындайды. - Сонымен қатар, бұл хаттардың кейбірі қажеттілікке негізделіп жазылған және қайта жазылған ескертулер болып табылады, әрі сол қажеттіліктің әрдайым қайталануы байқалып отыр, сондықтан олар үнемі басшылыққа алынатын даналықтар мен қағидаларды қамтиды. Міне, Лахика Хаттары өзгеріп жатқан әлемдік оқиғалар, кең әрі түбегейлі мәселелер мен жағдайлар шеңберінде, дұрыс Құран қызметінің негіздерін үйретеді.