Zakat farz hai, uska munkir kafir aur na dene wala fasiq aur qatl ka mustahiq aur ada mein takheer karne wala gunahgar wa mardood ul-shahadah hai. Zakat dena har us aaqil, baligh aur azad musalman par farz hai jis mein yeh sharait paee jaen: (1) Nisab ka malik ho. (2) Yeh nisab naami ho. (3) Nisab us ke qabze mein ho. (4) Nisab us ki haajat asliya (yani zarooriyat-e-zindagi) se zayed ho. (5) Nisab dain (qarz) se farigh ho. (6) Us nisab par ek saal guzar jaey. (Bahar-e-Shariat ba-hawala Alamgiri, Durr-e-Mukhtar wa Radd-ul-Muhtar)